張敬軒王菀之合體開直播「唱到抽筋」 海量聲音求「皇后」加場

呢兩位靈魂伴侶的友愛，Sweet 到爆。

保誠保險呈獻《合體 – 王菀之演唱會2025》今日公開發售，一個上午全部售完。不少搶不到飛的歌迷湧進Ivana的社交媒體留言求加場。

睽違11年先再開紅館演唱會，昨晚Ivana 聯同張敬軒一起深宵「合體」搞左個IG Live ，兩人同歌迷傾計，表演互窒、食煲仔飯，唱歌，提醒歌迷今早兩人演唱會，一個紅館，一個澳門，分別都於今日公開發售，兩人的門票，均被歌迷搶爆，下午開心宣告賣完。

對於兩場門票半日售完，Ivana就表示非常開心大家支持，知道消息後，團隊有馬上聯絡她開緊急會議，研究是否有加場空間，希望買不到飛的歌迷不要失望，有消息會馬上為大家公佈。

皇上皇后「合體」之威力，昨晚半夜引來萬多人觀看他們的直播，直播由半夜11點一直到凌晨一點才結束。軒公懶理Ivana將於2月開騷未必減得切肥，深夜放毒，叫齊「煲仔飯」，「靚湯」，「甜品」，應有盡有招呼皇后，Ivana美食當前，就當然忍不到口，她於節目中表示，「其實我真係開始有教練操練，操左三日，都係醫緊痛症，哈哈。唔知點解囉，三日都冇減到磅重增咗。」

軒公深夜放毒，叫齊「煲仔飯」，「靚湯」，「甜品」招呼Ivana。

「甜品」好正。

Ivana點會忍到口。

兩人於直播中，合唱， 獨唱了不少經典歌曲，好聽情度爆晒標，歌迷直叫救命，不停出心心，留言:聽哭了，被治癒了，求兩人一齊再開騷等等，不下萬句。近日迷上攝影的Ivana，於軒公唱歌時，拿相機為他拍照，但又就被軒公要求delete晒佢，軒公搶過Ivana 手上相機 ，把她拍的照片公開鏡頭前: 「你哋睇下，嘩，delete左佢！」軒公狂刪照片，非常搞笑。由於兩人成晚都係坐係地下唱歌，軒公於節目去到一半話坐到腳抽筋，Ivana馬上幫他按小腿又教他如何拉筋，當軒公企起身拉筋時，大家始發現他真的身體並不柔軟，不能雙手彎腰碰地，料不到Ivana卻比他柔軟得多，一彎腰就雙手到地，不過她亦有安慰對方，「其實係我天生雙手比常人長啲，哈哈。不過你真係要拉下筋啦你，估唔到我哋兩個咁就到咗唱到抽筋嘅年紀，我話咗唔好坐係地下唱㗎啦，係佢要就嗰啲美顏燈之嘛。」互窒對話非常搞笑，引發歌迷不停留言說要睇到兩人打架。

軒公唱歌時，Ivana拿相機為他拍照。

軒公要求delete晒佢

睇完啲相忍唔住笑

俾觀眾睇下影成點先

坐地下開live太耐搞到抽筋

Ivana柔軟勁多

這個非常珍貴的兩小時live，於歌迷依依不捨之下，凌晨一點作結，盡現這個位靈魂伴侶的友愛，Sweet 到爆，不單看到兩人友誼，聽到美好合唱歌聲，一張紙巾兩人一齊用作印汗。唱「哥哥」時， Ivana把尾段歌詞，「哥哥」兩個字改為「軒仔」，「軒仔呀軒仔呀我覺你一起，傻笑發夢頑皮，天光到天黑仍樂此不疲，朋友和伴侶最好是你。」感動無數網友，唱到大家毛管直豎。

保誠保險 呈獻

《合體 – 王菀之演唱會2025》

主辦：特高娛樂、木火娛樂

協辦：光尚娛樂、KKLive

日期 / 時間：2025年2月22.23日

地點：紅磡香港體育館

票價：HK$1,080 / HK$780 / HK$580 / HK$380

優先訂票 東亞銀行信用卡
日期：2024 年 11月20 – 22 日

優先訂票渠道 KKTIX 網站https://kktix.com或KKTIX手機應用程式 

優先訂票詳情 https://www.hkbea.com/html/tc/bea-credit-card-entertainment-offer-2025ivana.html

公開發售

日期 : 2-12-2024起

城市售票網
電話購票：3166 1288

網上購票：www.urbtix.hk

著名堪輿學家李居明向《巴士的報》進行運程預測，他指2025年踏入蛇年，透過生肖分析，屬狗與屬猴人士在蛇年中運勢最旺。

李居明大師稱屬狗與屬猴人士，在蛇年當中運勢最旺。（本網記者攝）

李居明預告2025年即將踏入蛇年，而與之相沖的正是屬豬，李居明表示：「豬係咩呢？係『亥』，指我哋隻腳，所以2025年我哋每個人隻腳都會受沖，即係話如果你係經常運動呢，你要小心仆親，亦即係話好多人都會坐輪椅，或者佢本身隻腳有腳痛。」

同時，他又指：「蛇代表著四大驛馬，係代表我哋每個人都會轉工、搬屋同去旅遊。講到蛇年裡面，呢個字係可以打開一個叫『丑』嘅金庫，係代表會打開呢個庫，就係冇咁悶局，以前我哋行咗入去個墳墓，而家我哋喺個墳墓行返出嚟，呢個就係香港嘅運，所以香港明年係由個墳墓度返出嚟，咁咪幾好呢！」

（本網記者攝）

屬猴藝人：張敬軒

屬狗藝人：姚焯菲（Chantel）

李居明表示：「2025年係屬狗同屬猴排第一同排第二之外，咁多生肖裡面，其他一啲唔好嘅生肖，我哋比較低調啲講，先唔好影響咗你嘅潛意識。大家要明白喺2025年由於網絡流行，網絡世界裏面浮現好多預言，但係你永遠記住一樣嘢，就係預言始終一講咗出嚟，通常就唔係好靈驗，因為大家都記得嗰樣嘢，嗰樣嘢變成咗另外一個層次嘅一種念力，係會令到嗰樣嘢反而唔靈，所以我話俾大家聽，唔好恐懼，恐懼先至係喺2025年最大嘅瘟疫！」

他強調：「不驚不懼係2025年我哋要面對，儘管2025年可能有七星逆轉，有不幸嘅事發生，我話俾你聽殺到嚟你先食！」

要小心腳傷。

李居明最後再補充面對恐懼時，千萬不要驚慌:「唔好事前驚餐懵，如果你要逃避亦逃避唔到嘅，既然係咁，不如就喺香港呢個少少嘅地方，呢個少少嘅安樂裡應外面好好活着。你走出世界任何一個地方，戰爭、地震同海嘯，分分鐘本來你無事，你都走咗一個好危險嘅地方，咁咪仲衰，所以人呢唔好咁驚，最緊要記住一樣嘢殺到先食，千祈唔好自己呃自己，香港人而家最大嘅毛病，就係『神經衰弱症』！」

增加了轉工、搬屋同旅遊的機會。