許靖韻帶水槍開show邊唱邊玩 VIVA勁歌熱舞炒熱全場氣氛

許靖韻（Angela）、曾傲棐（Arvin）及女團VIVA日前為海洋公園「Aqualand」第二場的「NewBomb音樂會」演出。

Angela、Arvin與女團VIVA為「NewBomb音樂會」演出。

音樂會當日，Angela除了準備三套服裝，原來她更在一個月前準備了水槍，唱得興起之際，更用水槍射向觀眾，全場即時歡呼起哄，「係呀，我帶咗水槍嚟，其實想玩好耐，所以喺show前嘅一個月已經買定咗，哈哈。我唔怕觀眾會反擊，天氣咁熱，相信佢哋都好想降下溫，哈哈。」雖然不怕觀眾反擊，但Angela卻穿定泳衣打底。.

Angela為音樂會準備三套服裝。

更準備了水槍邊唱邊玩。

除此之外，Angela又於音樂會上「曬出」新買的電結他，「其實之前一路都有彈電結，見到觀眾都好鍾意我彈電結他表演，所以就買咗呢支結他之後show都可以用，多樣樂器玩吓。」

Angela又在音樂會上「曬出」新買的電結他。

首次做戶外show的Arvin坦言十分緊張，由籌備到開show當日都坐唔定，「尤其是唔只我一個表演單位，成日喺後台行嚟行去諗『幾時到我呢？幾時到我呢？』總之就係個人坐唔定。」幸好有師姐Angela傍住，令Arvin感覺踏實得多，他又謂這次是一新體驗，難得一次戶外show，所以選歌方面跟以往亦有所有同，「以往俾大家印象可能都係企定寝唱一啲安靜嘅歌，今次偏向Rock啲或者輕快啲，想大家郁吓、跳吓，去帶動觀眾情緒。」

首次做戶外show，Arvin坦言十分緊張。

更緊張到由籌備到開show當日都坐唔定。

而女團VIVA演唱的兩首快歌《Topic Killa》及《DTR》，勁歌熱舞瞬間帶起了全場氣氛。又跟Angela及Arvin合唱《LaLa世界》、《報復式浪漫》等，VIVA表示這是首次跟Live Band合作的show，十分開心，「第一次體驗到可以去做Band Rehearsal。雖然出道咗兩個幾月，有兩首歌，但係都可以同到Angela、Arvin合作一齊合唱，又唱到其他嘅cover，希望之後有機會有多啲自己歌嘅時候，可以舉行音樂會。」

女團VIVA演唱的兩首快歌。

Ada

Carina

Macy

ValC

Arvin在新歌《頭號粉絲》中繼續愛得低調。

曾傲棐（Arvin）今年第三首派台作品《頭號粉絲》MV日前上架，歌曲由徐沛昕作曲、林若寧填詞、NIXON編曲、廖志華監製。Arvin今年的兩首派台作品《FM 520》及《密友圈之謎》刻劃Arvin愛情上靦腆害羞一面，來到《頭號粉絲》雖赤裸地表達自己內心世界，但繼續愛得低調。

Arvin今年第三首派台作品《頭號粉絲》MV日前上架。

Arvin透露原來在收到這份歌詞前一年，自己已試填過一次，更巧合地題材亦跟今次一模一樣，「收到林若寧先生份詞就覺得，『嘩！』我哋好似冇點溝通，但佢已經寫中咗我好想表達嘅嘢，而且係用一個高好多班嘅手法去寫咗我心入面諗嘅嘢。所以我覺得呢份詞雖然我冇involve太多，但係反而好似大家一click就中。」

觀看相關影片按連結：https://youtu.be/jYC6QtextfE

Arvin又自爆這首歌是今年推出的三首作品中最先錄音的一首，而且亦是花最多時間錄的一首，「由今年三月尾錄到十月。我覺得呢首歌係一路印證住自己唱歌上或者對呢份歌詞理解上嘅變化，我同監製廖志華聽番一開始錄嘅Take到近啲嘅Take，真係變咗好多。原來一步一步都行咗好多路，亦令我覺得有時啲嘢唔使咁心急，望住目標係ok，但唔使迫自己要即刻做到，只要每一日進步少少就可以。」

Arvin指《頭號粉絲》是今年推出的三首作品中最先錄音的一首，但卻是花最多時間錄的一首。

MV找來YouTube頻道FHProduction「熊仔頭」成員Sona（劉曉穎）出演女主角，Sona亦是日系地下偶像團體Ace mode成員。MV中，Sona日間是辦公室接待員，私下卻是地下偶像；Arvin則飾演一個喜歡地下偶像文化、日本文化的內向男同事，一次看了Sona的演出後變成她的fans。Sona指自己是首次以「偶像身份」拍攝MV，覺得十分特別，「最深刻係Arvin嘅角色設定好鍾意我，但我最後連佢叫乜嘢名都唔記得，佢送俾我嘅禮物我隨手劈低就算，嗰下覺得好心悒。」

MV找來YouTube頻道FHProduction「熊仔頭」成員Sona出演女主角。

Sona在MV中日間是辦公室接待員，私下則是地下偶像。

Arvin飾演一個喜歡地下偶像文化、日本文化的內向男同事。

一次看了Sona的演出後變成她的fans。

問到對Arvin的角色造型，Sona評價極高，「十分滿分嘅話佢有十分，真係本色出演！嗰啲開心、失望表情好到位，佢仲有一個好神奇嘅動作，就係永遠都會抹一抹啲手汗，佢好執着呢個動作。」旁邊的Arvin笑說：「 你咁講，我都唔知開心定唔開心好，哈哈。對我嚟講成件事都好難忘，因為我間唔時都會睇呢啲show，雖然我今日飾演一個內向嘅人，但其實我平時再摺好多，我會企喺角落頭。我連螢光棒都唔會用，所以我覺得今日好似包咗場嚟睇。」

Sona讚Arvin是本色出演！