加分由觀眾決定！
由「鬼王」潘紹聰領軍，恐佈在線、6DX Production主辦，哈囉喂劇場《一樓一會》X《恐佈在線》現場版，於上周五（25日）起假灣仔香港藝術中心壽臣劇院隆重公演。「恐佈在線」主腦潘紹聰（Edmond）主持的現場版，每場都會邀請嘉賓到來分享，先後有徐天佑、泰臣、張松枝、阮德鏘等。連日來有不少嘉賓到場觀影，MarkerVille行政總裁魯庭暉親臨到來捧場，場面熱鬧。
點擊看圖輯
「鬼王」潘紹聰領軍，恐佈在線、6DX Production主辦，哈囉喂劇場《一樓一會》X《恐佈在線》現場版於10月25日起假灣仔香港藝術中心壽臣劇院隆重公演，共演出19場。
Alton自評表現65分！
嘉盈緊張到腳震。
潘紹聰與歐芷菲飾演「廟街歌王、歌后」。
Edmond首次大開金口！
每場都會邀請嘉賓到來分享。
徐天佑
「鬼王」潘紹聰領軍，恐佈在線、6DX Production主辦，哈囉喂劇場《一樓一會》X《恐佈在線》現場版於10月25日起假灣仔香港藝術中心壽臣劇院隆重公演，共演出19場。
Alton自評表現65分！
首踏台板的Alton@MIRROR （王智德）和嘉盈@FH Production（王嘉盈），異口同聲均表示好緊張，Alton表示︰「第一次做舞台劇，當然好緊張，但又好夢幻，由排練到上台呈現俾大家睇，真係感受到舞台劇嘅魔力。」談到對自己首場的表現，會給自己多少分？Alton說︰「要我評分俾自己，我覺得合格多少少有65分，當中覺得自己仲有點『沙石』，仲有進步空間，之後場次會唔會加分，就交俾觀眾啦。」
至於嘉盈開騷前一分鐘緊張到腳震震，她說︰「開show前，我在台上緊張到腳震，我同控制台講，可唔可以俾一分鐘我緩和下，因為當時我雙腳真係冇力，當見到台下觀眾，自己就定好多。今次感受，將來我要學習做一個好好嘅觀眾，因為觀眾投入去睇，俾到台上演員好多力量。」
嘉盈緊張到腳震。
焦點除了落在首次演出舞台劇的Alton和嘉盈外，潘紹聰和歐芷菲飾演的「廟街歌王、歌后」，令觀眾刮目相看，深受觀眾歡迎。首次大開金口的Edmond表示︰「編劇知我喜歡唱歌，所以今次寫我嘅角色，喺廟街唱歌，我自己都Ok嘅，最緊要大家鍾意就得。」
潘紹聰與歐芷菲飾演「廟街歌王、歌后」。
Edmond首次大開金口！
同樣一展歌喉的歐芷菲，談到即場唱歌，她說︰「緣於舊年慶功宴上，我同潘Sir唱過吓，點知今年編劇就寫咗落去。我覺得好即場唱歌好刺激，而且今年台前幕後都多咗人，大家都覺得好好玩好開心，尤其是唱歌。」連日來每場演出都會舉行「恐佈在線」現場版，Edmond更碌盡人情咭，先後上台擔任嘉賓的有徐天佑、泰臣、張松枝、阮德鏘、梁嘉進等。到場觀影嘉賓先後有MarkerVille行政總裁魯庭暉、楊偉倫、陳秀珠、楊張新悅、梁祖堯、梁釗峰、雲浩影、劉沛蘅、吳海昕、呂珮琳、東方昇、專家Dickson、杜以辰等。
每場都會邀請嘉賓到來分享。
徐天佑
觀影嘉賓觀後感︰
泰臣︰「好surprise，劇中人物守望相助，既有夢想，又想擁抱愛情，感受好深。」
張松枝︰「有娛樂、有驚嚇、又有愛情，好似以前嘅香港，好地道嘅感覺。」
楊張新悅︰「我真係驚，長時間都靠住我老公膊頭，唱歌嘅感動位好正。」
陳秀珠︰「首次睇靈異舞台劇我係有點驚，但驚得來又有笑料，好成功。」
吳海昕︰「我以為來到會被嚇吓，睇落去笑得好開心，有少少眼濕濕。Alton冇諗到佢可以咁多面，非常出色。」
楊偉倫︰「好感動。」
東方昇︰「今年仲好睇，今年大驚喜，Edmond係被埋沒嘅歌王。」
梁釗峰︰「有笑、有驚，比我想像中感動，故事、燈光、聲效令我好投入，我第一次聽粗口係咁舒服。」
雲浩影︰「我真係驚，想快啲離開呢度，因為真係驚。」
劉沛蘅︰「我低估咗，以為舞台劇唔會好驚，有幾次真係嗌咗出聲。冇諗過睇一個驚嘅舞台劇，笑中淚，又有想喊嘅感覺。」
