競賽真人show《披荊斬棘4》來到第四場公演，綜合前三輪的公演平均成績，李克勤組全員過關，同時升級為四人部落，再加入一名跳舞高手黃瀟，以全新姿態繼續披荊斬棘。
來到第四場公演，李克勤組全員過關，同時升級為四人部落。
今次的公演會進行三場比賽，分別是部落show，即各部落需完成一首部落表演；「滾燙學長」助力show，與「滾燙學長」合力完成表演；最後一項是隊長與「滾燙學長」合作show，推選兩位隊長及兩位「滾燙學長」合作表演。「滾燙學長」作為歌曲守關人參與搶歌環節，大家需要通過競技卡對決戰勝幾位學長才能獲得心儀的歌曲。
今次的公演會進行三場比賽，分別是部落show、「滾燙學長」助力show，以及隊長與「滾燙學長」合作show。
抽牌時克勤十分希望能抽到「X」卡，因為「X」卡可作為最大或最小的牌使用，以此獲得在比拼中的優勢，他還對抽牌的黃瀟說：「如果你抽到X我就要錫你啦！」話口未完黃瀟便抽到「X」卡，克勤整個部落興奮得一起歡呼慶祝。進入搶歌環節，幾位哥哥看到克勤時即唱起他的經典歌曲《紅日》來跟他打招呼，十分搞笑。經過三輪比賽，克勤一隊最終贏下《X-song》。
克勤組成功抽到可作為最大或最小牌使用的「X」卡。
晚上回到宿舍後，克勤與「滾燙學長」陳楚生、王櫟鑫聊天時，得知王櫟鑫跟俞灝明在2007年時曾唱《紅日》出道，沒想到幾位哥哥之間竟然有這樣的緣分。除此之外，為了保密最後一輪跟「滾燙學長」合作show的最終比賽歌曲《十字街頭》，克勤部落幾位哥哥用《秋意濃》來作「掩護」，假意練習《秋意濃》唱跳，克勤還找到慶憐請教歌詞日語發音，成功瞞天過海，難怪眾人表示十分期待其他哥哥們最終知道真相的反應。
為了保密最後一輪跟「滾燙學長」合作show的最終比賽歌曲，克勤部落幾位哥哥用《秋意濃》來作「掩護」。
二人是由20歲就相識的好朋友！
陳慧嫻40週年演唱會《The Fabulous 40 Priscilla live in Hong Kong》來到第三場，邀請了好朋友李克勤任嘉賓，慧嫻台上跳到甩褲，叫克勤幫手搞，又吩咐克勤，唔好咁辛苦為兒子賺錢，等佢地白手興家！
陳慧嫻第三場演唱會。
邀請了好朋友李克勤任嘉賓。
休息一日之後，慧嫻昨晚（1月24日）再返紅館，依舊狀態大勇，氣氛比前兩晚更熱烈，整晚都全場大合唱歌聲震館，令她十分開心，不知是否觀眾反應熱烈，慧嫻亦被帶動忘我，跳舞環節興奮跳到甩褲，當她與克勤完成《跳舞街》之後，立即大叫：「克勤呀！我唔知係咪瘦咗呀...我條褲甩左落嚟，我入面個條打底褲呀.....你幫我搞搞得唔得....」李克勤就尷尷尬尬笑住話：「我有家室㗎啦喎....」慧嫻：「唔緊要啦，當睇唔到啦今晚....」克勤：「搵個女dancer過嚟啦，過年流流.... 」引得觀眾大笑。
二人合作唱跳《跳舞街》。
掀起全場高潮！
慧嫻更興奮跳到甩褲。
兩個由20歲就相識的好朋友，從寶麗金年代已經同一間唱片公司，兜兜轉轉又再於新公司英皇娛樂中做回同事，慧嫻表示：「佢係李克勤！佢藉得啟德個館咁大掌聲呀！」克勤笑道：「咁客氣呀，識咗幾十年...」慧嫻即說：「就係識咗幾十年，我哋好少係台講真心話，通常真心話都係我哋係電話講，佢真係一個天才嚟㗎！我做咩都問佢意見，今次演唱會佢都特登第一場就嚟睇，又俾咗好多意見我，好多我諗唔到嘅嘢，佢都諗到。咁多年，我做咩節目，接咩工作，佢都俾好多意見我，我乜都問佢，不過近半年我見你不停咁巡迴演出，飛去呢度飛去個度，我都唔敢打咁多電話俾你，有時見到都覺得有啲心痛，做咩咁辛苦啊？」
二人由20歲就相識。
克勤回話：「嘩，我有少少眼眨淚光添，我家庭負擔重嘛。」慧嫻訓話道：「你唔好咁辛苦！等佢哋好似你咁白手興家！自己賺錢！」觀眾即掌聲雷動，克勤笑道：「我都要洗㗎，男人需要安全感嘛，我咪努力搵錢囉。」慧嫻：「係啦，你重係一個細路，你重要砌嗰啲咩go嘛。第日我冇得食，唔該你救濟下我啦，as my best friend ，我知你一定會，我依家落去換衫，你同我唱半個鐘啦。」
從寶麗金年代已經同一間唱片公司，兜兜轉轉又再於新公司英皇娛樂中做回同事。
之後克勤獨唱時謂自己為了這個好朋友，第一晚刻意就來捧場，「我都未試過做人嘉賓要跳舞嘅，誠意十足㗎啦，睇咗一次先，有定心理準備。今晚揀左一首慧嫻冇係演唱會揀嘅歌比大家，如果大家鐘意，一陣熱烈啲一齊唱。」接著唱出慧嫻的經典名曲《去吧》，「行走CD」果然名不噓傳，令觀眾聽出耳油，熱血沸騰。
克勤第一晚已來捧場。
今場又唱出慧嫻的經典名曲《去吧》。
