江信熹23歲生日音樂會甜蜜冧粉 兄弟團助陣做嘉賓

生日快樂！

2月19日是江信熹23歲生日，23日他在香港舉辦了首個個人音樂會，好兄弟丁子朗、區珀豪及方玉亨為他做嘉賓，而同為《亞洲超星團》的好友黃星綽及張鎬濂亦為座上客。活動開始後江信熹在一眾粉絲的歡呼聲中帥氣登場，他馬上為大家帶來一首《月半小夜曲》揭開音樂會的序幕。

帥氣登場

為大家帶來一首《月半小夜曲》揭開音樂會的序幕

台下粉絲好熱情

唱完第一首歌後，江信熹與在場的粉絲一起玩二選一的遊戲，令場面非常熱鬧。隨後三位好兄弟輪流登場獻唱帶動在場氣氛，待江信熹換裝後，他再次在粉絲的歡呼聲中登場，藍白色的運動裝顯得他更有青春活力。

江信熹與在場的粉絲一起玩二選一的遊戲

以藍白色的運動裝登場

其餘兄弟助陣支持

其餘兄弟助陣支持

其餘兄弟助陣支持

當然唔少得合唱

江信熹在一班朋友的陪同下觀賞粉絲為他製作的影片，看完後他表示非常感動：「呢條片係記錄咗我從練習生到依家嘅一個路程，我真係好多謝大家一直陪住我，無論係通過BOYHOOD出道定係我嘅亞洲超星團出道認識我都好，都好感動，多謝大家選擇咗我，多謝你哋。」江信熹說完後就為大家帶來一首甜蜜情歌《反對無效》，令在場粉絲都馬上「冧爆」。

丁子朗唱得投入

丁子朗獻唱

為大家帶來一首甜蜜情歌《反對無效》

看完影片後他表示非常感動

有粉絲送上鮮花

唱完歌他邀請到好兄弟丁子朗、區珀豪、方玉亨、黃星綽及張鎬濂上台玩遊戲，結果分組後江信熹以「一打五」輸了估歌仔比賽，需要「可愛五連拍」，最後一眾兄弟在最後一拍時陪他一起擺出誘人的pose，令全場粉絲尖叫聲連連。隨著他唱出最後一首歌曲後，音樂會就此結束。之後就是他與粉絲的互動時間，在場粉絲逐一上台與他展開甜蜜的互動，大家都帶著開心和興奮離開。

好兄弟丁子朗、區珀豪、方玉亨、黃星綽及張鎬濂上台玩遊戲

江信熹以「一打五」輸了估歌仔比賽

最後一眾兄弟在最後一拍時陪他一起擺出誘人的pose

「腳柏妍」並非浪得虛名！

由文偉鴻Jazz監製、梁恩東及湯健萍編審的全新動作懸疑劇《大灣區航空亞洲航線呈獻：奪命提示》，逢周一至周五晚八點半翡翠台播映。主要演員有陳山聰、張振朗、劉佩玥、劉穎鏇（Tiffany）、丁子朗、郭柏妍、林子善、呂珊、樊奕敏、區明妙等。

郭柏妍一出場即引發熱討。

留意吓Rosita個樣勁有童真。

可以同小朋友鬥可愛。

《奪命提示》昨晚（3月20日）一集有新個案展開，「鋸腳狂魔個案」隨著Big Boss黃子恆身亡正式落幕，郭柏飛（陳山聰飾）及姜姐（劉佩玥飾）再緊接著手調查兒童院兒童離奇失蹤事件，之前「喊出彩虹」的俊朗（張振朗飾）契女子瑜（鍾嘉佑飾）亦牽涉其中。事件起源是疑似患了夢遊的方予安（何珀廉飾），某日離奇失蹤，而涉嫌與事件有關的分別有娟姨（楊卓娜飾）、奕希（鄧智堅飾）、飾演保安的「御用壞人」程浩駿，以及飾演看護的曾文心…

Rosita為咗呢場戲專誠學魔術，好有誠意。

Rosita尋晚同丁丁玩直播，表情多多。

網民爭辯最新個案Big Boss誰屬
出名演技超卓的娜姐，在《奪命》的演出隨著早前反差值極高的老妝曝光而備受關注，而娜姐一出場，的確有不少網民未能第一眼認出本尊，有網民留言：「聯想唔到平時好索嘅樣」。而娜姐今次的演出亦沒有令大家失望，配合劇組精心選取的拍攝角度及光暗打造，娜姐每個大頭都突顯了角色的神經質、閃縮、詭異及恐怖感，每個神情都恍如演技教科書，加上娜姐經常袋著一大堆朱古力奶鬼鬼祟祟，劇情又講到她之前有個叫強仔的兒子，令網民對她是否個案Big Boss爭辯不休：「職員甲乙丙丁，卡士竟然有卓娜和堅叔咁大卡士，呢兩個最有可疑」、「通常咁明顯嘅都唔係兇手」、「講得突破，可能娜姐真係兇手」、「會唔會同佢個仔強仔有關」。無綫官方社交網今午曝光搶先看預告片，只見成頭血的娜姐，神色恐怖地慢步而行，並以極逼迫的狀態挨向兩名表現慌張的小朋友…

楊卓娜啲close up表情真係一流。

另外小演員何珀廉演技都好好。

另一位飾演雯雯嘅小演員周珈慜演技都係好好，唔怪之得丁丁都嗌投降。

Cutie樣逐格睇！郭柏妍為氹小朋友專誠學魔術
昨晚另一焦點，是網民期待已久的郭柏妍終於出場！飾演警隊中兒童心理學專家商雙的郭柏妍（Rosita），一出場已吸引網民洗版式討論，網民大讚身穿白色OL套裝的Rosita相當靚女、指短裙套裝突顯了Rosita一雙修長美腿，笑言「腳柏妍」果然並非浪得虛名。Rosita為了慶祝自己飾演的商雙正式登場，昨晚專誠開live與劇迷互動，還邀請了同樣是昨晚首度登場的丁子朗齊齊chat。由於商雙熟悉兒童心理，故Rosita在今次這個新單元中與小演員有大量對手戲；對此Rosita相當難忘，除透露事前有為氹小朋友場口專誠學魔術、還開心share與小演員的相處搞笑日常：「啲童星真係超可愛。」丁丁則搭嗲大讚小演員很好戲：「佢哋做戲超級勁，啲喊戲一嚟就喊到，我都自愧不如。」

楊卓娜、鄧智堅、程浩駿、曾文心到底誰是真兇？

鄧智堅

程浩駿

曾文心

丁丁同娜姐有唔少對手戲。

丁丁郭柏妍再度合體演「鬧交CP」
繼《下流上車族》再度合體演CP的Rosita與丁丁，透露二人是次飾演的是「鬧交CP」，Rosita笑言最難忘是在西貢碼頭追住丁丁係咁鬧：「我記得我係咁一輪嘴係咁鬧，嗰場我唔想NG，因為嗰日好凍。」Rosita續指《奪命》令她成功克服了對超長對白的恐懼，並搞笑承諾會繼續進步：「我會努力，我唔想再拖大家後腿」。Rosita又應網民要求預告在劇中最喜歡造型：「我最鍾意女僕造型，其實個個造型我都鍾意，我記得仲有伴娘同泳衣造型。女僕造型嗰套衫我記得試咗好多次，淨係頭箍都試咗五、六個，套衫亦都修改咗好多次。」又預告將在劇中再獻魔音及與劉穎鏇齊齊跳舞，令人期待。

昨晚一集與楊卓娜有對手戲的丁丁，則預告今晚將有一場相當精彩的天台對峙戲：「嗰場戲真係喺天台度拍，地下好多渠；場口有齊動作、對白同追逐，我記得我仲要單手扶住幅牆飛出個天台，都幾高難度。」並預告今晚與娜姐將有一場真情流「淚」的場口：「本身嗰場戲冇話要喊，但因為對白好感動，我做到一半要抖大氣。」

其中就係丁丁提及嘅天台戲。

同埋應該係忍唔住流出真眼淚嘅相關場口。