許靖韻客串店長為產品簽名 fans豪氣：簽幾多我買幾多！

Angela客串一日店長，吸引數百fans迫爆舖頭

許靖韻（Angela）日前於英皇娛樂期間限定概念店「0 e:ffect Concept Store」舉行簽名會，兼客串一日店長，吸引數百fans迫爆舖頭，Angela於產品上簽名時，有fans豪言：「你簽幾多，我買幾多！」認真豪氣！

許靖韻（Angela）日前於英皇娛樂期間限定概念店「0 e:ffect Concept Store」舉行簽名會

兼客串一日店長，吸引數百fans迫爆舖頭

吸引數百fans迫爆舖頭

簽名會期間，Angela對fans的各種要求如擁抱、俾心、合照等，都一一滿足。最有趣的是有兩名fans把即影即有相機交給Angela，她以為fans想她自拍，正當她舉機自拍之際，兩名fans立即「糾正」，「你可唔可我哋影相呀？」原來是想Angela充當他們的攝影師，Angela隨即爆笑，兩名fans便站在印有Angela大頭的佈景板前，讓Angela幫她們拍照。為了支持Angela，不少fans於concept store即場買下Angela設計的小背心及cap帽給她簽名；有年輕夫婦表示：「今日係我同老婆一周年紀念，我同老婆一齊嚟一齊影相。」有一家四口，爸爸為七歲女兒排隊「追星」；有女fans向Angela「表白」一番，「我十二歲開始聽你啲歌，鍾意咗你六年，今年十八歲，你已經佔據咗我生命之中三份一嘅時間。」

Angela對fans的各種要求如擁抱、俾心、合照等，都一一滿足

Angela對fans的各種要求如擁抱、俾心、合照等，都一一滿足

原來是想Angela充當他們的攝影師，Angela隨即爆笑

簽名會結束後，Angela移師到concept store上層「開工」客串店長，fans們亦緊緊尾隨，當日Angela主要力sell她的香水及香薰，正當她於產品上簽名時，有fans豪言大叫：「你簽幾多，我買幾多！」Angela笑言：「係咪真嘅？」隨後fans們立即爭相購買，Angela跟幫忙收錢的店員均應接不暇，最終產品全數售罄，Angela「帶貨」能力認真強勁。

Angela移師到concept store上層「開工」客串店長

許靖韻（Angela）於今年四月開始在內地舉行巡迴音樂會，首場的廣州站，Angela已經爆喊，估不到日前的尾站東莞場，Angela又再爆喊，認真係「由頭喊到尾」。

Angela由首站的廣州場，喊，喊到尾站東莞場。

Angela表示今場十分感動，因為這次跟觀眾距離十分接近，「近到坐第一行嘅觀眾講嘢都聽到，好難得個舞台同觀眾、歌迷咁近距離，大家成個感覺係同佢哋好close，佢哋每一個樣我都睇得好清楚。」亦因為這樣，所以當全場大合唱時，Angela感動得淚如雨下，「第一個感動位係唱《別為我好》，因為今次我除低咗一邊耳機，咁近距離，聽到佢哋唱歌聽得好清楚，《別為我好》同《謝謝對不起》佢哋一齊大合唱，同埋因為我冇諗過《情歌之後》都全場大合唱，嗰個大聲程度係大過《別為我好》，所以忍唔住喊咗出嚟。」

東莞場與觀眾距離十分接近。

Angela直言好難得！

Angela坦言沒想過這場會喊，更因為這是今年的最後一場，所以特別穿上紅色衫，希望以開心的心情作一個總結，她又感謝歌迷，「多謝茶茶們（歌迷名稱）每一站為自己準備唔同嘅應援物同打卡點，仲會開show前喺場館外設立應援物交換點，好sweet。」雖然完成尾站，但Angela已急不及待自爆明年的計劃，「同茶茶們（歌迷名稱）暫別音樂會舞台，2025年會再開，希望快啲可以公佈日子。嚟緊都有好多唔同嘅舞台演出機會，到時會同大家再見。」

Angela自爆明年會再開騷，亦有很多不同的舞台演出機會。

大合照

除此之外，原來開show之，大量歌迷留言給Angela表示要一嚐東莞燒鵝瀨，所以開show前，Angela特別搵同事「撲」了一碗，「因為完show就即刻走，所以開show前食。我哋係全體！係全體同事都一齊食燒鵝瀨，大家都覺得超好食！我都係第一次食東莞燒鵝瀨，真係覺得好好食！係好唔同嘅，嗰個粉係好唔同。」十分搞笑。

Angela同自己的Backdrop打卡。