化療期間令吳忻熹苦不堪言，但她感謝這個病令她反思人生！
前港姐吳忻熹(前名吳文忻)接受知訊台台長程凱欣和麥卓華主持的《原來生活好快樂》之「自主人生」訪問，今年8月公開乳癌復發的文忻，癌細胞一度擴散至淋巴位置，但她積極尋求治療方法，更一度放棄化療前往泰國接受細胞治療，幸運地在她50歲生日即傳來好消息，其身體內的癌細胞指數成功急降。
抗癌勇士吳忻熹（前名吳文忻）接受新城《原來生活好快樂》訪問。
忻熹透露早前收到一位朋友來電，稱他的爸爸在泰國醫院治療末期血癌，問文忻可會考慮這治療？忻熹了解之後，認為這方法完全是她的信念，「我一向都相信比較自然嘅療法，而呢個自然療法係好科學性嘅，只不過香港仲未有，所以我立即轉咗治療，做咗呢個先。」但當時有不少人好奇她有這膽量作新嚐試，「人哋血癌末期都搞得掂，冇理由我呢啲較輕嘅搞唔到，因為乳癌係癌症之中最輕微，就算做完之後仲有癌症，我都可以繼續喺香港做化療。」
吳文忻構思舉行慈善音樂會，用音樂串連不同故事，十分正面！
接受細胞治療後，忻熹感到身體較之前強壯，整個免疫系統亦有所提升，就連兩位主持都大讚她精神奕奕，不過忻熹就憶述，「其實我喺香港做咗三次化療同一次免疫治療，我感到我嘅身體係冧得好嚴重，講嘢都咳得好犀利，然後又周身骨痛，好似變咗個阿婆，骨質疏鬆同肌肉流失得好嚴重。」
左起：麥卓華、吳文忻、程凱欣
雖然化療期間令忻熹苦不堪言，但她感謝這個病令她反思人生，同時賜予她第二人生，所以她未來有一連串大計，「其實我依家已經當自己冇病，所以我已經計劃咗幾個大計，最初係想出一本書講抗癌，不過啱啱又諗到之前都有藝人患癌之後康復，我可以做主持訪問佢哋，做一個特輯，依家有十幾個名單。」文忻亦初步構思舉行慈善音樂會，用音樂串連不同故事，十分正面。
吳忻熹10月28日在社交平台分享了新照，頭髮亦重生，精神狀態極佳！
詳細節目內容，請重溫10月31日，早上9-10時，新城知訊台《原來生活好快樂》節目「自主人生」環節，網址：https://www.metroradio.com.hk/MetroInfo/
50歲前港姐吳文忻（現名吳忻熹）去年8月自揭乳癌復發已是第三期，更擴散至淋巴腺，她一真積極接受不同的治療和輔助治療，腫瘤亦曾一度縮小，同時癌指數亦有下降，但早前她因心肺積水入院，之後細胞變異惡化至乳癌第四期，更擴散到尾龍骨。雖然情況反覆，但她依然沒有放棄，繼續以正面的心態抗癌，她目前選擇「大包圍」的治療方式，即化療同時採用其他治療，但卻惹來網民抨擊，對此，她開Live更新身體狀況，並直接回應批評。
吳文忻乳癌惡化至第四期，更擴散到尾龍骨。
她目前選擇「大包圍」的治療方式，即化療同時採用其他治療。
吳文忻表示已預料會被攻擊，「當然每樣對我有用，但對你未必有用，反應亦唔一樣……你哋覺得有需要咪了解吓，利申我冇收錢，我只係用家分享。」她指因為患乳癌的經歷，令她知道要養成強大的內心，「呢段時間都需要內心強大，所以咁容易畀網民打倒我，即係代表自己未夠強大。唔緊要，呢場風暴突然間嚟，冇諗過個post會引嚟咁大迴響，亦冇諗過delete，因為我性格就係咁，我又冇做錯咩事，你哋唔信唔鍾意冇問題㗎，我講你知，你哋咪選擇去唔去睇下」，所以她覺得自己保持內心平靜和快樂即可，如果激動回應haters，只會令身體和情緒波動，兩敗俱傷。
影片截圖
對於有網民指可以靠信仰面對一切，吳文忻就回應，「我知，我就係靠住呢個信仰，唔再理一啲唔好心地嘅人，或說話不負責任嘅人，我都戥佢哋難過，如果要用唔好聽說話去踩低人、批評，呢個人本身都幾負面，所以我都希望佢哋身體健康，唔需要有我呢個煩惱。」
影片截圖
吳文忻又指患乳癌雖然為她的身心帶來挑戰，但同時令她變得更成熟，「如果唔係今次學習，我50歲人都可能仲係一個，未經歷太多高低起跌嘅死𡃁妹」，並透露兩個囡囡沒有因為媽媽患癌，而變得鬱鬱不歡，「可能見我都冇乜嘢，佢哋又冇乜嘢。作為病人，唔好覺得自己係病人，幾痛都好，都要行出去曬太陽；幾痛都好，都要拉下筋。」
影片截圖
此外，吳文忻自爆有個歌手夢，之前計劃製作一首歌，但因心肺積水入院，所以一直未完成，因此她托好同屆港姐好友的女兒製作一首屬於她與兩個囡囡的歌《Bald Mommy Bold Mommy》，「即係光頭同勇敢嘅媽咪！其實患癌媽咪都唔需要太沉重，所以想用一個輕鬆表達方式，透過歌曲演釋一個患癌媽咪與女兒嘅關係，歌詞好sweet，係我朋友填，佢個女就作曲。」 她還透露母親節將帶同兩個囡囡一齊出席慈善活動，並計劃7月出半自傳新書，收益將捐作慈善用途。
影片截圖
影片截圖
