最近有網友分享自家工人姐姐自發性OT,為小朋友整高質工作紙的暖心事,引來網民熱烈討論!
超高質姐姐為小朋友整工作紙
近日一位港媽在社交平台發文,直指工人姐姐竟自發地OT!除了日常家務和照顧家中小朋友外,最近還為小朋友製作英文練習!
FB圖片
FB圖片
題型多樣 畫晒公仔 超用心!
從事主上傳的照片中,可見練習內的題形眾多,有英文字母、單詞的填充題外,更親筆畫上一個小女孩的公仔,希望透過圖畫讓小朋友加深學習記憶。
FB圖片
FB圖片
多勞多得 媽媽稱「即刻醒咗佢$200」
從港媽分享的圖片可見,工人姐姐親手繪製的功課可以話極用心,與坊間練習相差無幾,就連事主都話「即刻醒左佢$200」、「佢好開心,希望鼓勵到佢繼續用心」。
FB圖片
FB圖片
曾在教堂教小朋友
有網民對工人姐姐的背景感興趣,而事主就大方分享道「佢之前係Philippines church(菲律賓教堂)度教小朋友」。
網民有讚有彈
事主對工人姐姐的行為十分讚賞,但一眾網民卻有讚有彈。有人認為有這樣工人姐姐難能可貴,並表示「抵過搵補習」,惟亦有網民唔受落,大潑冷水表示「雖然好有心機,但好唔efficient」、「呢d worksheets上網搵大把,就咁print出嚟就得」、「佢用晒d時間整worksheets仲邊有時間做嘢?」。
有港女於社交平台上傳片段,指於Donki(驚安之殿堂)逛街時,於店內一貨架上看見有老鼠正偷食,被偷拍也不怕人,甚至直望向鏡頭,不少網民都被「萌態」萌到!
DON DON DONKI。示意圖(非涉事店鋪)
Donki貨架驚見老鼠「開餐」
港女在threads發布片段,可以見到調味料貨架櫃有隻老鼠食到「舔舔脷」,樓主留言指「有隻老鼠食緊mum mum喎」。
threads圖片
遭人凝望偷拍反望鏡頭露趣怪表情
老鼠貌似發現遭人凝望、偷拍,不但沒有即時逃走,而是直望向鏡頭近4秒。期間,嘴部仍然不斷咀嚼,表情相當搞怪!樓主鬼馬地與老鼠打招呼,老鼠之後繼續埋首「開餐」。
threads圖片
「$29.9帶佢返屋企得唔得?」
樓主事後表示已即時通知職員處理,但老鼠可愛表情仍受廣大網民討論,「$29.9帶佢返屋企得唔得?」、「幾得意,雙目有神又唔污糟」、「我竟然會覺得佢Cute,我一定黐咗線」。
五星級大鼠轉世?
有人聯想起老鼠作主題的卡通片,「五星級大鼠咁」、「主廚出現」、「點解識望鏡頭,係咪轉生成為老鼠」,樓主則笑稱「可能佢有偶包,識得Feel啲鏡頭喺邊」。
有人呼籲樓主向食環署舉報
不過亦有人擔憂食品衛生問題,「咁大隻…應該係長期客戶嚟」、「會唔會我地買咗啲嘢食都俾老鼠食過,咁樣會有戊型肝炎㗎喎」,並呼籲樓主向食環署舉報。
資料圖片