繼續我的張家界之旅。在天門山國家公園， 差不多中午一點，太陽炎炎在頭頂， 燻燒得我好不舒服。我們仨決定不上天梯，見到不斷有巡航車下來，要走就沒觀光客上車，回程沒人，車位眾多，心想不如我仨回酒店搵午餐，休息休息，搵三位師傅按摩，揸揸骨哪。
旅行在我來講，第一休息，第二都是休息，第三是閒逛，第四走入平常百姓家，尋覓吃住，看看風土人情，第五才是去景點，看什麼聯合國世界文化遺產喎。上到巡航巴士，給車票問巴士叔叔，我哋要去返，我們上車那個門口離開呀。 司機大哥，看看我們票，就開車，不到20分鐘就，就叫我仨下車，但是我們落車，望望景象，怎麼與我們上車入口不同呢? 急忘給鹿管家打電話，說「我們落錯車，出錯另一個門口啊。這個門口，有好大商場，但是三十間鋪有廿九關門喎，想吃午飯，搵碗粥水都冇，只有間星巴克，但是好細，我們想回酒店喇。」怎知管家姐姐講，「你們之前叫的平治豪車，再在東門等你們，它從東門再去中門，好遠啊，你們有排等，我建議你們仨，坐計程車回酒店，快好好多喎。」
唉，咁多門口，門票又不寫明在什麼門出售，我們大多數遊客，可能一生，都是來一次張家界咋，怎懂得張家界公園，有東南中，三度門口來去呢，唯有搭的士返酒店啦。
返到酒店門口，看見右手邊，有間民宿加餐廳喎。我哋三條友，就橫過馬路，進入平民小店，看看民宿餐廳，清潔與衛生，靠不靠得住，才決定幫不幫襯先。走進餐廳，有個老闆娘咁款模樣的人，走出來迎接我們仨，揚言說，「大多數食物，都是自養自種自煮餸，不是坊間預製菜，翻熱給你們吃㗎。」我心想，你又知我們香港，大多數兩餸飯，大多數酒家菜館，都是深圳預製，香港翻熱，叮熟擺出廳面，任君選擇咩。其實預製菜，都冇問題嘅，因為什麼消費，都是計算啫，看你賣什麼價喇。怎知貌似河馬的老闆娘，好親民說地，「我帶你們仨，去後面農場，看看我們養種物種類。一看就服，有無數菜蔬，有豬，有過百雞鴨。」
在民宿農場看到種滿蔬菜。
農場還養了豬。
行到後面農場看一看，出生近70年，從沒親眼，看到滿山種植物，動物遍山跑的景象。真媽連忙點菜，這隻鷄跑得快，作鷄窩，這把菜要清炒，這個蘿蔔，要刨絲，加鷄湯泡。上菜見白飯，飯餸過後，最思念都是，我獨愛的張家界白米。飯後參觀她民宿房間，二百元一晚，近二百多尺，空間不大，年青背包客，應該可以，欣然就寢㗎。
農場的小房子還有很多薯仔。
參觀完民宿，就過隔離旁邊，按摩院揸骨啦。 怎知一入按摩院，煙霧瀰漫，不知是否沒生意，原來老闆獨抽煙。嗰啲女按摩師，就喺度食緊二手煙 ，為咗解救嗰啲按摩師，我就同老闆講 。我哋喺對面酒店，住在202號房。 你搵三個按摩師 ，半個小時後， 過去幫我們按摩。 老闆聽完， 講咗十多個好，可能鄉間冇生意。 我們仨左逛逛右逛逛，行咗半個鐘頭，消化得差不多， 就返上房， 等三個按摩師啦。三位阿嬸， 準時到達。 連14歲 都未到的岑真 ，都可以享受按摩。其實我心裏在問， 阿女咁細個，應唔應該俾佢按摩呢 ? 到呢一分鐘，我都有問號。但係唔俾佢按摩，佢可以有咩做呢? 她拿住電腦，學埋嗰啲電腦不良風氣意識，又係死得喎，唉！！！，唯有公平，三個齊齊有得按啦。
揸揸吓，有一位按摩師講，而家共產黨政府，搞得我哋好好世界呀， 廿幾年前 ，我哋只可以，得一樣嘢做，耕田種菜養雞鴨豬 。 但是張家界，嗰啲馬騮，就特別血腥頑皮， 每一次我哋養得好好的雞啲鴨啲番薯， 無端端走來一群孫悟空， 將啲雞頸拗斷，鴨頸擰斷 ，掛。曬上籬笆度嗰啲番薯， 個個畀悟空，咬一啖，就掉到通山都喺。所以做農民，時常血本無歸呀。 而家我哋就好啦， 年青人可以喺酒店做事，呀天門山公園的天梯，做保安，在餐廳打工 。 我們大一點女性，一早在酒店執房 ，午後執完房，我們可以幫忙，帶小朋友囉。有電話到，我哋嚟幫你們按摩哪。而家做兩三份工，賺得好開心呀。好過當年耕田，做做埋埋，給齊天大聖，一棍打死啊。 這位按摩師，越講越開心，越講越精神， 但是她按摩無乜力水，完全是應酬，完全揸流攤，其餘兩位按摩師，越聽越精神 ，仲齊齊呼應又呼和，喺呀喺呀又喺呀 ，但是我們三，做完之後，慘過沒做按摩呀。
小強
** 博客文章文責自負,不代表本公司立場 **
