郭珮文Part黃宗澤崇拜多於緊張 揭Bosco一個暖心舉動超減壓

加入了不少新元素，單是法證代表，便有早前曝光的郭珮文、林盛斌，戴祖儀Joey飾演的方凱欣及林正峰飾演的程朗等。

由優酷和TVB聯合製作的《卡士蘭NMN逆齡纖體配方呈獻：法證先鋒VI：倖存者的救贖》，將於明日（12日）起、逢周一至周五晚八點半翡翠台播映。《法證先鋒VI：倖存者的救贖》由鍾澍佳擔任總監製、黃國輝擔任監製，主要演員有黃宗澤、袁偉豪、蔡潔、蔣祖曼、傅嘉莉、戴祖儀、關楚耀、林正峰、王敏奕和吳業坤等。《法證先鋒VI：倖存者的救贖》（下簡稱《法證先鋒6》）既保留了「夢幻偵察鐵三角」-余星柏（黃宗澤飾）、范佩清（蔡潔飾）及井柏然（袁偉豪飾），亦加入了不少新元素，單是法證代表，便有早前曝光的郭珮文、林盛斌，戴祖儀Joey飾演的方凱欣及林正峰飾演的程朗等。

Joman呢個新角色又型又弗。

《法證先鋒6》是郭珮文Juliana的處女劇，她在劇中飾演余星柏下屬胡嘉嘉，除多以實驗袍/專業造型示人外，還經常站在Bosco左右邊重要位置。談到能加入《法證》大家庭，Juliana受訪時坦言非常感恩，並謂小時候已愛看《法證》：「我小學就開始看，沒想過有一天也有機會演出。」談到首次踏入拍攝場地，Juliana坦言緊張：「因為知道自己沒有經驗，擔心拖大家後腿，也對演戲沒有任何頭緒。」並續指休息時候反而更緊張：「拍攝期間還是挺投入的，都試過因聽組員對白聽得太投入、差點忘記接下來要說的台詞。」

飾演黃宗澤左右手嘅郭珮文，真係經常都出現喺Bosco左右邊架！咁重要嘅位置，仲唔係C位？

Juliana又透露拍攝氣氛相當愉快，台前幕後都對她照顧有加：「所有人都真係好好好好，好照顧我。」問到與Juliana最多對手戲的Bosco又有否特別關照她，Juliana笑言：「會給我們營造一個很輕鬆的氛圍，也很照顧我們，都幫我減到壓，作為一個新人能和他合作真的很慶幸；他會教我們如何走位和顧及機位，如何記住台詞，例如除了背稿，更重要的是聽對手的對白），及如何放鬆自然投入角色等。」又笑言對住Bosco崇拜多於緊張：「覺得Bosco是一個特別厲害的前輩，演戲很棒，能帶動大家，還很帥，哈哈！」

郭珮文話成個拍攝氣氛好愉快。

與戴祖儀互串玩提神

程朗、方凱欣則與刑警代表王靜（阮嘉敏飾）組成「小鐵三角」，三人各有記憶點，程朗是滿口理論的物理王、方凱欣是膽色過人的昆蟲專家，王靜是正義感爆棚的迷信「婆仔型」刑警，認真特別。「小鐵三角」三名成員當中，以林正峰Niklas所需應付的對白最多最Kick口，談到背對白心得，Niklas笑言都是功多藝熟及爭分奪秒，並笑言全靠Joey鏡頭後經常與他玩互串幫助提神：「好多對白都係即背即拍，挑戰性好大，嗰幾日都係通宵嘅，但都好Enjoy好開心。其實都攰到一cut機就可以即刻瞓著，但又要忍住唔可以真係瞓著，因為要換機位嘅時間背下一場嘅對白。好彩有Joey同我互相窒下對方，否則好難捱（通宵）。」Niklas又自揭與Joey都是貪靚王：「我同戴祖儀都係右邊面（上鏡啲），所以我哋會輪住睇吓邊個坐邊個右邊。」並透露某些場口對白至少20頁紙，難度頗高。

戴祖儀係「昆蟲專家」。

林正峰係「物理王」。

阮嘉敏係「迷信婆仔」。

除了法證新成員，是集兩位男主角Bosco及袁偉豪均有新感情線，分別是飾演名模苗娜娜的蔣祖曼Joman及珠寶設計師吳書婷的傅嘉莉，當中以飾演硬朗專業人士見稱的Joman，這次將挑戰自己首度在劇集中行搞笑路線，Joman受訪時坦言感激佳導賞識：「佳導搵我時同我講：『Joman，係時候試吓唔同嘅嘢喇喎，今次有個好好玩嘅角色畀你做。』雖然我做咗演員好多年，但我都有好多角色未試過，同埋我一路以嚟演嘅角色都唔係我嚟，雖然我個樣好似好專業，但其實真人唔係咁，所以我每次做功課都會失眠，擔心觀眾會唔會唔慣唔鍾意。」

呢位名模「厚多士」之餘，仲會遇上危機，萬勿錯過。佢同Bosco勁多對手戲。

呢位名模「厚多士」之餘，仲會遇上危機，萬勿錯過。佢同Bosco勁多對手戲。

Joman同「奧運之星」鄭衍峰都有對手戲架，到底佢哋咩關係？

談到《法證先鋒6》角色，Joman透露是一名自帶喜感、有信心兼自戀的超級名模，並謂與自己有少許相像：「佢都係睇落好硬淨，但其實係鱷魚頭老襯底，又有少少喜劇性質喺度，我好希望可以拎住呢份可愛。我個人都有喜感嘅，但因為我勁I（Introvert），要對住好熟嘅朋友先表現到出嚟。」談到與Bosco首度合作，Joman笑言「初初好驚佢」：「因為佢做嘢好認真，睇落去好似好惡咁，但事實佢係超Nice，好感激Bosco拍攝時幫咗我好多，佢所有嘢都好快好準，又會主動畀意見我。」

Joman呢個新角色又型又弗。

仲要搞笑，佢同孟希璘有唔少搞笑互動。

除了首度挑戰喜劇角色，是次亦是Joman拍劇以來最多靚衫著的一次，為了著出名模感，本身已算瘦底的Joman，更在短時間內激減15磅精益求精，Joman謂：「我一接咗部劇第一樣嘢係減肥，因為至少外形都要說服到觀眾係Model先，所以唔可以畀自己有多餘嘅肥肉。準則係如果身邊人話我瘦咗好多，咁就唔啱喇，我目標係減到大家都要話我瘦得滯。今年年頭，大家都話我瘦得滯，嗰段時間應該係我人生最輕。但當我減完試造型，就好慶幸自己Keep咗弗，嗰啲衫真係有少少肉都著唔落，同埋有啲衫係設計師自己嘅Show Piece，由手袖、首飾到腳嘅配搭都係落足心思。」

朱樂洺監獄剖白戲演活五大情緒變化！

由優酷和TVB聯合製作的《卡士蘭NMN逆齡纖體配方呈獻：法證先鋒VI：倖存者的救贖》（下簡稱《法證先鋒6》），本周一至周四晚八點半翡翠台播映。《法證先鋒VI：倖存者的救贖》由鍾澍佳（佳導）擔任總監製、黃國輝擔任監製，主要演員有黃宗澤、袁偉豪、蔡潔、蔣祖曼、傅嘉莉、戴祖儀、關楚耀、林正峰、王敏奕和吳業坤等。

朱樂洺嘅演繹令不少網民不寒而慄。

講到唔太Care自己嘅爸爸，朱樂洺眼神好空洞。

昨晚（29日）播出的第十四集單元個案吸獲不少好評，網民讚有編排有佈局、有懸疑感及追看性之餘，還大讚飾演情緒病患者曾梓謙的朱樂洺演技出色，及故事中純友誼性質的無私付出相當感人。是次個案頗為複雜，表面看似毫無關係的鬧市無差別殺人案與花店兇殺案，不但息息相關，背後更暗藏一段真摯感人的友情，及情緒病人的悲歌；破案關鍵除了是死者身上的「護手型傷痕」（因仇恨造成的傷口），還有花店兇手的身高；整個破案過程極盡抽絲剝繭，不少網民坦言被吸引至坐定定看足全程。

講起前度，朱樂洺依然表現冷冷淡淡。

但當聽到趙心嵐個名，佢嘅情緒即刻變得又緊張又激動；呢種變化單憑動作同眼神都分辨到。

喺黃宗澤嘅逼供下，朱樂洺慢慢講出同陳熙蕊（趙心嵐）嘅關係。

喺黃宗澤嘅逼供下，朱樂洺慢慢講出同陳熙蕊（趙心嵐）嘅關係。

原來曾梓謙之前所犯的並非無差別殺人，而是目標明確地要殺死超市經理李樹權（鄧永健飾）為好友趙心嵐（陳熙蕊飾）報仇。曾梓謙與趙心嵐因同患抑鬱症、並巧合地一再於同時段同一地點覆診而偶遇。同病相憐的二人火速成為互勵互勉的好友，梓謙是為了幫慘遭李樹權性侵、而有冤無路訴的心嵐報仇而動殺機；而心嵐當得悉梓謙為了自己殺人後，一直得知梓謙受盡前度彭倩玟（利穎怡飾）折磨及侮辱的心嵐，亦狠下心將彭倩玟殺死…

而一講起心嵐，朱樂洺個樣即刻變到好回味、好開心同好幸福，而嗰種開心又有啲忘形，符合佢角色嘅人設。

由於曾梓謙同趙心嵐嘅友情故事太感人，唔少網民大讚二人有CP感。

朱樂洺同時演活咗仇恨、不甘同憤怒。

第26期無綫電視藝員訓練班畢業的朱樂洺（Matthew），曾因客串《愛‧回家之開心速遞》而為觀眾熟悉，這次演繹曾梓謙成了其演藝生涯代表作，連續兩晚獲不少網民留言讚好及鼓勵：「個殺人靚仔做得幾似，好逼真喎」、「有啲似日劇《白夜行》，內心戲演得好好，演技明顯有進步」、「作為觀眾，睇到你嘅演出，好想同你講聲：『你真係做得好好，表情同反應』」、「佢真係做得好似，近鏡有少少驚人」、「值得有多啲機會呀」。昨晚，朱樂洺在監獄向黃宗澤及蔡潔的剖白戲確是演得相當出色，由最初被阿爸嫌棄的空洞及哀怨、到聽到心嵐名字時的驚恐及手足無措、到開心及忘形地訴說與心嵐的真摯友誼、到憤恨地為心嵐抱不平，再到最後知道心嵐也為了自己殺人後的極度心痛，每種情緒包括動作及反應均演繹到位，難怪獲讚好戲！喜愛給予新人機會的佳導，在這個單元故事還起用了同樣是新人的陳熙蕊（Blossom）飾演主角，Blossom的演出同樣獲得正評，網民更對於她與Matthew這個組合相當受落，封二人為「新一代傷感CP代表」。

對於好友為咗自己殺人，朱樂洺演活咗極度心痛嘅感覺。

對於好友為咗自己殺人，朱樂洺演活咗極度心痛嘅感覺。

陳熙蕊嘅演出，亦獲讚突破咗以往「港女」嘅框框。

朱樂洺爆「Man姐」佘詩曼拋霸氣Bite幕後助攻！

朱樂洺與佘詩曼合照。

感激佳導提攜。

感激佳導提攜：佢教過我凡事有可能
對於角色大獲好評，Matthew感謝監製及導演用心幫忙，並特別感謝了佳導及曾在《新聞女王》中合作的佘詩曼。Matthew說：「喺我最想放棄嘅時候認識到鍾澍佳先生，佢話畀我聽就算行喺後面，只要用心做人哋一定會睇到，然後佢就畀咗今次嘅機會我。一開頭收到劇本，我心諗咁耐以嚟都未有人搵我做過咁重嘅角色，但我記得佢其中一句教過我嘅嘢係：『凡事有可能』，所以我就決定要好盡力、好盡力咁做呢個角色去報答佳導。由《新聞女王》到依家，我喺佳導身上學到好多嘢，無論私事或者戲劇上佢都教咗我好多嘢。同埋要多謝Man姐佘詩曼，因為我收到呢個角色嘅時候佢都喺現場，佢仲問我拍到邊度，又即刻叫我攞劇本出嚟同佢分析吓，佢同我講：『我哋SNK嘅個個都一定要好』好高興認識到佳導同Man姐，到依家我哋大家感情都係好好。」Matthew續指原本是歡樂先生的他，為了投入角色沉靜了好幾個月，並笑言拍攝街頭斬人戲時，因太投入以弄致拗柴要入院看急症，認真誇張！

謝東逸嘅寸嘴演出亦有獲讚。

尹詩沛話今次造型上嘅突破，要多謝劇組化妝同事嘅用心。

為咗講好「日式英語」，詩沛下咗唔少苦功。

佢仲話今次個角色好有新鮮感、好好玩，仲話嚟緊有幕感人戲係佢自己最鍾意嘅。

昨晚同樣搶焦的還有飾演日本妓女村上雅美的尹詩沛。在劇組化妝的幫助下、加上一出場即說日語，不少網民坦言第一眼未能認出尹詩沛。之後在劇中飾演正宗日本人的詩沛，努力地以「日式英語」向黃宗澤飾演的星柏解釋當日失踨的原因。該段戲明顯看出詩沛花了不少心思，除了所說的英文明顯有日式口音及甩甩咳咳外，還刻意調教過「Letter」及「Middle」的發音，加上奇特的Grammar，令網民讚嘆詩沛演繹日本人完全「零違和」：「有心處理細節，起碼唔會『原來又係識講廣東話』嘅感覺。」詩沛事後受訪時，坦言很開心網民沒有因她演得未夠好而出戲，並坦言有為角色下苦功：「初初劇本個英文翻譯翻得太好，但我覺得以日本人嚟講嗰啲英文太難，所以我自己重頭譯過一次然後再反覆練習，都練咗一個月左右。（你係咪刻意將好多字講歪啲？）主要係Th嘅音就變成Se， T字發音變成D字發音，R 變成 A發音咁。」

今次呢個單元Case獲讚相當精彩。