周家怡廁所被偷拍「凶狠」回擊周國賢自揭遭油頭大叔摸大髀

娛圈事

周家怡廁所被偷拍「凶狠」回擊周國賢自揭遭油頭大叔摸大髀

2024年06月28日 10:00 最後更新：13:29

周家怡與周國賢齊齊分享自己曾遇過的「恐怖經歷」！

由周家怡及周國賢（Endy）主演的ViuTV原創劇集《無人之境》日前播出，二人密密為劇集宣傳。最近家怡和李靖筠Gladys的YouTube講車節目《恨駕女團》大受歡迎，主理人之一的家怡便找來劇中的老公Endy任嘉賓，家怡除了跟同樣是愛車之人的Endy大談車經，更分享恐怖偷窺經歷。

點擊看圖輯

今集《恨駕女團》有周家怡及她在ViuTV原創劇集《無人之境》中的「老公」周國賢。

影片截圖

觀看相關影片按連結：https://youtu.be/j2kiKgxwtM0

這次拍攝團隊借來「Porsche 2023 Taycan」，家怡表示對於電車其實不太熟悉，亦沒開過「波子」的電車，所以很想嘗試開「波子」電車，Endy亦謂只開過一、兩次電車，但感覺怪怪的，不過在試完這輛「波子」後，二人異口同聲大讚，「好好玩、好爽，呢個performance係正喎！轉彎嘅時候係張住個地下，唔覺佢係電車，感覺好好。」

遊完車河後，二人到餐廳醫肚兼吹水，談到拍劇時人前人後兩個樣，家怡自言有時可以很可愛，有時又可以好凶狠，Endy即謂她拍短髮的戲時的氣場令他害怕，家怡隨即分享她凶狠的一面，「有一次去某餐廳食嘢，去洗手間時下面有個手機鏡頭伸入嚟，我以為我啲friend玩，好大聲話：『喂！做咩啊！唔好玩啦。』個相機好快縮走咗，我就知道應該唔係我啲friend，如果係friend嘅，應該就會笑。去完廁所之後我一行出去，我嗰個氣場真係勁！我出到去向住全餐廳問頭先邊個怕我！大家呆咗，我見到有閉路電視，我話play個閉路電視睇！我嗰個樣突然變咗一個豪氣大家姐。原來個老闆！我一出到嚟見到有個人衝咗出門口，我就即刻問個職員：『頭先衝出去嗰個係邊個？』佢話係老闆嘅太子仔，轉頭太子仔再返入嚟扮晒嘢問：『咩事呀？』我話：『唔使咩事啦，拎嚟個電話出嚟俾我睇！你應該洗咗㗎啦！頭先你衝出去！』佢話冇『做咩啊？』我話唔好再問做乜嘢，你play個閉路電視，我話：『你都唔係第一次㗎啦！』好有型咁樣，好變態啊呢件事。」

偷拍事件聽到Endy嘩嘩聲，他又謂自己很「吸」這些事情，「細個十歲、十一歲，買咗個餐自己坐喺度食等朋友，之後有一個頭髮好似Barcode咁樣樣嘅人無啦啦行埋嚟，佢話：『喺度做乜嘢呀？喺度等人呀？』然後佢隻手就擺落我大髀，我當時着短褲，我覺得好核突嗰刻！梗係即刻走啦！我當時好驚，佢個頭又油又有陣味！呢啲嘢真係防不勝防，有時去酒店都有啲驚呀。」

往下看更多文章

《破．地獄》加長版4.4上映部分收益捐慈善周家怡朱栢康領團隊出席優先場

英皇電影《破．地獄》由陳茂賢執導，黃子華、許冠文（Michael）及衛詩雅（Michelle）攜手主演，朱栢康、周家怡、秦沛、金燕玲、韋羅莎、梁雍婷、白只及鍾雪瑩聯合演出。電影港澳累積票房數字高達1億6千百萬，更榮獲香港電影金像獎18項提名，刷新近十年提名紀錄。此外，戲中「郭家一門三傑」許冠文、衛詩雅及朱栢康早前大熱獲頒「香港電影導演會年度大獎」影帝影后及最佳男配角三項殊榮。

《破．地獄》加長版即將於4月4日清明節上映，片長為139分鐘，多達12分鐘從未曝光片段呈現觀眾眼前。英皇電影宣布加長版正場票價一律為港幣80元（個別戲院除外，詳情請留意戲院網站公佈）。而加長版部分收益將撥捐與《破．地獄》並肩同行之慈善機構「東華三院」，一方面回報社會，同時回饋一直踴躍支持《破．地獄》的所有觀眾。是次善舉旨在令更多觀眾以相宜票價欣賞電影，並全力支持推欣賞電影餘韻同時身體力行參與善舉。

對於加長版上映更添意義，導演陳茂賢指：「《破．地獄》道出人與人之間的關係，與東華三院一直不遺餘力拉近社會上不同背景人士的慈善工作不謀而合。今次上映尤其高興以『加長·減』這個方式答謝東華三院在製作階段給予的扶助及支持。」而憑《破．地獄》封后的Michelle則指：「記得謝票嘅時候，觀眾朋友一直都敲碗加長版上映，轉眼間導演已經準備好呢個更多故事枝節同人物關係嘅版本，得悉部分票房收入撥捐慈善，感覺好有意思，而家又有更多理由再次入場欣賞！」

至於備受期待於加長版展現更多的周家怡表示：「拍攝時候我都有到過東華義莊同埋萬國殯儀館，感受到有關場地好多善意嘅幫忙。今次加長版上映可以令呢段淵源更加深厚，同時延續到電影同觀眾嘅緣分，我覺得係一份好大嘅美意。」

此外，《破．地獄》團隊日前現身尖沙咀iSQUARE英皇戲院首度欣賞《破．地獄》加長版，慈善優先場獲新界總商會及關顧更生人士會全力支持，出席包括英皇集團主席－楊受成博士、英皇電影營運總監－邱漢雄先生、演員－朱栢康、周家怡、金燕玲、岑珈其、艾妮、劉若寶、張凱娸、嘉賓－沈震軒、黎展峯、曾傲棐、朱天及Christine Cheng。

本屆金像獎最佳男配角大熱的朱康在現場大受歡迎，透露對加長版充滿期待：「加長版入面有郭志斌同道生更豐富嘅關係，仲有機會同谷德昭導演同場合演，所以好期待同大家喺大銀幕上面分享。」而首度於加長版亮相的岑珈其甫見楊受成博士大表興奮：「多謝楊博士喺上映後半年再度送上加長版畀觀眾，我亦好榮幸再次喺陳茂賢導演嘅作品出現，令我可以圓夢同偶像子華神合作。」