乘客九巴大聲播片 正義港男正面出擊 網民大讚：終於唔係事後公審

一名自封「巴士喇叭剋星」的男網民，因對在公共交通上大聲播放音樂及影片的人感到不勝其煩，決定「主動出擊」，大批網民稱讚其英勇行為。

坐上層但聽到有人外放音樂

該名網民於社交平台Threads自稱「九巴喇叭X剋星」，並在近日發布影片，稱「面對睇片開喇叭既死X街正確做法」。從影片可見，當時他坐在九巴上層前座，但當時車內有人大聲播放音樂，所以他馬上走落下層。

「九巴喇叭X剋星」聽聲即落樓。threads圖片

男子指斥播片男「樓上都聽到你把聲呀」

他斥責一名坐在車門附近的年輕男子，「喂，睇片細聲啲得唔得呀？樓上都聽到你把聲呀」，此時亦聽見司機說「電話可唔可似細聲啲呀」，該男子表示「哦，唔好意思」。當時下層有多位乘客停止用手機關注事件。

threads圖片

threads圖片

向鄰座女乘客問「駛唔駛借耳機比妳」

「巴士喇叭剋星」亦有發布另一段影片。當時他同樣坐在上層前方位置，鄰座女子則大聲播放影片。此時他拿起自己的耳機，伸出予對方稱「駛唔駛借畀妳呀」，女子感錯愕後即表示「唔好意思」，男子及後稱「係囉，咁細聲啲唔該，一係戴耳機」，該女子回應「OK」。

threads圖片

threads圖片

遇到應正面衝擊

「巴士喇叭剋星」及後稱「其實唔需要假設佢真係拎走耳機呢啲假設性問題，我想講如果見到隔離開聲睇片，其實唔駛講咁多，應該一野XX佢，唔駛話影相，要正面衝擊先係。」

示意圖

網民讚好「終於有即刻開聲唔係影相事後公審」

帖文獲大批網民回應讚好，稱「師兄好X勇敢，好多次想X人都唔夠膽X」、「我一直以為係佢隔離開盡喇叭播六字大明咒先係正確做法，You win」、「終於有即刻開聲X唔係影相事後公審，樓主好波」、「做得好！不過我覺得你都係太有禮貌了，應該可以再惡啲」、「咁後生都咁，以為係阿伯」、「錯重點，後面果阿姐部手機收都收唔切，可能以為你話佢」。

荃灣麗城花園有住戶早前大呻，有外賣員「順手牽羊」放家門口的鞋子，惹起網民熱議 。

樓主上載天眼相片提醒街坊

樓主以匿名身份在facebook群組「麗城花園之友」以「大家小心自己對鞋，擺咗喺門口一陣就畀人拎咗」為題上載天眼相片，好心提醒街坊小心。

FB圖片

男子拿起鞋子後轉身

根據相中的天眼資料，事發12月初，一名紅衫男子彎身拿起一對疑扣有公仔的啡色膠鞋後轉身。

FB圖片

網民議論紛紛

有網民替樓主抱不平，大罵「搞錯呀，有冇片睇下」、「鞋都要偷？」；不過也人指出「放公家地方，畀人拎唔奇」、「做乜放喺門口啫」、「自己財物唔放入屋？下次會唔會放埋個銀包喺門口？」。接著有街坊提到「二期7座禁止住戶放雜物於門外」、「座座都嚴禁㗎喇！但仍有好多住戶放鞋在門外」。

麗城花園。（資料圖片）

亦網民留言指私人物品不應放在公眾地方

有好眼力的網民認出相中男子疑為外賣員，驚問「點解送外賣要拎走人哋對鞋」，回應的網民似乎有共識地表示「係幫佢扔！！」、「有人幫手掉垃圾鞋」、「送外賣之餘仲幫無公德住戶手掉埋垃圾，好員工嚟」、「好人好事，將公眾地方清理好，抵讚」。

示意圖

當事人親回應有反轉

沒想到，一個自稱「當事人」的網民現身留言，表示「我係當事人，你對鞋放喺走廊中間幾乎跌死人已經放咗喺後樓梯」。