合演新晉導演梁禮彥首作《久別重逢》 鄭伊健自爆因歌手背景促成與Ian分飾角色不同階段

《久別重逢》前導海報及預告首度曝光。

由美亞電影製作有限公司、香港電影發展基金及文創產業發展處出品，葉偉信及彭玉琳監製，梁禮彥身兼編導兩職，鄭伊健、MIRROR成員陳卓賢、許恩怡、蔡思韵領銜主演—新片《久別重逢》宣布於12月上映。

《久別重逢》前導海報

電影為鄭伊健及陳卓賢首次合作，而參與過多部票房口碑鉅作包括《殭屍》、《葉問》系列及《殺破狼．貪狼》及等編劇工作的梁禮彥為本年度新晉導演，故事受導演自身創作時所遇的迷茫所啟發，而故事主軸關於一位音樂人面對創作瓶頸，選擇逃避而展開的一次療癒旅程，道盡人生在不同年齡階段的種種期盼與遺撼。

鄭伊健

陳卓賢

《久別重逢》由開拍至今一直保持低調，旨在讓觀眾創造想像空間，隨著電影檔期確定，電影公司逐步揭開角色之神秘面紗，是日先行發布兩位男主角之前導海報及預告，伊健剖白二人之神秘關係：「呢部戲有兩個蘇昇華，一個係年青版，另一個就有一番經歷。蘇昇華呢個角色係比較內向，出身於長洲，佢好彩地遇到一個女仔，從而令自己改變，但係因為某啲原因大家又分開咗，蘇昇華從此好似失去咗一樣野，然後繼續自己嘅人生。」伊健透露之女角由許恩怡（Natalie）所飾演，Natalie在片中則與Ian飾演年青版蘇昇華在長洲這個純樸小島共渡一齊個青春歲月。

《久別重逢》預告截圖

提到今次因電影而結緣，伊健大爆原來跟二人的歌手身份有密切關係，他表示：「演出蘇昇華呢個角色，同Ian有密切關係，一來大家都演同一個角色，二來大家剛好都有歌手呢個身份，加上Ian懂得樂理，好適合演創作人呢個角色。另外，今次電影搵左我音樂上合作無間嘅好朋友陳光榮參與電影原創音樂部份及提供意見，所以，拍攝時候就更事半功倍。

《久別重逢》預告截圖

而飾演年青版蘇昇華的Ian則透露：「今次我嘅角色係一個好鍾意音樂，但係好似唔識其他嘢嘅人，不善言辭，唔識表達自己。將自己嘅情感同相法放哂喺音樂度，好細個就立志做一個音樂人。」Ian更坦言角色或多或少有自己一部份的影子，他指：「呢個角色同自己有少少相似，大家都唔係太喜歡說話，想將自己嘅想法，擺喺歌曲同旋律入面，唔係好主動好直接咁同人講出口。

《久別重逢》預告截圖

除了專注演出，創作上一直不遺餘力的Ian今次亦帶來自己的電影作品參與創作，Ian透露：「其實同導演梁禮彥有好多討論同交流，因為好多情節係需要自己參與好多，包括插曲是自己寫，當中有些情節係需要彈琴或者彈吉他，由自己去諗點樣彈。」而電影歌曲《Tides》亦於前導預告中首度登場，由Ian身兼四職，擔任主唱、作曲、編曲，並與AP潘宇謙共同作詞，相信是今年度最全能的電影新演員，敬請密切期待電影年底壓軸上映！

《久別重逢》預告截圖

《久別重逢》故事講述，那年盛夏，少女夏文萱（許恩怡 飾）和少年蘇昇華（陳卓賢 飾）因一張唱片遇上大家。年輕的他們最想知道，這清澀的愛情能走多遠⋯⋯轉眼數十年。已成音樂人的蘇昇華（鄭伊健 飾）陷入人生低谷，逃避一切，卻在醫院偶遇重逢舊愛夏文萱（蔡思韵 飾）。夏心痛眼前人變化如此，惜她被病困，已是人生終章。

許恩怡

蔡思韵

正當蘇昇華以為人生一切已成定局，一名十八歲的女生Summer（許恩怡 分飾）竟然速登門，自稱是夏文萱的女兒，帶來母親的託付。兩代落寞人終結伴前往日本為夏圓願。那夜女孩竟離奇消失面前，蘇才赫然想起夏文萱年少時的一句戲言：蘇昇華，我見過將來的你。這一切竟是夏文萱留給蘇昇華的最後禮物，希望這旅程讓他人生找到改變⋯⋯

《久別重逢》預告截圖

Ian自言不懂表達望作品引起共鳴！

陳卓賢Ian今年以故事串連推出的單曲，來到最後一首作品〈玩偶奇遇記〉，終揭曉他在故事中所飾演的主角，原來是一隻玩偶熊仔，他更投射自己的個性到這隻玩偶熊仔身上。

陳卓賢（Ian）今年推出第5首派台歌《玩偶奇遇記》。

Ian包辦新歌曲詞。

自去年年尾開始，Ian便開始構思創作一個故事，並透過歌曲及MV呈現出來，Ian說：「我喺上年年尾開始構思同創作今年呢五首歌，但歌曲、故事劇情，以至MV細節，都係一路製作一路微調，而主角其實係一隻熊仔，喺每個章節都有熊仔出現。」玩偶熊仔見證著一段愛情的開始、發展到終結，隨後亦有他自身的經歷，不過熊仔既無話語權，亦未能表達自己的意願。

年度企劃最終回故事揭盅。

坦言自己不擅表達愛意。

為何會揀選玩偶熊仔做故事主角呢？Ian解釋道：「因為人畜無害，同埋好似好多公仔都係熊仔，大家可能好多時會忽略咗佢，覺得佢嘅存在係理所當然，睇呢個故事嘅時候，亦唔覺得隻熊仔係關事，純粹係好表面覺得熊仔係定情信物，見到熊仔就好似見到你嘅另一半，但慢慢就帶出比較深層嘅意思，緊扣返主題：其實熊仔喺MV裡面有唔同形態出現，亦都係代表每一種心情，不過熊仔有很多無能為力嘅事，譬如佢都好鍾意主人，但言語上、肢體上都表達唔到自己。」透過今年這個故事，到〈玩偶奇遇記〉將故事揭盅，Ian最希望能給大家一點提醒，Ian說：「呢一連串故事，希望可以提醒大家，其實生活上唔係所有嘢都理所當然，可能有時要諗闊少少諗遠少少，所有嘢得來不易，要多啲喺唔同角度去諗。」Ian透露，玩偶熊仔亦是他個人的個性投射，說：「我都係一個唔太會表達自己嘅人 ，所以出一個咁嘅故事，睇下會唔會都有啲有共鳴嘅朋友。」

Ian化身玩偶熊仔！

Ian又相信，萬物皆有生命，亦有思想，千萬別漠視他們的感受。他說：「〈鑿〉裡面小女孩擁有一隻熊仔，佢冇諗過熊仔其實有佢自己嘅思想，喺小女孩心目中純粹係好簡單嘅物件存在喺佢生活。其實我哋喺日常生活中，忽略咗身邊好多大大小小嘅人或物件，我嘅歌好似〈留一天與你喘息〉裡面嘅石頭有生命、〈地球上的最後一朵花〉嘅花又有生命、〈鯨落〉嘅鯨魚都係有生命，但大家唔好忽略咗，佢哋亦都係有自己嘅思想。」

提醒大家多角度思考。

望新歌能引共鳴。