新城廣播台歌《沿途有我》MV作首播 「鎮台之寶」薛家燕讚唔簡單

台前幕後總動員合唱及拍攝。

新城廣播自1991年開台以來，一直在大氣電波當中，陪伴大眾風雨同路。適逢今年為新城廣播有限公司33周年，在新城廣播首席營運總監馬浚偉先生策劃下，推出全新台歌《沿途有我》。而《沿途有我》MV於今日 (7月1日) 踏正凌晨12時，在新城廣播網絡電視MBO TV啟播的大日子作首播，大家可於新城廣播網上平台及手機APP上收看。

今年為新城廣播有限公司33周年，在新城廣播首席營運總監馬浚偉先生策劃下，推出全新台歌《沿途有我》。

《沿途有我》十分榮幸得到一眾歌手好友全力支持獻唱，新城廣播更出動台前幕後總動員合唱及拍攝ＭＶ，其中「鎮台之寶」薛家燕、「元祖級」兒童節目主持譚玉瑛、「股壇小辣椒」胡孟青、「鬼王」潘紹聰與及資深音樂主持郭偉安驚喜獻聲；MBO TV台長及新城廣播創作總監葉文輝、財經台台長魏美珍、知訊台台長程凱欣、采訊台台長Michael Vincent、藝人經理人及項目總監范振鋒、新聞部總監林潔瑩、高級執行監製林淑敏、節目主持思敏、胡孟青、黎莉、歐陽德勛、譚玉瑛、漢陽、李紫昕、何基佑、林伽遙、麥皓兒、黃筠兒、麥卓華、朱家明、朱明亮、陳以禔、梁樂童、T.MAX與及采訊台主持等，上下一心為台歌注入強大力量， 無論時日如何，新城廣播一直陪你過，沿途日夜都會有我。

新城廣播更出動台前幕後總動員合唱及拍攝ＭＶ

「鎮台之寶」家燕姐開心表示以往只唱過節目主題曲，但為新城唱台歌卻是第一次：「難得請到周禮茂為我哋填詞，首歌嘅旋律好好聽，歌詞好正能量，我好欣賞，雖然有啲難唱，不過OK嘅，做一首台歌一定要令人覺得有正能量同挑戰性，幾十人一齊唱，呢個設計好唔簡單，證明佢哋好用心做，希望我唱出嚟唔會失禮，亦都知道喺Steven（馬浚偉）嘅領導下，大家都將所有台同節目做好，好感動。」

家燕姐

主持兒童節目多年的譚玉瑛，早前加盟新城廣播與何基佑、黃筠兒及麥皓兒主持《QK玉瑛室》，這次為台歌獻唱，對她來說是大挑戰，譚玉瑛表示：「我過往幾十年只係唱兒歌，無咁多呢啲抑揚頓挫，今次好彩有麥皓兒教我，尤其係唱歌力度，錄音前，我有聽過首歌，但都唔知點入，平時好少唱歌。（對你好有難度？）因為個音幾高，唱歌對我已經有難度，所以就算幾簡單嘅歌都會覺得難，但好彩有佢哋指導我。」

主持兒童節目多年的譚玉瑛

胡孟青現身錄音室並不是談論財經股票，而是開金口唱歌，雖然只是短短一句歌詞，但青姐表現得相當專業，不時向監製請教如何開聲，她表示：「其實我好憎唱歌，有唱過K，但唱完成個月開咪都會沙聲，所以從來都唔唱，今次成件事好認真，有少少緊張嘅，我畀自己零分，我唔係天才，係『天菜』。」

胡孟青

鮮有公開露面的郭偉安，坦言已盡力升高Key，幸好監製收貨，他笑言：「呢十年我都無錄過歌，發覺自己把聲愈來愈低音，但今次錄音未試過咁高音，相信我錄嘅時候面容會好扭曲，擔心會嚇親人，但監製叫我照去，他給予我很多信心，所以舒服很多。（唱上癮？）已經上咗癮，成日都哼住『高興遇上你』呢句歌詞，因為呢句係我唱，大家記得留意。（要求下次唱多兩句？）如果監製唔嫌棄，又想再搵我唱，我無任歡迎。」歐陽德勛自爆馬浚偉邀請他錄台歌時十分客氣，「佢問我有無時間光臨參與錄音，為依家個士氣打氣，又好強調係一首好有意義嘅台歌，我話乜你咁客氣，你唔預我會嬲添！」

《沿途有我》由馬永齡作曲及監製，新城首席創作總監兼著名填詞人周禮茂帶領新晉填詞人潘源禮共同填詞，歌曲道出人生起跌，只要堅守信念，最後定能撐過。台歌除了新城數十位台前幕後齊參與之外，更邀請到一眾歌手全力支持獻唱，包括樂壇一姐楊千嬅、周吉佩、李幸倪、泳兒、梁釗峰、吳業坤、陳葦璇、黃淑蔓、安俊豪、余宗遙、顧定軒、譚嘉荃、林愷鈴及Beanies。

啤梨

潘紹聰

程凱欣

陳以禔

范振鋒

思敏.

黎莉

李紫昕

麥卓華

林伽遙

漢陽+譚嘉荃

歐陽德勛

麥皓兒

海淦清

馬浚偉奉勸大家不要亂信流言，小心別誤墮陷阱！

就近日有網民在社交平台發放假消息，指新城廣播大裁員，新城廣播有限公司首席營運總裁馬浚偉與新城多位管理層、節目主持紛紛在個人社交平台出Po剝花生！馬浚偉留言：「我哋新城廣播並冇裁員，唔好亂作啦。」馬浚偉再稱：「現在科技發達，假訊息、假資訊隨時可以誤導讀者！要進行抹黑或者攻擊行為，網絡實在有太多方法！當然我奉勸大家不要亂信，亦要小心別誤墮陷阱！當然更重要嘅，係繼續留意同支持我哋新城廣播和MBOTV! 哈哈，多謝大家！」

馬浚偉否認新城大裁員。

馬生還奉勸大家不要亂信流言。

MBO TV台長兼創作總監葉文輝（啤梨）亦出Po：「睇到關於新城嘅花生真係得啖笑，連我日日返工都唔知，大家笑完好快啲聽我節目同睇MBO TV嘞。」

知訊台台長程凱欣也出Po：「身體同一間公司一樣，要健康茁壯成長，也不能讓不真嘅消息蔓延。近日收到 有WhatsApp問到關於新城傳出裁員消息，辟谷對身體有很多好處，同樣「辟謠」也重要，不能讓不盡不實，流言蜚語發酵蔓延。」

葉文輝（啤梨）話傳聞「得啖笑」。

財經台台長魏美珍與主持胡孟青在財經台「開市直擊」節目中，也踢這則流料：「網民留言話MBO TV，聽都未聽過，實在太難過喇。咁落力演出竟然無人知？咁就等我再次介紹一下MBO TV，有聲、有畫；可以聽、可以睇！專業分析、貼地演繹！以後記得逢港股交易日上午11時至12時收睇直播，支持我地！
近日太多朋友問到公司裁員消息，無法逐一澄清，請大家準時收聽同收睇「開市直擊」揾答案！」

范振鋒今日與思敏返新城主持《開心大派對》節目，阿范表示一路無聽過新城裁員。

思敏FB

新城廣播藝人經理人及項目總監范振鋒今日與思敏返新城主持《開心大派對》節目，阿范表示一路無聽過新城裁員，反而見到公司（新城）最近請咗好多人：「依家要做假新聞好容易，搵鍵盤戰士打手。反而自從COO馬生入主電台後，電台新景氣，改革好咗好多，新城多咗好多活動及宣傳，生氣好好多，11月其中有一日，連搞三單event，大家嘅士氣好好。」阿范更歡迎發放假消息的人聯絡他：「放假消息朋友，有咩唔明或誤會，可以搵我，我可以安排當面搵馬生傾下。」

思敏反而欣賞：「馬生好肯用錢在科技上。」更在社交平台出Po：「如果新城有吉位多出嚟，我絕對會將我嘅私人物品擺喺公司，慳返啲。可惜！我依家要繼續借迷你倉，因為個個位都有人㗎！」

知訊台台長程凱欣指，不能讓不盡不實流言蜚語蔓延。

胡孟青