林雪兒死前重要訊息曝光,簡單一句英文帶出「震撼級感動」
由騰訊視頻和TVB聯合製作,王娟、鍾澍佳擔任總監製、方浤酌擔任監製的警匪劇《大棧即食蟲草燕窩特約:反黑英雄》,今晚(26日)8點半翡翠台播映大結局!自從林雪兒(姚子羚飾)於第23集慘死後,《反黑英雄》最後兩集高潮迭起。昨晚(25日)播出的第24集,由於有感自己有份累死林雪兒,徐國賢(張振朗飾)自林雪兒死後性格大變,不但先後與穎琪(朱晨麗飾)及戴Sir(鍾志光飾)發生激烈衝突,更漠視警察身份決意找出殺死林雪兒的真兇陳祖耀(袁偉豪飾)私了。除了狠樣,振朗昨晚一集更先後在五個場口展現不同層次的喊功,包括獨自在拘留所及家中、海傍與燦哥訴苦時、激動地槍指戴Sir時,及最後於廢車場被金爺(李家鼎飾)拷問十億秘密資金密碼時;當中最令人難忘的,絕對是被吊起拷打的那場喊戲。
![焦點圖片](https://image.bastillepost.com/1200x/wp-content/uploads/hongkong/2024/07/01-10.jpg.webp)
焦點圖片
![焦點圖片](https://image.bastillepost.com/1200x/wp-content/uploads/hongkong/2024/07/02-15.jpg.webp)
焦點圖片
![林雪兒死咗之後,徐國賢啲情緒層次好豐富,首先佢會展現兇狠樣。](https://image.bastillepost.com/1200x/wp-content/uploads/hongkong/2024/07/03-12.jpg.webp)
林雪兒死咗之後,徐國賢啲情緒層次好豐富,首先佢會展現兇狠樣。
![有時又會走不屑Style玩吓嘢。](https://image.bastillepost.com/1200x/wp-content/uploads/hongkong/2024/07/04-8.jpg.webp)
有時又會走不屑Style玩吓嘢。
![有時又會走不屑Style玩吓嘢。](https://image.bastillepost.com/1200x/wp-content/uploads/hongkong/2024/07/07-9.jpg.webp)
有時又會走不屑Style玩吓嘢。
相關場口講述金爺為了逼徐國賢說出十億秘密資金密碼,不但將其整個吊起,更著手下亂棍毆打徐國賢;被打至吐血的徐國賢表面一面倔強扮無知兼挑釁金爺,但之後鏡頭轉往徐國賢與林雪兒的回憶片段,原來當林雪兒知道自己大限將至時,將愛犬Whisky交託給徐國賢,並留下重要訊息:「你記住呀Whisky無價寶嚟架,十億都唔好換呀」,碰巧Whisky的狗圈上寫著「iloveyoutothemoonandback」(意思為:我對你的愛程度之深,堪比地球往返月球的距離),十億密碼謎底呼之欲出,亦表示徐國賢早已得知密碼。因為相關密碼再度掀起對林雪兒牽掛的徐國賢,一邊露出苦澀的甜笑,一邊眼淚瘋狂的落下,勁有感染力,成功感動無數網民令該幕被封全劇「最感動場口」。
![面對金爺嚴刑拷問,徐國賢個樣勁倔強](https://image.bastillepost.com/1200x/wp-content/uploads/hongkong/2024/07/34-2.jpg.webp)
面對金爺嚴刑拷問,徐國賢個樣勁倔強
![但一諗起林雪兒留畀佢嘅禮物同心意,佢又無力番。](https://image.bastillepost.com/1200x/wp-content/uploads/hongkong/2024/07/36-3.jpg.webp)
但一諗起林雪兒留畀佢嘅禮物同心意,佢又無力番。
![呢個密碼,感動同震撼咗好多網民。](https://image.bastillepost.com/1200x/wp-content/uploads/hongkong/2024/07/39-4.jpg.webp)
呢個密碼,感動同震撼咗好多網民。
![呢個慢慢笑、慢慢由笑臉跌出淚水嘅一幕,心痛指數爆燈。](https://image.bastillepost.com/1200x/wp-content/uploads/hongkong/2024/07/42-8.jpg.webp)
呢個慢慢笑、慢慢由笑臉跌出淚水嘅一幕,心痛指數爆燈。
張振朗在《反黑》中確實展現了神乎其技的喊功,除了他每次一含淚網民必定忍不住跟著心酸,他控制眼淚的能力亦是天花板級數,除了可邊笑邊喊,令人徹底感受到何謂「百感交集」,更能控制流眼淚的狀態,以海傍訴苦一幕為例,振朗竟能右邊流完眼淚後才再到左邊,與他拍檔拍攝相關場口的林景程,更大爆張振朗眼淚「抵抗力」強,即使面對嚴寒及任何爆笑因素都不會被影響,十分厲害。林景程說:「嗰場好笑呀,嗰日好凍,好似得四、五度度,我哋啲衫好薄、又要吹住海風,去到振朗差唔多要喊喇,但因為我嗰時塊面已經凍到痺咗,連自己流咗條好大嘅鼻涕都feel唔到。之後我要喺振朗喊緊時擰過去畀反應佢,當時我先feel到有條鼻涕喺度擺吓擺吓,好彩振朗完全冇受影響。到Cut咗機之後,振朗即刻(喺戲入面)走埋嚟話我搞佢,佢話:『嘩!我頭先幾難忍呀!』」相當爆笑。
![跟住呢個係振朗尋晚第一場喊戲,好傷心。](https://image.bastillepost.com/1200x/wp-content/uploads/hongkong/2024/07/10-10.jpg.webp)
跟住呢個係振朗尋晚第一場喊戲,好傷心。
![第二場喊戲,感覺到好落寞。](https://image.bastillepost.com/1200x/wp-content/uploads/hongkong/2024/07/11-7.jpg.webp)
第二場喊戲,感覺到好落寞。
![第三場喊戲,主要情緒係好自責。](https://image.bastillepost.com/1200x/wp-content/uploads/hongkong/2024/07/20-8.jpg.webp)
第三場喊戲,主要情緒係好自責。
![留意喇,右邊滴眼淚慢慢咁落完嚟之後,振朗左邊眼底開始有眼淚準備湧出嚟,之後再慢慢流落嚟,大癲。](https://image.bastillepost.com/1200x/wp-content/uploads/hongkong/2024/07/22-8.jpg.webp)
留意喇,右邊滴眼淚慢慢咁落完嚟之後,振朗左邊眼底開始有眼淚準備湧出嚟,之後再慢慢流落嚟,大癲。
![林景程爭啲因為一條鼻涕搞到張振朗破功。](https://image.bastillepost.com/1200x/wp-content/uploads/hongkong/2024/07/27-12.jpg.webp)
林景程爭啲因為一條鼻涕搞到張振朗破功。
![好,又去番情緒分析,林雪兒死咗之後,徐國賢有時會好叛逆。](https://image.bastillepost.com/1200x/wp-content/uploads/hongkong/2024/07/28-7.jpg.webp)
好,又去番情緒分析,林雪兒死咗之後,徐國賢有時會好叛逆。
![第四場喊戲,係帶著傷感後再帶住暴怒嘅情緒。](https://image.bastillepost.com/1200x/wp-content/uploads/hongkong/2024/07/33-7.jpg.webp)
第四場喊戲,係帶著傷感後再帶住暴怒嘅情緒。
除了振朗晒喊功,蔣家旻亦大晒演技。之前一直被誤會已被執行死刑的阿婷(蔣家旻飾)昨晚一集驚爆回歸,原來是金爺救了她,金爺更以阿婷作為威脅祖耀幫自己幹壞事的籌碼…由於阿婷失蹤期間飽受虐待及蹂躪,最終失去大部分行動及說話能力,故平時與老公祖耀相處或是被推出推入時,都只能以非常局限的手部活動及語言表達自己,甚至連眼球都不能郁動太多,但蔣家旻依然能清晰表達出震驚、傷痛、擔心、幸福、絕望、堅定等六種不同情緒,一雙恍如失卻靈魂的眼睛更是令人印象深刻!難怪獲不少網民驚嘆:「演技是真的好」,並笑言:「馬子妮(蔣家旻《愛‧回家》系列角色)終於長大了。」而蔣家旻與袁偉豪的「悲情CP」愛情線亦同樣牽動不少網民情緒,昨晚一幕自覺已是廢人、生不如死的阿婷,面對祖耀的悉心照料甚是心痛及無奈,為免大家再痛苦下去,阿婷眼神失焦但又堅定地吐出想在瑞士安樂死,令祖耀及無數網民均大感痛心。
![蔣家旻今次嘅角色好難演。](https://image.bastillepost.com/1200x/wp-content/uploads/hongkong/2024/07/45-5.jpg.webp)
蔣家旻今次嘅角色好難演。
![其實除咗為自己嘅狀況感到痛苦,面對祖耀嘅疼錫,佢有展現過幸福樣。](https://image.bastillepost.com/1200x/wp-content/uploads/hongkong/2024/07/47-2.jpg.webp)
其實除咗為自己嘅狀況感到痛苦,面對祖耀嘅疼錫,佢有展現過幸福樣。
![只係呢種幸福,夾雜住無數嘅複雜情緒喺入面,蔣家旻都透過「真‧微表情」展現咗嗰種複雜出嚟。](https://image.bastillepost.com/1200x/wp-content/uploads/hongkong/2024/07/49-1.jpg.webp)
只係呢種幸福,夾雜住無數嘅複雜情緒喺入面,蔣家旻都透過「真‧微表情」展現咗嗰種複雜出嚟。
![呢幕感受到阿婷極重的無力感同心痛。](https://image.bastillepost.com/1200x/wp-content/uploads/hongkong/2024/07/52-4.jpg.webp)
呢幕感受到阿婷極重的無力感同心痛。
![呢幕感受到阿婷極重的無力感同心痛。](https://image.bastillepost.com/1200x/wp-content/uploads/hongkong/2024/07/55-2.jpg.webp)
呢幕感受到阿婷極重的無力感同心痛。
![震驚。](https://image.bastillepost.com/1200x/wp-content/uploads/hongkong/2024/07/56-1.jpg.webp)
震驚。
![不甘而又帶點倔強](https://image.bastillepost.com/1200x/wp-content/uploads/hongkong/2024/07/59-1.jpg.webp)
不甘而又帶點倔強