彪悍港媽巴士教囡背錯成本書兜頭劈網民心酸：生仔真係要攞牌

社會事

彪悍港媽巴士教囡背錯成本書兜頭劈網民心酸：生仔真係要攞牌

2024年10月22日 12:30

有網民日前目睹一名港媽在巴士內怒斥女兒，嬲到成本書「飛落去」女兒頭上，彪悍的教育方式引發網民熱議。

港媽：唔溫好書11點都唔會有覺好瞓

近日由網民在社交媒體Threads上發文，表示「今日搭巴士目擊一件好悲慘嘅事」，一對母女坐在帖主對面，該名媽媽向女兒表示「你今晚唔溫好書，11點都唔會有覺好瞓啦」，帖主指該名媽媽態度惡劣，但女兒也只能答媽媽「知道」，隨即拿出默書背生字。

錯1個就被怒罵：真係影衰我

帖主表示，女孩記得大部分的詞語，但只是偶爾錯一個，便馬上被港媽怒罵：「你咁樣真係有上過堂咩？少少字你都唔識得串，你咁樣真係影衰我。今晚你唔好阻住我瞓覺㖭啊。同埋你今晚同我溫到滾瓜爛熟你先好瞓覺。」

港媽一本書飛落去女孩反賠笑

更甚的是，港媽竟然把默書簿「飛落去」女孩頭上，凶狠地叫女孩要記清楚詞語。令帖主最難過，是女孩整個過程都只能以笑遮醜，默默執返本默書簿背生字，甚至反安慰其母「唔好嬲幫佢背生字」。

網民嘆：依家啲小朋友無童年

看到港媽的行為，令不少網民感到難以接受，紛紛問「阿媽算唔算虐兒？」，有人甚至認為「報警啦，喺條街打兒童係犯法」、「依家啲小朋友無童年，上咗中學就諗點樣脫離屋企」。

港媽或曾是「受害者」

不過，也有網友體諒港媽，指出她可能也是「受害者」，「睇得出個阿媽應該都係俾佢老母咁樣教出嚟嘅！」、「大把人唔識教之後生，不停loop 將上一代嘅嘢俾返下一代，如果打下就識，咁香港出好多天才啦，生仔真係要攞牌」。

往下看更多文章

內地爆紅「無骨燒豬」攻入本港超市價格貴最多4倍網民質疑：合成肉？

2024年10月22日 11:30 最後更新：11:52

脆皮燒肉大家就食得多，但燒無骨燒肉你又食過未？

「無骨燒豬」爆紅

燒腩仔是不少港人的摯愛，特別一提到男人的浪漫「豆腐火腩飯」，不少港男應該都默默的吞口水。近年來越來越多傳統食物開始推陳出新，爆紅的「無骨燒豬」便是其中一種，它與傳統港式燒肉不同，又香又脆啖啖肉，即叫即切，價錢親民。

港人回港最喜愛「手信」

通關以來，大批港人利用假日北上，回港時會順手買「手信」，而無骨燒豬便是其中一種備受港人喜愛的「手信」。近日，有網民在社交平台發帖，指在本港百佳超級市場的燒味部外，竟擺放了一枱原隻無骨燒豬。而其擺法與內地一系列的無骨燒豬相同，但價錢竟相差最多高達4倍，相片曝光，掀起網民熱議。

百佳燒味部無骨燒豬一斤要價108港幣

該網民在fb群組「香港燒味關注組」發帖，指自己在百佳超級市場的燒味部發現最新推出的「無骨燒豬」。從相片可見，超市的燒味部外面擺放了一張枱，上面放有原隻無骨燒豬，其擺法與內地的無骨燒豬相同，不過價格與內地相比存明顯差距，在深圳售賣的「無骨燒豬」，平均約人民幣25元至50元一斤，而百佳燒味部推出的無骨燒豬，一斤則要價108港幣，與內地價格相差近2至4倍。