陳健安生日推首張「彩膠」雙喜臨門 孝順仔帶媽媽去旅行共同感受「第一次」

陳健安表示：「細個佢（媽媽）抱住我周圍去，而家到我帶佢！」

7月15日是陳健安的生日，亦是他首張彩膠唱片《Life afteR Life》面世的大日子，雙喜臨門。安仔興奮說：「揀呢一日出嘅原因好簡單，想每年生日都記得人生第一張彩膠係幾時出。」他亦希望「族人」（安仔歌迷專稱）能在16號的音樂會以及20號與歌迷慶生的聚會前收到唱片，到時便能為大家簽名，非常貼心。彩膠除記錄每首歌的「出世紙」外，亦印上安仔不同時期的照片，看到小時候與媽媽的合照時，更勾起二人最近去日本旅行的回憶，他興奮細說着與媽媽共同經歷很多的「第一次」。

安仔在生日正日推出首張彩膠唱片《Life afteR Life》。

安仔在生日正日推出首張彩膠唱片《Life afteR Life》。

《Life afteR Life》彩膠唱片共收錄10首作品，與同名大碟收錄13首歌有所不同。安仔解釋說：「黑膠主要收錄最原汁原味嗰10首，因為佢嘅容量有限，所以《厭惡物圖鑑》合唱版同埋《仍然是那個少年》、《好好掛住》嘅另一版本，就要喺CD先至聽到。」

《Life afteR Life》彩膠唱片共收錄10首作品。

彩膠封面是安仔靠在綁有拼布的椅子上，拼布上的每一個圖案都代表着他的過去。安仔指着布上圖案逐一解說：「《創作者的派對》同歌迷玩咗一個遊戲，我畫一筆，佢哋再不停畫上去，我第一張專輯《本原》嘅封面都包咗喺張凳上面。呢張碟嘅概念係，『你嘅過去成就而家嘅你』，痕跡疊痕跡，我依靠住呢啲過去成就而家嘅我。」細心一看會發現這張封面照，甚至內頁的照片都與同名大碟略有不同，他說：「CD封面會見到好多唔同Layer，一層一層咁。彩膠就係騷晒成個Setting出嚟，放大係會睇到凳上面嘅圖案。放大版本嘅感覺好唔同，睇到好多Details。」

拼布椅子上每一個圖案都代表着安仔的過去。

至於彩膠內頁就跟同名大碟一樣，記錄了每首歌的「出世紙」、每位創作人當下的想法，安仔形容就如日記般寫下每首歌的創作點滴。當中亦收錄了一些金句，安仔更將其中的「The meaning of life is to find your gift. The purpose of life is to give it away.」紋在右手手臂內側。他說：「我嘅禮物就係我嘅感受，然後用音樂嘅方法送出去。」安仔仔細翻看彩膠內頁，看到小時候與父母的合照時更勾起不少童年回憶。他笑說：「阿媽抱住我，呢張相喺屯門市鎮公園影。嗰時佢抱住我周圍去，而家到我帶佢去旅行。」

彩膠內頁收錄了一些金句。

亦有安仔小時候與父母。

與媽媽在屯門市鎮公園的合照。

近年經常與媽媽去旅行的安仔表示：「細個阿媽帶我去好多地方，好多嘅第一次都係佢帶畀我，大咗覺得自己有能力就想做返呢個角色。」他剛剛與媽媽去完福岡旅行，並透露每次都會挑選雙方都未到過的目的地，希望可以共同感受所有的「第一次」。他笑說：「今次發現佢係第一次玩鞦韆，仲有即興一齊玩摩天輪。嗰日去完一個島，睇睇時間仲有半個鐘就日落，望一望對面有個摩天輪，就問阿媽玩唔玩，佢話『唔玩啦』，因為之前去旅行試過話70歲以上唔畀玩，可能日本冇限制，就即興同佢玩摩天輪，撞啱時間一邊睇日落一邊玩摩天輪，好多第一次好開心。」人生第一張彩膠唱片，安仔當然有預留給媽媽，還表示會為對方簽名，非常孝順。

安仔近年經常與媽媽去旅行，每次都會挑選雙方都未到過的目的地，希望可以共同感受所有的「第一次」。

音樂會吸引Fans和途人逾千人圍觀！

「寰亞音樂」其中兩位唱將，馮允謙（Jay）和陳健安（安仔），一同在12月12日推出個人專輯，日前他們更一同在尖沙咀星光大道梳士巴利花園活動平台舉行「Jay Fung x On Chan MUSIC NIGHT AT THE HARBOUR」音樂會，他們的家人、新碟歌曲班底、音樂人朋友等捧場。在四面台上演出，Fans和途人逾千人圍觀，反應非常熱烈，他們即興encore，全場尖叫歡呼。

Jay和安仔一同舉行「Jay Fung x On Chan MUSIC NIGHT AT THE HARBOUR」音樂會，師妹Me&擔任表演嘉賓。

音樂會由Me&的黃淑蔓（Feanna）和連家穎（Vian）打頭陣，演唱充滿聖誕氣氛的新歌《Me& My Christmas Town》，雖然當日是入冬最寒冷晚上，室外只有13度又大風，但她們穿著短裙大曬長腿跳唱，全場氣溫急升。接著Jay和安仔出場，合唱安仔新碟內作品《我違和但我不糾正》 。

音樂會由Me&打頭陣。

演唱充滿聖誕氣氛的新歌《Me& My Christmas Town》。

Jay和安仔接著出場，並合唱安仔新碟內作品《我違和但我不糾正》 。

之後安仔獨唱《戀愛腦之死》和《我很不愛你》後，安仔分享了兩個故事：「早幾年有一個朋友因病離開咗，佢臨走前一晚，叫晒啲朋友去醫院見佢，佢每一眼都好用力，好好記住每一個人。我亦諗起第二個朋友，早前佢有一位好親、好愛嘅人離世，佢覺得生無可戀，甚至乎諗過自己都離開呢個世界。我呢首歌係想送畀我現世嘅朋友，希望當你有啲諗唔開嘅時候，好似歌詞所講，每個人心入面都有美好嘅嘢，值得我哋留喺現世，就好似『象牙白』呢隻顏色，就算褪色仍然優雅。」然後他唱出新歌《心裡尚有象牙白》和《當我們返回現世》。

安仔之後獨唱《戀愛腦之死》和《我很不愛你》。

又分享了兩個故事。

接著Jay出場，一口氣唱出《無理取樂》、《在愛面前投降》、《膽量鍛鍊之旅》和《你是我的回憶殺》等新碟歌曲，台下Fans熱情揮動燈牌和歡呼。安仔再度上台，Jay表示當年參加歌唱比賽時，安仔以C AllStar身份擔任表演嘉賓，他記憶猶新。原定二人合唱《遠在眼前》後完騷，但Fans反應太熱烈，狂嗌encore，Jay和安仔即興拉埋捧場睇騷的音樂人，分別唱出《在最好的時間做最好的你》和《在錯誤的宇宙尋找愛》，音樂會圓滿結束。

接著Jay出場。

並一口氣唱出《無理取樂》、《在愛面前投降》、《膽量鍛鍊之旅》和《你是我的回憶殺》等新碟歌曲。

音樂會後，Jay和安仔都表示非常喜歡戶外表演，安仔說：「見到好多人圍觀好熱鬧，唱歌嘅時候仲見到有船駛過，感覺好特別。」Jay透露唱歌時吸了一口冷風後咳嗽，狂飲水舒緩。Jay帶著新碟《EMO》，安仔亦帶著新碟《PROJECT REJECT》，互相向對方介紹自己新碟的特別包裝設計。Jay說：「你可以轉動旁邊呢個位置，咁封面嘅顏色就會變，代表唔同嘅情緒！」百厭的安仔立即來回狂轉動，笑言：「嘩，情緒波動呀！」而安仔就向Jay講解要撕爛其包裝才可取出唱片，寓意打破既有思想。Jay一邊撕開一邊笑說：「搣爛晒，我好心痛呀！」

安仔、Jay

而表演嘉賓Me&的Vian說：「我第一次喺耳機聽到Jay和安仔唱歌，感覺好神奇，好好聽。」Feanna說：「我覺得最神奇係聽到你唱歌，進步咗好多。其實每次上台表演前我都特別緊張，但你好淡定，幫咗我好多。」她們表示相隔一年，Me&再有新歌表演非常開心，希望有更多表演機會。Vian自爆出場前一邊耳機臨時故障，被Feanna取笑是「機器之鬼」。

全場大合照。

Jay和安仔的家人、新碟歌曲班底、音樂人朋友及粉絲捧場。

Jay和安仔的家人、新碟歌曲班底、音樂人朋友及粉絲捧場。

Jay和安仔的家人、新碟歌曲班底、音樂人朋友及粉絲捧場。

Jay和安仔的家人、新碟歌曲班底、音樂人朋友及粉絲捧場。