阿雪係「姐姐絕緣體」。
育有兩名兒子的孫慧雪（阿雪）6年前開始聘用外傭幫忙打理家務，黑仔的她曾遇不少工人姐姐的奇人奇事，日前她又在Facebook 指工人突然失蹤。
一家四口其實都有好多家務需要分擔
工人姐姐看似同兩位小朋友感情不錯
阿雪上載一張「兩條線」的驗孕照片，寫：「返到屋企發現姐姐清空房間走咗，佢只係send 張呢幅圖俾我另一位姐姐就失蹤咗😅事緣係之前我哋去美國嘅時候，借錢俾佢買機票返印尼放假～佢返嚟就話有咗BB啦！喺呢度同佢講聲恭喜！」
工人突然「有咗」兼失蹤
後來有網民發現，工人發出的驗孕棒圖係3年前的網上圖片，後知後覺發現假圖的阿雪指﹕「佢呃埋我姐姐！」，又指剩低的另一個工人姐姐係最難過，因為一堆工作落在她身上，不過阿雪回應傳媒回覆時都話會另覓新工人姐姐。
被稱為「姐姐絕緣體」的孫慧雪曾遇到不少怪工人，「之前嗰啲有個欠債，俾人追債、有個偷嘢、有個竟然係犯罪集團，搞到警察攞搜查令上門。」有網民指請工人真係睇彩數，祝福阿雪下個更好。
阿工屢遇奇事，被稱為「姐姐絕緣體」
