薄扶林道有道路指示牌「上下倒轉」,令一眾司機睇到搲曬頭,網民估係1原因造成。
薄扶林道路指示牌「上下倒轉」
有網民於Facebook群組「車camL(香港群組)」上載照片,顯示一塊道路指示牌竟「上下倒轉」掛著。該指示設置於薄扶林道近瑪麗醫院對出位置,用於為交通車輛指路,標示的地方及方向清晰可見,指向沙宣道、九龍(西)、中區及香港仔的方向,但整塊路牌的方向顛倒,令不少司機感費解。
網民鬧:「出咗車禍,咩後果?」
照片引熱議,有人笑言「來吧倒轉地球」、「吸引遊客打卡景點」、「裝工應該都係盲人」、「求其裝住先,趕住去食飯」、「藝術裝置嚟架!」。不少網民認為事件離譜「跟呢個路牌行車出咗車禍,咩後果?」、「現在D部門,係咪請文盲工作?」、「裝工,監工,收貨 三條友都覺得冇問題,點解你地會覺得奇怪」。
網民猜測是螺絲鬆脫所致
有眼利網民則發現,路牌上面有一粒螺絲鬆脫「上面粒螺絲甩咗,所以轉咗落嚟啫」、「好明顯頂果粒冇咗反咗落黎啦。呢啲牌點會咁掛咁矮」、「粒螺絲鬆左姐,所以反轉左」。據悉,有關部門已派員視察並進行維修。隨後有網民經過時,見到該指示牌已恢復正常。
帖文來源:Facebook群組「車camL(香港群組)」