有的士司機上傳電召的士App截圖，指有乘客想call的由機場去港島西半山豪宅，惟備註「2字」要求令司機嬲到拒單直指「企喺機場慢慢等喇」！
半山豪宅的士乘客要求車費六折
該的士司機於Facebook群組「的士司機資訊網Taxi」上載電召的士App截圖，指有乘客電召的士，想從赤鱲角機場到港島西半山豪宅海雅閣，但備註「6折」兩字卻令的士司機當場傻眼。
FB圖片
司機嬲爆：企喺機場慢慢等
樓主對乘客要求感到驚訝「半山唔係傳統富豪地區咩？咁有米都要六折？」，直指「由佢企喺機場慢慢等就啱㗎喇」。
unsplash示意圖
網民：愈有米愈庹縮
網民看過帖文議論紛紛，「愈有米愈庹縮」、「人無恥便無敵」、「半山嘅客真係好X孤寒㗎⋯⋯」、「半山X人多，X客多多」、「以前佢叫85跟住7折，而家6折，即係7折都有人做過啦，而家再試下叫低啲」。也有人笑言，「唔慳點住半山」、「食蕉（保安）嚟啫，今晚夜更」。
示意圖
同行接單 網民嘆「人無恥便無敵」
雖然話6折要求離譜，但有的士行家透露，已有司機接單。網民都不得不感嘆「百貨應百客，有人接就係反映市場供求」、「接嘅原因唔想吉車走，又吾想等，又可以出返港島look客，西客又有大折扣，一舉幾得，何樂而不為」。
示意圖
近日有網民發現居然有茶餐廳水都要收錢！仲要熱水每杯$3、冰水每杯$5，令大批網民嘩然。
熱水每杯3元、冰水每杯5元
從照片可見，牆身上貼上1張顯眼告示，上面印有「熱水$3一杯 冰水$5一杯」的字眼，所以可以推測餐廳並非免費供應熱水及冰水。
FB圖片
水都收錢 網民批「趕客」
對於餐廳是否應就飲用水收費一事，網民意見兩極。有網民認為餐廳收取食客飲用水費用是「趕客」，「呢個時勢唔係想辦法改善服務吸客，而係用盡方法呃錢趕客」、「其實免費水唔會佔太多成本，佢咁樣仲得罪客」、「好小氣，唔會去幫襯」、「水都收錢係仆X」；也有網民表示雖然不少餐廳也並非免費供應冰水，「但連熱水都收錢就真係未見過」。
Getty示意圖
網民稱茶水費正常 只是表達欠佳
然而，另一派的網民就指出其實有不少餐廳亦會收取茶水費，只是照片中的餐廳表達欠理想，「高級餐廳大把只提供收費礦泉水。雖然睇相唔似係高級餐廳，但無人話唔收得」、「佢咁寫就唔識做公關，佢應該寫本店只提供熱水，如要凍水／冰水，每杯收費5元」。
unsplash示意圖
網民腦筋急轉彎計各種水價
有網民就相當好奇餐廳食水售價，笑言「凍滾水係咪8蚊」、「咁計要杯暖水應該係4蚊」。有網民就回應指該茶餐廳位於香港仔，並表示食客要求常溫水的話，餐廳不會額外收費，「只係熱同冰要畀錢，常溫唔洗」、「要室溫水唔使錢」。
unsplash示意圖
疑餐廳職員爆有苦衷？
有疑似是餐廳職員的網民不斷留言「洗板」，道出熱水和冰水要收錢的苦衷，又強調「其實提供溫水是免費的」，指有很多客人要求「全熱水」和「冰水」，而有些客人並非要水來飲用，而是用來洗手，「次次都把枱面同地弄濕」，更反問「不如你掉轉問下有冇收過任何客人水錢？」。
不過呢個解釋網民似乎唔受落，「話啲客『用水係檯面洗手』，你咪貼張『不可在座位洗手』，而唔係貼收水錢下話」。
