司機夜間開車最驚撞到靈異事件!日前有網友在臉書群組分享相片,只見一輛白色私家車前座恍如坐着有兩個套着白色面罩的人頭,路過司機被嚇到爆粗。
樓主受驚爆粗大罵
日前有司機在臉書群組分享兩張相片,相中見到一輛白色私家車泊在路邊,在駕駛座和副駕駛座處,放有兩個套着白色面罩的「人頭」,非常詭異恐佈。但望真點,原來只不過是座位套上搶匪常用的白色頭套而已!樓主似受了驚嚇,在帖文中大罵「你老X,俾你嚇到差啲炒(車)」
網民爆笑:唔使驚,敷緊mask(面膜)咋嘛
不少網民笑到「七月十四先揸出嚟啦」、「唔使驚,敷緊mask(面膜)咋嘛」、「夜晚都幾恐怖」。亦有網民亦曾見過相中的私家車「同我同一個車場,成日見所以習以為常啦」、「我上次係見兩隻狗頭」;不過有網友指樓主開車頭大燈,先見到前座枕頭位置,「你老X,唔開大燈咪唔會照到咁高囉」,樓主即反駁,指自己開大燈是為了方便拍照,「我唔開高燈嚟影, 你覺得張相會影得咁清? 你怕嗰兩個頭套覺得殘眼?」。
淘寶有售相似設計的車座頭套
更有網友分享在另一輛車同樣影到相同的頭套,指現在「潮流興」,雖然拍照時是白天,但如果沒望清楚,同樣會被嚇襯!亦有網民找到淘寶有售相似設計的車座頭套,指出相當受買家歡迎!