網民洗版式力撐阮浩棕年尾攞獎 新劇角色被指挑戰無綫三大經典癲人

到幼稚園慈善探訪遭K3生大叫Duncan哥哥「奸笑掉垃圾」Gif被熱推

由王心慰（Amy姐）監製，戴德廣編審的《大灣區航空日本仙台航線呈獻：異空感應》，逢星期一至五晚8時30分翡翠台播映，主要演員有陳家樂、陳曉華、阮浩棕、譚凱琪、何遠東、文雪兒、龔慈恩、陳嘉輝、彭翔翎等。下周進入結局周的《異空感應》，本周劇情高潮迭起，在網絡引發連日熱討，被指是Big Boss最大嫌疑人的Duncan登勤（阮浩棕飾）更是人氣爆燈！近日令網民最肉緊的劇情，非Duncan與「懦弱渣爸」邢有山（陳嘉輝）及其「陰險大婆」何淑娟（龔慈恩飾）的恩怨莫屬。何淑娟當年發現邢有山有外遇後，竟豪擲30萬收買渣男魏耀星（胡渭康／姚宏遠分飾）對Duncan生母莊玉玲（呂珊／劉嘉琪分飾）出手。魏耀星騙財騙色後狠飛莊玉玲，自此變得更墮落的莊玉玲則不斷拿Duncan出氣…Duncan從耀星口中得知淑娟是親手摧毁自己美好家庭的真兇後，直搗邢家喊打喊殺，經過一輪驚險追逐，淑娟跌落樓梯受傷，並一口咬定Duncan是真兇，邢有山更因此對Duncan一再指責；飽受指控的Duncan欲找好友方日進（陳家樂飾）訴苦期間，發現方日進竟暗中調查自己，遂爆Seed𠝹手寫下「血的控訴」宣布與方日進絕交…

連最好嘅朋友方日進都開始唔相信自己，Duncan更加癲上加癲。

連最好嘅朋友方日進都開始唔相信自己，Duncan更加癲上加癲。

連最好嘅朋友方日進都開始唔相信自己，Duncan更加癲上加癲。

對於Duncan的悲情過去，網民無不表示同情，阮浩棕的精彩演出，更吸獲網民洗版式好評，有網民直指Duncan癲喪及觸目驚心度可媲美「唐立言（《與敵同行》郭晉安）」、「鷲哥（《巨輪2》吳岱融）」及「阿鏈（《超能使者》陳展鵬）」三大經典角色，除了直接以「Duncan」取替「鏗少」成阮浩棕最新暱稱、力推阮浩棕是全劇至愛角色的同時，還有不少網民留言表示希望阮浩棕在今年的《萬千星輝頒獎典禮》能連奪男配及男飛躍兩大獎項！近日因新劇網絡人氣急升的阮浩棕，日前接獲慈善團體邀請，到某幼稚園向小朋友大派聖誕禮物，席間更有小朋友大叫他Duncan哥哥。阮浩棕接受tvb.com訪問時，覆述當時情況謂：「有人問佢哋認唔認得呢位哥哥，佢哋就大叫Duncan哥哥。（依家出街係咪好多人直接叫你Duncan）都係呀，多謝大家支持《異空感應》。」

聽到「渣男」耀星講出真相後，Duncan暴走。

聽到「渣男」耀星講出真相後，Duncan暴走。

聽到「渣男」耀星講出真相後，Duncan暴走。

聽到「渣男」耀星講出真相後，Duncan暴走。

呢幾格表情好正。

呢幾格表情好正。

齋睇畫面都好有張力。

齋睇畫面都好有張力。

阮浩棕呢套劇，太多經典表情圖。

阮浩棕日前到幼稚園作慈善探訪。

網民：「阮浩棕活潑中帶點邪氣」、「啲戲真係好好，呢個角色好難做，唔係一味奸，本身勁慘勁多故事」、「佢真係慘到令人同情到隔住個Mon都想安慰佢，啲戲真係好好」、「Duncan有樣有演技應該捧啦」、「Duncan自從拍完《隱門》畀鷲哥感染咗」、「主要係為咗睇Duncan癡線」、「Duncan發火非同小可」、「如果唔畀Duncan攞男飛 TVB要小心啲」、「希望Duncan最少入到飛躍五強！」、「想你拎埋男配」、「Duncan好值得今年拎番個獎，睇到人好緊張」、「鷲哥式搶戲」、「做《隱門》嗰陣同鷲哥一齊玩已經好有喜感，嚟到呢套戲直接成為鷲哥」、「如果失落獎項，小心Duncan大爆發，彈起身不停精神病式重複講無理由我咁努力會無獎，越來越大聲，無理由架，點解要咁對我，跟住上台掃枱掟嘢」。Duncan角色熱度如此高，自然亦有不少「名場面」，本周Duncan將衰格生母的骨灰似笑非笑掉進垃圾車後，臉上流露的空洞陰森笑容成為經典，不但當晚已有「Duncan掉垃圾Gif」在網上流傳，更有網民直指劇集可改名《Duncan傳》：「垃圾車呢幕個表情好正」、「以後掉垃圾個樣都要學下登勤先」、「出門口掉垃圾要奸笑」。

「奸笑掉垃圾」連環圖。

「奸笑掉垃圾」連環圖。

「奸笑掉垃圾」連環圖。

網民讚龔慈恩依然勁靚

其實阮浩棕的角色如此突出及入屋，除有賴監製、導演及編審的功勞，一班好戲綠葉絕對功不可沒，當中尤以陳嘉輝及龔慈恩最大功勞，就是因為二人分別演活了角色的自私、懦弱、橫蠻及陰險，才令網民鬧得盡情、看得肉緊，亦令Duncan成功吸獲大量同情及支持。監製Amy姐亦感激龔姐為了成就Duncan這個角色，甘願拋下形象包袱飾演陰毒大婆：「龔姐都講過話如果係佢自己嘅選擇，佢唔會做到咁衰，但為咗故事嘅推進同埋大局，佢好樂意去配合番個橋段同情節，好多謝佢咁專業。」

龔慈恩呢場戲勁多變化同層次，有憤怒、怪責、冷漠無情、不甘、慨嘆、苦笑及自嘲等，相當好戲。

龔慈恩呢場戲勁多變化同層次，有憤怒、怪責、冷漠無情、不甘、慨嘆、苦笑及自嘲等，相當好戲。

龔慈恩呢場戲勁多變化同層次，有憤怒、怪責、冷漠無情、不甘、慨嘆、苦笑及自嘲等，相當好戲。

龔慈恩呢場戲勁多變化同層次，有憤怒、怪責、冷漠無情、不甘、慨嘆、苦笑及自嘲等，相當好戲。

雖然網民對嘉輝及龔姐角色近乎百分百負評，但對二人的演技卻有讚無彈，有網民更力讚龔姐演活了「慈愛」及「最毒婦人心」的「最大尺度反差」：「佢嘅演繹同佢當年演觀音嘅反差好大，就好似鄭少俠演大俠同演丁蟹時嘅反差咁」、「觀音變惡妻」、「龔慈恩完全顛覆咗觀音（人士）慈祥嘅形象」，更有不少網民大讚龔姐顏值寶刀未老：「龔慈恩仲係好靚、好有氣質」。

龔姐呢幕戲盡顯淑娟慈愛簡單一面。

龔姐呢幕戲盡顯淑娟慈愛簡單一面。

龔姐呢幕戲盡顯淑娟慈愛簡單一面。

陳嘉輝現實係才子型絕世好男人。

由王心慰（Amy姐）監製，戴德廣編審的《大灣區航空日本仙台航線呈獻：異空感應》，逢星期一至五晚8時30分翡翠台播映，主要演員有陳家樂、陳曉華、阮浩棕、譚凱琪、何遠東、文雪兒、龔慈恩、陳嘉輝、彭翔翎等。

陳嘉輝在《異空感應》中飾演「懦弱渣爸」。

年青時因經不起引誘背著妻子龔慈恩偷食舞女呂珊。

陳嘉輝現實係才子型絕世好男人！

演戲資歷長達38年的陳嘉輝，在《異空感應》中飾演「懦弱渣爸」邢有山，有山年青時因經不起引誘背著妻子淑娟（龔慈恩飾）偷食舞女莊玉玲（呂珊飾），誕下私生子Duncan（阮浩棕飾）。啞忍老公偷食多年的淑娟，因Duncan「回歸」大爆發，一度激動至擸刀喊打喊殺…夾在私生子及老婆之間的有山，原本想「好佬兩頭瞞」，可惜因淑娟太過強勢，不懂應對的有山最終一再辜負Duncan；昨晚（17日）一集，原本誓神劈願會陪Duncan送別亡母莊玉玲的有山，再次因淑娟大發雷霆失場；另邊廂，Duncan生母當年遭有山斬纜後，光速另結新歡兼對Duncan不聞不問，最終還淪落到沉淪毒海及賣淫…前晚一集，莊玉玲不但認不出Duncan上前兜搭；當知道Duncan是親生仔後，莊玉玲還向Duncan苛索五萬蚊「斷絕關係費」，一切似為Duncan埋下黑化伏線！

陳嘉輝演「懦弱渣爸」網民睇得肉緊。

呂珊首演一樓一鬧市拉客嗌尷尬！

與太太零爭執 一絕招收服太太壞脾氣
對於有山這位失職爹哋及老公，不少網民睇到眼火爆，直斥無情無義！不過現實生活中的嘉輝，不但有情有義，更是圈中馳名愛妻號兼絕世好爸，嘉輝與小冰相愛足足三十年依然恩愛，是圈中廣為人知的模範夫妻，二人於2007年誕下兒子Lewis，一家三口感情甚佳。小冰曾開心分享老公的氹老婆大法：「我老公每日起身都會話：『你好靚喎』，結婚20幾年都係咁。同埋我性格係一有問題就會blablabla講出嚟，佢就叫我慢慢講、唔好嬲，同埋叫我可以選擇用另一種方式（表達），例如喺最嬲時唔好講嘢，寫出嚟，寫完幾千字都已經唔嬲啦。」

除了愛妻有道，嘉輝亦教子有方。小冰曾經大讚本身背劇本過目不忘的嘉輝，教到兒子經常默書100分！嘉輝更公開傳授背誦心得謂：「最重要係培養讀書興趣，理解課文內容；背劇本就主要係理解角色同故仔，死背會好快忘記。」為提升兒子讀書及背誦興趣，嘉輝與仔仔背書期間會加入玩樂成份的同時，還會討論及上網研究參考相關圖片短片。其實嘉輝年青時頗有才氣，除曾以90分獲得第28屆香港學校朗誦節中二男子英語詩詞獨誦冠軍，畢業於香港理工大學土木工程系的他，亦曾在政府土木工程署任職工程監督。

貪婪市井樣入型入格。

折墮衰阿媽。

另出名好戲的珊姐，這次拍攝《異空感應》雖然出場次數不多，但每一幕均令人留下深刻印象，無論是點算Duncan所付「肉金」時爛撻撻市儈樣、無恥至極地向Duncan荷索金錢樣，抑或哮喘病時的痛苦樣及死亡時的「死唔眼閉」樣，均相當有記憶點。監製Amy姐（王心慰）笑言，每次找珊姐演戲都巧合地將對方醜化，直言感到內疚：「我對呂珊唔住，平時睇佢演唱會都係好靚、好高貴咁，佢真實性格又好有活力同樂觀，但我次次搵親佢做嘅角色，都咁啱唔夠靚。今次呢個角色，我第一個就諗起珊姐，因為佢夠瘦、夠晒入型入格，難得佢又唔介意做一個咁嘅角色。不過佢有話未試過喺條街度咁樣演兜搭戲，有話好尷尬。」對於珊姐放下包袱豁出去演折墮衰阿媽，網民大感驚喜，除大讚珊姐專業，勇於挑戰不同類型角色，更錯重點大讚珊姐靚女：「呢個年紀級別嚟講都幾正」、「佢後生的而且確係靚女」。

談到角色，珊姐受訪時坦言為劇集至少獻出了演藝生涯三大第一次，分別是在九龍城賣淫、吸毒及瞓鐵床演待被解剖的死者，珊姐不忘感激監製謂：「感謝Amy 姐給我機會試新性格嘅角色。」自2000年開始參與無綫劇集拍攝的呂珊，曾兩度提名《萬千星輝賀台慶》「本年度我最喜愛的實力非凡女藝員」，亦曾提名「最佳女配角」殊榮，演技實力早獲肯定；與Amy姐合作無數的她，當年在《與敵同行》中遭養子郭晉安掟落地下一幕亦相當經典，Amy姐更謂十分感恩當時的台前幕後為了拍好這一幕相當齊心：「佢哋傾咗好耐，拍出嚟好似真係跌咗落去咁。」

向兒子阮浩棕荷索金錢。

監製自揭愧對珊姐。