林明禎未被「失場風波」影響心情 晒遊花蓮靚相難藏驕人身材

繼續專心工作。

34歲的「大馬女神」林明禎憑着甜美外表及34E傲人身材，俘虜大批粉絲，雖然最近盛傳秘戀人氣男團MIRROR成員呂爵安（Edan），早前更臨時缺席有份主演的電影《手機見鬼》首映禮，因而引來非議，更被網民封「大話禎」，但都無損她分享靚相的好心情。

Edan與林明禎被拍到在歐洲撐檯腳食飯照。

之後又有網民在社交平台表示在台灣夜市捕獲到疑似Edan與林明禎。

由林明禎領銜主演的電影《手機見鬼》早前舉行首映禮活動，但她臨時缺席。

然而，林明禎竟突然在舉辦首映的場地外現身，因而引來非議。

不過都無損她分享靚相的心情。

林明禎作為台灣花蓮的觀光大使，不時會在社交平台分享介紹花蓮的靚相和影片，近日她就在IG分享了一輯在花蓮拍攝的寫真，並留言：「2025年，我們找一天，一起去花蓮玩，好嗎？」相中可見她穿著白色背心搭配軍綠色鬆身工人褲，打扮清春可愛，但都藏不住她驕人的身材，彎腰時更意外輕露側乳，非常吸睛，睇到網民心心眼！

林明禎是台灣花蓮的觀光大使。

所以不時在社交平台為花蓮宣傳。

近日又分享了一輯在花蓮拍攝的寫真。

就算衣著寬鬆都藏不住她驕人的身材。

彎腰時意外輕露側乳。

林明禎IG圖片

MIRROR成員Edan因與馬國女神林明禎緋聞引熱議，21日完成《膠戰RUN FOR YOUR LIVE》返到屋企，深夜與爵屎圍爐大談近況。

Edan公開承認追大自己7年的林明禎。

林明禎亦大讚Edan紳士。

Edan坦言這段時間都幾唔開心：「我發現咗好多未見過嘅自己，我未見過自己原來會Emo啦。即係一直覺得Edan好理性，成日都講我好少唔開心、冇咩煩惱，但係，係囉，呢半年真係好多唔同嘅感受。」他續指：「當然啦大家現實生活都見到我發生好多事，所以我都見識到原來我都會咁樣，同埋我開始覺得自己水瓶座。」

Edan直播講心事

Edan表示最後因身邊的人勸告而未有直播：「講到尾都係驚，驚會失去。因為嗰一次意識到我會失去啲嘢、影響啲嘢。」續指：「呢半年都幾封閉自己，好綁手綁腳、好多人指指點點，一直好多內心鬥爭，唔知點好。」而當他早前重溫第一次Solo演唱會，看到自己曾在台上講「ED偶像」，有感自己當時初生之犢不畏虎，但後來才發現自己太天真、諗得太簡單：「原來我口口聲聲話唔驚，但我都係會驚，唔夠堅定，未知自己想要咩、成為咩人。」

Edan表示最後因身邊的人勸告而未有直播

 
Edan強調這次直播是為了爵屎而開，因為爵屎是他所重視與珍惜的人：「對你哋、對一直發生咁多年仲喺度嘅你哋，可以打番開我個心，勇敢啲踏出呢步，想直接同你哋分享我經歷嘅事情，做返我想做嘅Artist。」Edan表示如今工作能支持自己的生活，擁有擁有夢寐以求的東西，但卻愈來愈迷惘，亦沒有特別感到開心，這或許是入行7年不自覺累積下來的壓力。

Edan強調這次直播是為了爵屎而開

 
關於緋聞部分，Edan亦在直播中直白地說：「佢係一個好好嘅女仔、佢係我身邊重要嘅人，我性格唔希望見到呢啲，同埋我覺得同你哋講咗，同你哋無呢個誤會，以後出面點講，我都唔需要再講咩，我淨係care我想care嘅人。」Edan透露其實收到不少DM用十分難聽的字眼罵林明禎，更澄清新歌歌詞實際上是由Wyman負責。

MV圖片

新歌《天天都是愚人節》由Edan親自作曲、Wyman填詞。

早前被指一提女友即不悅兼指傳媒黑心，Edan解釋：「我係公眾人物我理解，要有啲嘢畀人講下，你問我會盡量配合，但如果係一啲網民講嘅嘢，你寫然後標題，你又要我去回應，但真係唔係嗰回事，我都唔知點去處理。我都發覺其實無辦法，我唔想再被呢啲嘢影響。同埋最奇怪、棘嗰個位係平時採訪大家都關係好、會講笑、影相簽名，但返到去點解新聞會咁寫？我明白係好juicy，好多人想問、想講，但我一直覺得感情唔需要講咩，我都28歲人，鍾意人有咩問題？就算我媽媽問我，以前中學問我有無鍾意啲咩女仔，我都唔會講。」