多謝愛護她三十年的歌迷，跟大家再共聚一次珍貴時光
周慧敏《地老天荒愛一場世界巡迴演唱會》，昨晚於澳門倫敦人揭幕，接下來阿V(周慧敏)會開始巡唱生活，澳門之後，九月中會到廣州等不同地方獻唱，非常忙碌， 以為她又再活躍舞台，但料不到她這次巡演她是想親自到世界各地跟歌迷告別，多謝愛護她三十年的歌迷，跟大家再共聚一次珍貴時光，並宣佈今次巡演後，決定不再做個人大型演唱會！惹得不少歌迷現場大哭。
點擊看圖輯
周慧敏《地老天荒愛一場世界巡迴演唱會》於澳門倫敦人揭幕
阿V一共換上五套服裝，狀態滿分現身
令觀眾驚嘆歲月似從未在她身上走過，她依然仍是當年癲倒眾生的女神。
阿V由細個成長開始跟大家分享她的人生感悟，每段講話都讓歌迷很是感動
直言自己唔係女神，不過係一粒好細嘅鹽
直言粉絲是她的天使
阿V就請出演唱會特別嘉賓黃劍文
阿V剎歌迷一個措手不及，現場不少人落下眼淚
決定不再做個人大型演唱會！
周慧敏《地老天荒愛一場世界巡迴演唱會》於澳門倫敦人揭幕
玉女掌門人兼凍齡女神周慧敏《地老天荒愛一場世界巡迴演唱會》，昨晚於澳門展開，阿V一共換上五套服裝，狀態滿分現身，令觀眾驚嘆歲月似從未在她身上走過，她依然仍是當年癲倒眾生的女神。演唱會以「自作多情」及一連串快歌作揭幕，又唱又跳讓現場即時進入熱鬧氣氛。阿V開腔跟歌迷打招呼說，「大家好！唱完一輪快歌開場，真係好有動力呀！我對今次巡演真係充滿期待，內心喜悅要大爆發， 我好Ready 啦 ，你哋 Warm Up 未？ 啱啱啲快歌，好似帶番我返90年代 ，諗番我第一次個人演唱會，《94美的化身演唱會》，個陣自己跳舞似機械人 ，有邊個睇過？」觀眾歡呼四起，「哈哈，不經不覺你地就跟我30 年！我見到唔止觀眾，有80後，90後喎，重有00後小朋友，歡迎晒你哋一家人來睇我個騷 ，呢30 年人生充滿意想不到的事，真係冇諗過自己重企係舞台到。快歌之後，呢個騷第一首慢歌，我要送俾我人生第一位支持者，我天上嘅媽媽！《台下女主角》，多謝大家。」
阿V一共換上五套服裝，狀態滿分現身
令觀眾驚嘆歲月似從未在她身上走過，她依然仍是當年癲倒眾生的女神。
是次演唱會，阿V由細個成長開始跟大家分享她的人生感悟，每段講話都讓歌迷很是感動，第三部份，她唱完「肋骨」這首歌後，就跟大家分享: 「2009年，我成為咗人妻， 同年因為信仰，我多咗個天父爸爸。呢年係我人生轉捩點，我張我一套普世價值嘅生存之道放低，一步步拆毀自己嘅強悍，將個「我」字縮細，發覺好多嘢都唔同， 特別我哋做藝人， 好多時人哋張我哋放到好大，我覺得唔係一件好事，我放低「我」字，反而睇到自己好多不足，執著放低，誠實面對自己，我學識接受自己有好糟糕嘅時侯，有好軟弱時侯，順服於我所有景遇之中，我開始發現，一直係我頭上面嗰個光環，冇能力再困綁我啦！我喺裡面被釋放出來，得到真正嘅自由，所以我唔係女神，不過係一粒好細嘅鹽，有時會發下光嘅阿V，好嗎？」觀眾即掌聲雷動 。
阿V由細個成長開始跟大家分享她的人生感悟，每段講話都讓歌迷很是感動
直言自己唔係女神，不過係一粒好細嘅鹽
阿V又反問歌迷，「你哋生命中有冇遇過天使？」歌迷大叫，「有呀，你呀！」阿V笑道，「我焗你哋講㗎！哈哈，我生命中有好多天使，剛剛唱完嘅「如果你知我苦哀」係哥哥(Leslie)寫俾我，佢都係我一個肩上天使，扶持過我嘅前輩，我永遠感激佢。你哋(歌迷)都係我天使，無論高低，多謝你哋都守護我。」然後阿V就請出演唱會特別嘉賓黃劍文，「以一呢有一位朋友，我哋都係互相守護，係同行者，歡迎黃劍文加入我 演出」兩人合唱了「流言」「情未了」「知己」三首歌。
直言粉絲是她的天使
阿V就請出演唱會特別嘉賓黃劍文
來到演唱會最後一部份，阿V除了又唱又跳不少經典歌曲之外，更第一次於台上，演奏《貝多芬月光奏嗚曲 : 第一樂章》 ，她說: 「其實我係 2022年聖誕節，錄左第一首鋼琴演奏曲，我好開心，今晚我想彈貝多芬月光奏嗚曲 : 第一樂章比大家聽， 我彈琴唔叻，如果冇自己舞台，好難有機會公開演奏，所以我唔理啦，我要好好彈一次！因為我相信每一件事用心用愛去做，就有感動人嘅能力。」獲得觀眾無限掌聲，並大叫「好感動呀」，「多謝你呀」，「愛你」等等。
到嗚謝環節，阿V剎歌迷一個措手不及，現場不少人落下眼淚，反而台上的她就強忍淚水，「 其實今次巡演同自己講，搵最純綷心表演，為愛我的人唱歌 ，人生去到唔同階段，追求需要都係會有好大改變。今次這個巡演，的確係每一場都是倒數時間。今次應該係我最後一次個人大型演唱會啦！」歌迷聞言，有人爆喊，又不少人大叫「 唔好呀！唔得呀！」
阿V剎歌迷一個措手不及，現場不少人落下眼淚
阿V續說，「因為我覺得時侯差不多啦，要專注自己照顧自己身體，照顧我家庭，貓仔都唔細啦...我想多啲時間陪貓仔，同先生希望有更多共處時間，你地應該理解 係咪？」歌迷繼續叫「 唔可以！」阿V就安慰他們道，「我係唔會唔工作。只係想有多啲時間調節自己。時間好快，錯過左就錯過左啦，好似今晚咁，好快就過，已經演唱會尾聲啦，要唱最後一首歌，我好想聽到大家，大大聲一齊唱《最愛》。」演唱會結束，觀眾不停叫安歌，阿V又再出場，連續跟觀眾一齊大合唱了近六首歌，最後呼應演唱會名字，以「天荒愛未老」一曲真正作結。
決定不再做個人大型演唱會！
