一輛黑色Tesla私家車違泊被抄牌,車主自稱係退休警司「撻朵」免責,但交警無面俾,霸氣咁表示。
Tesla違泊被抄牌 司機自稱「退休警司」 警員霸氣回應
YouTube頻道「車Cam特警」近日分享一段影片,影片顯示一輛黑色Tesla私家車違規停在雙黃線上,交通警員正在拍照記錄,當時已聽到粗口橫飛。
隨後,多名白衣男子來勢洶洶包圍著交通警員,車上司機更撻朵自稱是「退休警司」,並囂張表示「有粒花先同我講嘢啦,X樣!」不過,交通警員卻不賣帳,霸氣高呼「我唔驚佢退休警司喎,我而家現職警察喎,佢退休㗎咋喎!」
有人「拍膊頭」 警員堅持「揸正嚟做」
其中一名白衣男子試圖「拍膊頭」擺平事件,但警員堅決不退讓「我揸正嚟做㗎啫,有咩問題我揸正嚟做」。最終,交通警員堅持抄牌,司機及其他人只好就範,影片就此結束。
網民鬧:「知法犯法!」、「妨礙司法公正!」
影片引熱議,大批網民閙爆司機「告多佢一條妨礙司法公正啦」、「想用前警司身份,妨礙司法公正?」、「強力建議片主將copy send 去ICAC備案」、「你話係退休警司就係退休警司呀,知法犯法」、「佢自己曾經都係一個警察,真係有辱警隊!」、「退休警司?退休警棍就真」、「退休警司要響朵去 waive 一張告票?窮成咁?」、「好心佢過氣就咪鬼撻朵,仲要為咗3百幾蚊,而家人哋唔so佢真係肉酸」。
網民支持警員「專業執法」
不少網民讚揚交通警員處理得當「支持香港警察專業執法」、「執法嚴明,前途無量」、「現役警察好嘢」、「如果喺現場,一定會即時大聲稱讚嗰位現役警員」、「大家應讚一讚呢位阿sir有擔當」、「呢個阿蛇公正無私,唔好話前警司,現職都照抄,使俾面佢咩」。
帖文來源:YouTube頻道「車Cam,特警」