港男幫襯快剪髮型屋中伏 5分鐘煥然一新瞬間成「河童」

有港男幫襯單剪髮型屋中伏 ，慘遭剷青成「河童」，網友爆笑指：「呢個髮型帶俾好多人歡樂！」

FB圖片

近年日本速剪快剪髮型屋興起 單剪店開到成行成市

近年隨著日本速剪、快剪髮型屋的興起，本港的速剪店單剪店也開到成行成市，這些速剪店往往標榜「10分鐘剪髮」，並強調剪髮質素及水準不比專業髮型屋差，而不少速剪店也確實靠顧客的口耳相傳累積出好口碑，如今越來越多港人願意嘗試這種平價剪髮服務。

FB圖片

FB圖片

不過近日有網民在網上發文，分享自己到單剪髮型屋剪髮的中伏經歷，並怒轟髮型師胡亂剪髮，令佢「成個頭睇落成個河童咁款」，該網友更分享自己的中伏相片，相片曝光掀起網友熱議。

港男分享中伏經歷

事主港男在fb群組「全港店舖消息（開張/執笠）關注組（店舖/餐廳/零售/商場/小店/大集團/實體經濟）」中發文，指自己到單剪髮型屋剪髮中伏。他指自己一坐下便已同個髮型師傅講，「三邊修短d, 唔洗剷青，前面剪碎就得」。

河童示意圖。網上圖片

髮型師求求其其五分鐘內急速剪完

然而該髮型師竟完全未有按照其意願，直接「拎個電剷同我剷青哂」，更求求其其五分鐘內急速就剪完，「最大問題係左邊耳仔上面同我剷到全青，同其餘部分完全唔係一個layer」, 港男呻自己整個人瞬間變「河童」， 港男指事後負責幫其理髮的師傅「連道歉都無個」，而另一個女髮型師就只是叫其打投訴電話。

河童示意圖。網上圖片

網友：「係你carry 個頭，唔好俾個頭carry你」

事主的經歷同相片吸引大批網友留言：「呢個髮型帶俾好多人歡樂」、「俾蔗渣嘅價錢，想要燒鵝嘅享受！？」、「單剪你想點？」、「合理，剪得好就唔洗收你幾十蚊，你估唔洗學唔洗經驗同時間」、「順手剃光佢，仲有型」、「係你carry 個頭，唔好俾個頭carry 你，認真，佢真係唔識剪架喎」

近日有網民拍下1名中年男子在麥當勞中大嘆兩餸飯及啤酒的影片，打算公審其「自備外來食物」的行為，反遭網民圍剿！

FB影片截圖

上傳影片責中年漢「劣性難改M記零幫襯」

有網民在facebook網上群組「全港店舖消息(開張/執笠)關注組」發帖，指在荃灣街市街麥當勞，有位中年漢在餐廳對街位置食兩餸飯，指對方食外來食物是「劣性難改M記零幫襯」，同時上傳兩段對方正在用餐的影片，以及一張對方飲啤酒的相片。

FB影片截圖

男子坐於角落高檯 桌上有鋪餐紙當「檯布」

影片可見，當時餐廳仍有其他空位，男子坐於角落高檯位置望向街道，桌上鋪上一張餐紙當「檯布」慎防弄髒檯面，可見他當時未有為意正被拍攝。

FB影片截圖

帖主反被圍剿：好多人喺麥記補習幾時出征

帖文引來大批網民熱議關注，不過大部分人都撐阿叔，並批評拍片者，「你理得人地咁多呀，人哋真係可能冇地方食飯呢，話事人職員都唔趕人哋走， 你有咩權利po人哋上網公審人?」、「人地都係搵個位食飯姐，無阻到你咪算。如果真係覺得唔OK，你當面同人講啦」、「有頭髮邊個想做瘌痢？仲要俾人騷擾擺上網」、「完全冇自由，食餐飯都俾人擺上網」、「食餐飯啫，好多露宿者喺度瞓，你又唔X影」、「樓主廢到唔夠膽出聲，唯有偷偷拍片upload上黎圍爐取暖」、「好多人喺麥記補習，你幾時出征」。

FB影片截圖

亦有網民不支持：喺麥當勞食三送飯真係唔啱噃

不過亦有網民留言強調不支持有關行為，「大家可以話佢影人唔啱，但喺麥當勞食三餸飯真係唔啱噃」、「其實真係有問題，帶其他食店嘅食物去人哋舖頭食。麥當勞出咗三餸飯咩？如果覺得真係冇問題嘅人真係好大問題」、「老麥無酒牌，雖然話自帶無問題但如果阿叔醉左唔認咁入邊個數？」。