無綫公布翡翠台上周收視。
無綫公布上周（10日至16日）收視，根據CSM媒介研究及YOUBORA收視資料數據顯示，資訊節目《東張西望》跨平台直播收視最高24.4點（158萬觀眾），成上周收視冠軍；處境劇《愛‧回家之開心速遞》最高收視20.6點（134萬觀眾）；周嘉洛、陳瀅、朱敏瀚及JW王灝兒主演劇集《馬百良安宮牛黃丸呈獻︰痞子無間道》上周首播，最高收視19.5點（126萬觀眾）；外購劇《太陽星辰》最高收視16.1點（104萬觀眾）；森美主持全新辯論形式綜藝節目《今晚乜都拗》上周首播，最高收視14.1點（92萬觀眾）。
《中年好聲音3》22.4點。
穩坐周末最高收視節目。
周六晚《中國建設銀行（亞洲）呈獻︰聲生不息‧大灣區季》最高收視16.4點（106萬觀眾）；周日晚播映《香港歐化飛鷹活絡油呈獻︰中年好聲音3》最高收視22.4點（145萬觀眾）成周末節目收視冠軍。昨晚比賽進入24強搶分戰上回合，劉洋以97高分與上一輪獲同樣分數的陳芷盈平起平坐，而不幸被淘汰的參賽者分別為林立峰及宗倩如；阮兆祥、梅小惠、江欣燕主持訪談節目《友乜唔講得》，今集請來黃百鳴、陳欣健擔任嘉賓，大爆周星馳秘史，最高收視17.7點（114萬觀眾），為播映以來收視最高一集。
《東張西望》24.4點收視。
《愛‧回家之開心速遞》
在TVB處境劇《愛·回家之開心速遞》中飾演「書蟲」的33歲無綫男藝人林浩文，今日（3月20日）在IG宣布離巢，正式結束與公司的賓主關係。
林浩文宣布離開無綫。
現年32歲的林浩文於2017年入讀第29期無綫電視藝員訓練班，以《愛．回家之開心速遞》「書蟲」一角最為人熟悉。
林浩文感謝公司曾經帶來的所有，讓他學習到一生受用的技能：「呢7年半亦有好多貴人幫助同比機會呢位小朋友，而呢位小朋友亦衷心感激曾經幫助過佢嘅人，雖然佢好少掛係口邊，但佢默默記住曾經幫過佢嘅人。」他感慨地表示：「去一個充滿問號嘅環境，佢唔知將來會好會壞...但經歷過嘅所有嘢都會放在心中，佢好希望有機會再同大家喺一個更好嘅時光再相遇。」
去年他自爆趁空檔時兼職做的士司機。
但指拍劇永遠是他的首選，希望演藝事業可以一直做到老。
林浩文IG全文：
係2006年有一位小朋友冇夢想冇目標，只係識得係屋企打機🎮，
但一次機緣之下比佢接觸左舞蹈，當時佢亦都冇諗過要有任何目標，只係純粹鐘意跳舞，但命運就係咁，冥冥中總有安排。
佢一直有好多貴人教佢比機會佢，慢慢係佢17歲果年迎來第一次在TVB表演嘅機會，佢拼盡全力去練習，唔想白費呢次機會，而佢嘅努力冇白費到，好順利咁完成表演，亦帶來第二次…第三次…甚至更多機會，而佢不知不覺係TVB愉快咁渡過3年，係呢3年亦學習到好多技巧，但如此同時呢3年所學習嘅技巧原來係為咗將來嘅一個轉變，而呢個轉變就係要去一個更大舞台，而佢呢次要挑戰嘅係有「舞台王者」之稱嘅郭富城演唱會。
而佢得到呢個機會，佢比之前更努力更用心，亦成功站穩陣腳，亦開始在演唱會呢個大舞台發光發亮，直到2017年某一日係佢耳邊有把聲音同佢講，不如試吓演戲，去報藝員訓練班啦。
佢相信呢個聲音立即填表提交，好幸運地又一次再返TVB呢個大家庭，但今次嘅身份唔再係舞蹈員，而係演員。
以前佢以為演戲係一件容易嘅事，入訓練班用返以前學過嘅嘢就搞掂啦，但入左訓練班後先發現，原來曾經所學嘅技巧好似全部都用唔到，但又唔係完全用唔到，所以佢不斷去跟身邊不同嘅人學習，希望能夠好似以前咁做每一件事都充滿信心揮灑自如，而係呢個過程中佢亦學識唔好自滿。
而不知不覺又已經過左7年半了，呢7年半亦有好多貴人幫助同比機會呢位小朋友，而呢位小朋友亦衷心感激曾經幫助過佢嘅人，雖然佢好少掛係口邊，但佢默默記住曾經幫過佢嘅人。🙏🏻🙇🏼♂️
命運又一次要佢轉變啦！去一個充滿❓嘅環境，佢唔知將來會好會壞…但經歷過嘅所有野都會放在心中，佢好希望有機會再同大家係一個更好嘅時光再相遇。
再見TVB，再見我嘅貴人們，我哋江湖見👋🏼🔥。
未來一定會更好！
