兩樂隊加盟英皇新廠牌 「TLO」只唱英文歌 「DIW」自詡純潔

兩樂隊加盟英皇新廠牌的樂隊分別是香港樂隊「The Lemon Ones」及來自澳門的樂隊「Daze In White」。

英皇娛樂旗下全新音樂廠牌「288 Records 」去年舉行了「起勢夾 : Band Combat」樂隊比賽，推動本地Band Sound，繼今年六月兩隊樂隊SULIS及Locksmiths正式登場及推出歌曲後，「288 Records」再宣布簽下來自澳門的樂隊「Daze In White」及香港樂隊「The Lemon Ones」加盟，日前特別舉行launch party介紹兩隊樂隊，當日商台DJ梁文禮擔任司儀，同門的曾傲棐（Arvin）、SULIS、Locksmiths、商台DJ梁子、DJ Woody、Julio@Soler及陳慧敏親身來到撐場，認真唔話得。

英皇娛樂旗下全新音樂廠牌「288 Records 」旗下四隊樂隊。

Julio@Soler（中）

梁文禮、梁子

曾傲棐

陳慧敏

Launch party當晚，先由The Lemon Ones打頭陣，成員由主音及結他手Jero、結他手Smile、Keyboard BoBo、Bass手Jacky及鼓手Brian組成。當晚The Lemon Ones共演唱三首英文歌，原來樂隊只唱英文歌，問到為何有這麼大膽的設定，主音Jero坦言原來是因為自己廣東話唔叻，「不如直接啲用番英文。其實創作時，我哋嘅音樂都係簡單、直接為主，呢樣嘢一直keep it in mind ! 希望透過我哋嘅作品，同我哋join in the party and have fun！」

至於樂隊名稱由來，原來亦是一個有趣的故事，「有一次見朋友食煙，我哋問佢食緊咩？佢話檸檬1號，當時我哋笑佢食1號不如唔好食，之後就用呢個名作為隊名。『TLO』理念係music就好似一個party，我哋係好鍾意好多人一齊玩，尤其是音樂創作係一件好開心嘅事。」

The Lemon Ones IG圖片

The Lemon Ones IG圖片

表演完畢後，由來自澳門、上月尾推出新歌《選取快樂》的「Daze In White」接力，五位成員分別是主音Felix、結他Eugene及Michael、Bass手Dennis及鼓手Dash，樂隊風格除了Rock，亦會加入Post Rock及Math Rock於編曲上，至於樂隊名稱，Felix解說：「先由後面White解讀，我哋五個大男人有一個共同點，就係好純潔，哈哈。係對待音樂好純潔，我哋五個都好簡單直接咁熱愛音樂，所以就用咗白色White代表呢份態度；而Daze就係喺呢份純潔入面保持發白日夢，不斷創作音樂，希望用我哋嘅音樂感染生命，透過我地嘅每一首歌、每一個現場可以令大家感受到有我地嘅音樂陪住大家，呢個就係『DIW』嘅音樂最想做到嘅事！」

Daze In White IG圖片

Daze In White IG圖片

Daze in White：「只有你自己開心先係最重要。」

288 Records旗下樂隊Daze in White由主音Felix、Gtr & Keyboard手Eugene、鼓手Dash、Bass手Dennis及Guitar手Michael組成，樂隊今年首支派台作品《選取快樂》上架，《選取快樂》由Daze in White全員包辦作曲、編曲及填詞，以搖滾為基調。

288 Records旗下樂隊Daze in White

樂隊Daze in White推出今年首支派台作品《選取快樂》。

歌曲主題是 Daze in White 對於社會上議題探討，都市的情緒病、如何令自己快樂，Daze in White謂：「大家普遍都鍾意分享喜悅、報喜不報憂，但忘記了關注最重要嘅情緒，我哋對『選取快樂』嘅見解係，了解自己、接納同面對所有情緒。其實所有事都唔重要，只有你自己開心先係最重要。」《選取快樂》是樂隊加入288廠牌後第一首推出的歌曲，主音Felix指這是一首他們跟大家 Say Hi的歌曲，「透過歌曲主題同編曲向大家介紹我哋嘅風格。《選取快樂》表達嘅係我哋對負面情緒嘅看待，希望能夠和迷茫中嘅聽眾產生共鳴以及俾到啲方向佢哋。」

新歌探討都市情緒病。

教你如何選取快樂！

歌曲監製由周國賢領軍的樂隊Zarahn當中的結他手高佬（Goro Wong）主理，Daze in White表示錄音及製作的過程既緊張又興奮，又感謝高佬給予大量的自由度，是一次愉快的「學習之旅」，「佢可以俾我哋用自己的想法演繹歌曲，令我哋喺錄音嘅過程中一啲壓力都冇。製作上都俾咗好多意見，當有一啲想法時都會問我哋意見，喺保留我哋編曲特色前提下，再增加一啲細節令歌曲更加完整，成個過程流暢開心之餘更有所學習，令我哋喺製作歌曲嘅思維有咗好大嘅進步。」

MV呈現方面，導演還原創作本意，從昏暗環境中捕捉各成員神態、突顯手持專屬樂器演奏，來制造擁抱負面的感覺，「全Band shot嘅MV，實在大開眼界。開會時同導演講我哋腦海中嘅畫面，最後導演唔單止將我哋嘅想法拍出嚟，亦都將佢嘅想法都融入其中，例如以顏色嚟演繹歌曲中所表達嘅不同情緒就係導演嘅想法。非常感謝拍攝團隊同公司安排，俾我哋新歌配上一型得嚟又有意思嘅MV。」

MV呈現方面，昏暗環境中捕捉各成員神態。

來制造擁抱負面的感覺！