陳淑芬紀念展終極延期至7月28日憶張國榮一度硬咽

娛圈事

陳淑芬紀念展終極延期至7月28日憶張國榮一度硬咽

2024年07月11日 21:00 最後更新：07月12日 18:27

提起哥哥的窩心，陳太一度硬咽！

金牌經理人兼製作人陳淑芬（陳太）接受新城知訊台台長程凱欣和麥卓華主持的《原來生活好快樂》訪問，曾為哥哥張國榮擔任經理人，與梅艷芳及張學友等巨星合作無間的陳太，縱橫演藝界50年，見證了香港演藝界的光輝歲月。為了紀念入行50周年，陳太不惜工本在澳門倫敦人綜藝館舉行《陳淑芬．星星相識50年．紀念展》，與大家一齊見證半個世紀以來香港樂壇的發展及輝煌。展期本來由3月20日5月19日，反應相當熱烈，徇眾要求下紀念展宣布延期再延期，由6月30日延至7月28日，陳太在節目中表示：「今次真係終極一次，希望大家把握最後機會嚟睇。」
陳太形容這個紀念展是香港樂壇歷史見證，跟大家回顧她入行50年的歷程，包括曾參與製作的大型演出項目，以及半世紀以來香港流行音樂文化及演唱會行業進程，「呢50年，香港娛樂圈畀我好多機會，好多人陪伴我，合作又好開心，到依家仲喺呢個行業，仲服務大家，我覺得好感恩。」展品當中，一半是哥哥的物品，「哥哥喺我心目中同演藝生涯佔好重位置，我同佢識於微時，好似一個戰友咁，展覽有個張國榮專區，好多謝唐鶴德先生借咗好多哥哥珍藏、服飾，仲有哥哥喺樂壇、影壇攞過嘅獎項。」

陳太和哥哥及很多藝人情如家人，皆因陳太對他們都付出最真誠和真心，「哥哥成日講，除咗我唔係姓張，佢唔係姓陳，其實我真係好似佢家姐，我都當佢係細佬，其他藝人做訪問都有講，原來佢哋都當我係屋企人，我知道之後覺得好欣慰。」提起哥哥的窩心，陳太一度硬咽，程凱欣讚陳太是位重情重義、剛柔並重的鐵娘子。

跟一班天王巨星合作無間，陳太指他們的共通點都十分勤力，堅持自己理想，程凱欣問她誰要求最高和難服侍？陳太笑言：「係兩樣嘢，難服侍同要求高係分開，哥哥都算係追求完美嘅人，有啲人要求高，但又難為到身邊人同自己，佢嘅要求有機會脫離現實，但呢個係冇錯嘅，冇呢啲要求，又push唔到身邊人去做，最重要係體諒同包容，你對自己要求高OK，但唔可以諗到天馬行空迫人去做，又不顧安全問題，咁又唔可以。」

陳太亦分享早年帶哥哥和梅艷芳去英國登台的難忘事，「當年我哋係去戲院做，因為好多華人喺嗰邊，佢哋又有好多人開餐館，要等佢哋收咗工先開騷，所以啲騷係凌晨12點先開騷。」開騷未必穩賺，陳太並不介意蝕錢，只求做得好：「就算有冇錢賺，都一定都做好佢，起碼有個口碑，好似哥哥嘅紀念活動，我哋只係想做好一件事，令觀眾開心。」

詳細節目內容，請留意7月11日，早上9-10時，新城知訊台《原來生活好快樂》「自主人生」環節，重溫網址：https://www.metroradio.com.hk/MetroInfo/

往下看更多文章

張國榮離世22周年陳淑芬與各地「哥」迷齊聚寶福山

今日（4月1日）是「哥哥」張國榮離世二十二周年，陳淑芬（陳太）與兒子陳家豪、「哥哥」生前好友連炎輝、「哥哥」前助手Kenneth及譚明玉（羅文妹妹）等，聯同近五百位來自香港、內地、日本、韓國等的「哥」迷，齊聚沙田寶福山，向這位永恒的偶像致意。

二十二年過去，大家仍在繼續寵愛張國榮，陳太特別訂製由紫玫瑰組成的「22」心型花飾，象徵「哥」迷22年不變的摯愛。而各地的「哥」迷也紛紛送上別緻的花牌，寶福山上花海一片。長情的日本「哥」迷，每年4月及9月都會親自來港送上千羽鶴，這次摺製代表「哥哥」生辰日期的912隻粉紅色千羽鶴綴以嬌豔的櫻花配飾，借春風表達「哥哥」在他們心中永遠盛放。