翠如率先幫BB逗定利是。
蛇年將至，新一年預祝大家甜甜蜜蜜！荷里活廣場首次與深受大人與小朋友喜愛的Sesame Street及LINE FRIENDS破天荒於香港首次聯乘，由2025年1月10日至2月16日，打造全港首個「Sesame Street x LINE FRIENDS at Plaza Hollywood新春甜蜜派對」，與您開心迎佳節！一眾Sesame Street及LINE FRIENDS人氣角色，包括Elmo、Cookie Monster、Big Bird、BROWN、CONY及SALLY，搖身一變換上新春可愛造型，與大家展開甜蜜新春派對！現場更設有6米高Elmo 及Brown「盤滿缽滿糖果滑梯」，讓您感受由高空滑落的刺激快感！另一亮點「財源滾滾氹氹轉」打卡位，則寓意新一年「轉」出財源滾滾的運氣！
今年將榮升幸福的準媽媽黃翠如（Priscilla）較早前已透露BB將於蛇年出世，向來活潑喜歡四圍去的翠如，即使陀B亦無阻外出參與活動！臨近新年，今日翠如率先出席Sesame Street x LINE FRIENDS at Plaza Hollywood新春甜蜜派對主題活動，自帶粉紅光芒的孕媽媽翠如一到場就急不及待地搵同樣貪玩的Cookie Monster和SALLY於旋轉木馬打卡位合照。一見到裝置上佈滿著色彩繽紛的可口甜點，翠如即時笑指好肚餓：「自從有咗BB之後胃口真係好好，特別係對甜嘢無晒抵抗力。呢到除咗粉紅色夠曬新年氣氛之外，仲加咗好多甜品嘅打卡位，又有甜甜圈又有馬卡龍，實在太吸引啦！大家都記得帶埋小朋友嚟同咁靚嘅新年裝置打卡。」
翠如陀住B都努力工作
翠如與老公即將迎來公佈陀B後的首個農曆新年，問到是否已安排好工作或拜年計劃，素來出名慳家的翠如即刻笑指自己要努力搵奶粉錢之餘，更要率先幫BB逗定利是！「BB未出世已經有好多哥哥姐姐錫啦，所以今個新年都會抽多啲時間見吓屋企人同埋同朋友，盡量都想抱着輕鬆心情，所以會安排適量工作、適量休息！」早前被網民譽為「最美孕婦」的翠如就仍然保持到極佳狀態視人，被問到是否擔心新年會破戒食太多甜品？她即時甜蜜大讚家中的「特別看護」：「屋企有個專責人才照顧起居飲食，確保我飲食同埋營養均衡。都無話一定要戒口戒到好清，其實都好睇個人情況，最緊要開心健康！」人緣極佳的她更指一早已經向定身邊幾位星級媽媽好友取經，相信BB一出世一定集萬千寵愛於一身！
笑指自己要努力搵奶粉錢
她指唔怕新年多吃甜品，大讚家中有個「特別看護」
她更指一早已經向定身邊幾位星級媽媽好友取經
