張美妮為投入角色離家出走兼玩自閉與世隔絕！
由王心慰（Amy姐）監製，戴德廣編審的《大灣區航空日本仙台航線呈獻：異空感應》，逢星期一至五晚8時30分翡翠台播映，主要演員有陳家樂、陳曉華、阮浩棕、譚凱琪、何遠東、文雪兒、龔慈恩、陳嘉輝、彭翔翎等。
點擊看圖輯
張美妮喊起上嚟真係好淒涼。
張美妮話拍呢幕天台戲時，只要一Roll機佢就忍唔住係咁喊。
張美妮話拍呢幕天台戲時，只要一Roll機佢就忍唔住係咁喊。
Madam焦個老公對佢好差又好Mean。
Madam焦個老公對佢好差又好Mean。
Zoie妝前妝後好大分別，連個氣場都唔同晒。
呢幕喊戲完全突顯咗Madam焦嘅柔弱面。
呢幕喊戲完全突顯咗Madam焦嘅柔弱面。
Zoie醉酒戲好可愛。
原來Zoie好鍾意拍打戲。
張美妮喊起上嚟真係好淒涼。
張美妮話拍呢幕天台戲時，只要一Roll機佢就忍唔住係咁喊。
張美妮話拍呢幕天台戲時，只要一Roll機佢就忍唔住係咁喊。
自開播後陸續有不同新鮮面孔彈出的《異空感應》，本周最大驚喜來自44歲凍齡人妻代表張美妮。本周個案講述表面是模範警察的陸文輝（蔡誌恩飾）離奇死亡，上司Madam焦（譚凱琪Zoie飾）在調查過程中，驚揭文輝私下性變態兼對前妻卡雯（張美妮飾）拳打腳踢之餘，更利用之前拍下的性愛片段，一再逼令卡雯玩SM甚至參與3P性愛活動，令卡雯苦不堪言…幾經調查後，警方一度改將矛頭指向梓峰（林正峰飾），但梓峰似乎依然不是真正兇手…另邊廂，以快狠準style查案見稱的Madam焦，被發現與丈夫彭至有（黃祥興飾）關係不佳，這位「指天椒」更逐步露出不為人知的軟弱面…
現年44歲的張美妮（Geena），今次演出《異空感應》相當有發揮，集柔弱、可憐及驚青於一身的她，多場差館喊戲喊得相當逼真，網民：「張美妮喊得好似」、「藝訓班出生，唔係流的」。談到是次單元角色相當搶焦，張美妮接受tvb.com訪問時坦言過足戲癮，並透露為了做好角色一度「離家出走」，張美妮說：「呢個角色真係好大挑戰，因為未試過演內心咁複雜嘅角色。一個suppose好正能量嘅老師，背後原來背負住咁慘痛同黑暗嘅經歷，所以真係要用好多時間去揣摩。」
Madam焦個老公對佢好差又好Mean。
Madam焦個老公對佢好差又好Mean。
Zoie妝前妝後好大分別，連個氣場都唔同晒。
美妮續指雖然拍攝時間多為晚上，但為了全情投入，她每天一大早便會離開屋企過著「與世隔絕」的生活：「任何電話WhatsApp都唔聽唔理，等自己好似卡雯咁生活，因為佢角色背負嘅嘢太多，我覺得唔預早投入多啲會唔夠真實。」美妮又透露昨晚播出的天台企跳戲，她在拍攝現場只要一Roll機便忍不住淚如雨下，即使只是拍攝雙腳特寫，眼淚仍是不受控制：「可能因為埋位前我係咁同自己講要keep住入戲、唔鬆得，因為一鬆咗就好難有番嗰種咁真實嘅想死念頭。」現實中是多間髮型屋和餐廳老闆娘的張美妮，早於2008年投資5位數開設首間髮型屋，並陸續設立分店，之後再於2013年開設餐廳踩入飲食界。問到近年生意是否愈來愈難做，張美妮直認不諱，但她仍樂觀面對時代轉變及難關：「要更落力去諗點做好啲，例如諗啲更多適合大家嘅promotion，努力提升質素同埋服務再貼心啲。雖然艱難，但凡事都有正反面，就算實體店會易畀網絡嘢取代，但同時我哋亦可以諗吓點好好利用網絡呢個工具去幫自己宣傳。」
呢幕喊戲完全突顯咗Madam焦嘅柔弱面。
呢幕喊戲完全突顯咗Madam焦嘅柔弱面。
至於罕演硬朗急躁女Madam的Zoie，在劇中除了要挑戰飾演與真實性格完全相反的強勢女Madam外，又要挑戰連串動作場面，不過Zoie卻大呼開心及過癮：「我成日都想做打女，因為好型，同埋做演員咩都要試吓吖嘛。呢套劇好多打鬥都係我自已親身上陣架，都叫圓咗做打女嘅心願，同埋拍出嚟真係好型。」與Amy姐已非首度合作的Zoie，坦言很感謝對方再次給予如此有發揮的角色：「角色本身個故事好豐富，除咗小產過、又要面對老公有外遇，所以情感方面好多創傷，我都覺得佢好慘。但因為係上司嘅關係，返到公司又要扮到好tough咁，有血有淚幾好玩。」昨晚，Zoie亦全方位展現了角色在劇中堅強與柔弱的反差面，平時嘈嘈閉、對著下屬及犯人咬住唔放的Madam焦，面對信錯下屬、小產及老公有外遇三大難堪處境顯得無限慘情軟弱，昨晚遭外遇老公無情冷待後以淚洗面的場口，更是我見猶憐，加上近乎素顏的狀態，令場口及角色別具感染力。
不少網民收看《異空感應》時，均留言表示Zoie瘦了不少，對此Zoie坦言每次拍劇必然至少瘦一圈：「我睇番都覺得自己原來咁瘦，拍嗰時唔覺架，其實我每次拍劇都會瘦，我本身做嘢好tense，會冇乜胃口同食無定時，當然嗰時仲要分身照顧小朋友變相有無形壓力都有影響嘅。」與張美妮一樣是幸福人妻、兼已涉足生意界的Zoie，與好友龔嘉欣今年開始合力經營時裝生意，Zoie笑言過程都是從橦板中學習：「起初都係抱住試玩嘅心態。呢盤生意我哋係由零開始，每個step都要親力親為，由設計到營銷宣傳都係一手一腳去試去撞板，冇得嗌辛苦。因為當你開始咗去做，你就要全力以赴，做到最好。」
Zoie醉酒戲好可愛。
原來Zoie好鍾意拍打戲。
