佘詩曼自爆從小就貪靚 聞吳謹言洪堯結婚唔感驚訝已第一時間送上祝福

視后佘詩曼（阿佘）聯同內地男星陳坤今（19日）出席首飾品牌90周年活動，身穿露肩長裙的阿佘氣質滿滿，相當有氣質，阿佘分享自己的穿戴首飾心得，表示自己從小就貪靚，四五歲就穿耳窿，她透露自己亦都會買一些珠寶來獎勵自己，更揚言不戴戒指整個人會感到不自在。

佘詩曼出席珠寶店宣傳活動！

自爆自己從小就貪靚

阿佘提及日前擔任好朋友林峯演唱會嘉賓，直言演出後即刻放鬆曬：「鬆晒！緊張咗成個月，手都震埋唔止，成身都震晒。（阿峯話你揀歌揀咗好耐？）因為我唔想唱，我唔想唱獨唱，合唱應承咗，其實揀歌揀咗一個禮拜，其實想拖到最後都唔想唱，所以終於都揀咗一隻我自己鍾意嘅歌。（點解唔唱自己歌？）其實演唱會嘉賓我覺得要唱啲大家有共鳴嘅，我自己嗰啲歌可能唔係咁多人聽過，我驚冇氣氛。」

阿佘提及日前擔任好朋友林峯演唱會嘉賓，直言演出後即刻放鬆曬

早前與她合作拍攝劇集《延禧攻略》的吳謹言無預警下宣布結婚，阿佘表示沒有驚訝：「冇驚訝，戥佢哋開心。其實知道佢哋一路都friend嘅，正式開始拍拖我唔知幾時，其實由朋友開始佢哋一路好好到結婚，係一個好穩定嘅關係同埋開心先會結婚，所以好恭喜佢。（同洪堯合作過，覺得佢為人點？）佢好認真嘅工作，同埋好照顧片場所有人。」而她已在第一時間為他們送上祝福。

早前與她合作拍攝劇集《延禧攻略》的吳謹言無預警下宣布結婚

已在第一時間為他們送上祝福。

唔知阿佘同Sammi有冇機會合作呢。

49歲的佘詩曼去年憑TVB劇集《新聞女王》「Man姐」一角再登事業高峰，不但成為首位「三料視后」，工作更接不停，在香港與內地都風頭一時無兩！早前，佘詩曼與林峯第六度合作，在TVB劇集《家族榮耀之繼承者》中再演情侶後，這對熒幕情侶近日在澳門再度合體，佘詩曼為林峯演唱會擔任嘉賓，更大開金口獻唱，連樂壇天后鄭秀文（Sammi）都留言大讚！

佘詩曼日前為林峯演唱會擔任嘉賓。

大開金口獻唱。

林峯近即在澳門舉行五場演唱會，第二場請來「女朋友」佘詩曼擔任嘉賓，佘詩曼更罕有大開金口，與林峯合唱《愛在記憶中找你》，之後又獨唱了Sammi的經曲金曲《唯獨你是不可取替》，獲現場觀眾報以熱烈掌聲支持，相關的演出片段亦在網上得到不少讚好！

這對熒幕情侶合唱《愛在記憶中找你》。

佘詩曼更獨唱了Sammi的經曲金曲《唯獨你是不可取替》。

事後，佘詩曼在IG貼出當日演出的照片，並興奮留言：「又完成咗一個挑戰，爽晒！」不少網民都大讚佘詩曼唱歌好好聽，還留言問：「幾時開演唱會？」連《唯獨你是不可取替》原唱Sammi似乎都有看到佘詩曼獻唱的片段，留言表示：「唯獨阿佘不可取替！」佘詩曼就回覆道：「你啲歌真係好鬼難唱，但係又好鬼好聽囉！」

佘詩曼興奮留言：「又完成咗一個挑戰，爽晒！」

Sammi留言