林景程與好友慶祝奪獎意外變成「最佳男西己角」

娛圈事

林景程與好友慶祝奪獎意外變成「最佳男西己角」

2025年02月08日 17:00 最後更新：18:53

令人哭笑不得

藝人林景程在《萬千星輝頒獎典禮2024》憑《反黑英雄》首奪「最佳男配角」獎，近日景程在社交平台貼出多張合照，與好友林秀怡、蘇恩磁、前監製潘嘉德和魯振順等人慶祝奪獎。

點擊看圖輯

林景程在《萬千星輝頒獎典禮2024》憑《反黑英雄》首奪「最佳男配角」獎（本網記者攝）

林景程值得一個獎項。

與好友林秀怡、蘇恩磁、前監製潘嘉德和魯振順等人慶祝奪獎

好開心！

等比例長大

寫上「最佳男西己角景程哥」

睇嚟好鍾意

相中可見眾人預備的蛋糕牌上寫上「最佳男西己角景程哥」，令人哭笑不得，景程笑言：「好想見吓寫牌嘅員工，一定係一個好幽默嘅人。」  雖然「最佳男配角」變成「最佳男西己角」景程卻表示很喜歡這個新花名：「開年飯有蛋糕食，多謝晒❤，男西己角多謝大家?#男西己角#好鍾意呢個朵#好有獨特性#我懷疑佢原本想寫最佳男西?#題外話蛋糕好好味#開年飯有利是逗#有蛋糕食#有新綽號#感覺開左個好頭??今年大家一齊加油❤同埋要健健康康」

往下看更多文章

TVB頒獎典禮2024｜傅嘉莉自爆曾疑患抑鬱症林景程由頭到尾都未諗過自己會攞獎

傅嘉莉表示自己本身就好鍾意林景程，所以見到佢攞獎都忍唔住企曬起身恭喜佢。

無綫一年一度盛事《萬千星輝頒獎典禮2024》於今晚（1月19日）假澳門上葡京綜合度假村—上葡京綜藝館舉行。「最佳女配角」以及「最佳男配角」由傅嘉莉與林景程憑《反黑英雄》奪得。林景程表示其實完全唔相信呢個情況會出現在自己身上，所以反應唔到：「而且我上到台都未反應過嚟，好夢幻呢件事，依家先反應過嚟，真係好重！」他透露其實自己由頭到尾都未諗過自己會攞獎，當時入圍十強都已經覺得好榮幸，五強都完全冇諗過：「所以唔好話攞獎，個個都係好犀利嘅前輩，我都係個一句，我係受之有愧，但我都會努力令我對得住呢個獎。」

傅嘉莉表示自己本身就好鍾意林景程，所以見到佢攞獎都忍唔住企曬起身恭喜佢：「今年其實我對於自己攞獎係冇乜信心嘅，我本身自己好鍾意《黑色月光》，都好鍾意卓娜同翠如嘅表演，至於入咗五強係對屋企人嘅一個交代，所以當聽到係我自己個名嘅時候，我係會呆咗，其實我覺得我嘅感言講得唔係幾好，但每一句都係真心嘅，都係好多謝公司俾呢個肯定我。」

林景程直言作為演員都會經常想放棄，因為總覺得自己唔知點樣做突破，驚演落去都係咁，所以都好多謝公司俾咁多機會自己，令他有更加多衝破自己的極限！傅嘉莉表示自己也有這種情況：「其實我覺得我有一段時間係有抑鬱症嘅，因為我唔鍾意照鏡、化妝甚至係自拍，而且我都發現公司嘅角色唔係咁多，其實我係咪唔適合做演員呢。」但後面逐漸嘗試了很多不同的角色，令她逐漸恢復信心。她直言當時的自己差點就想放棄生命，好唔鍾意自己，因為太在意自己事業，當事業沒有的時候就會覺得自己沒有了人生，所以好多謝佳哥好似醫生一樣救了她，講起早前貓貓過世，她忍不住落淚並直言：「如果我將來有囡囡，我好希望個嗰就係佢！」