奪命提示｜劉佩玥瞬間轉換5大「反差情緒」 網民讚微表情豐富

《大灣區航空亞洲航線呈獻：奪命提示》昨晚（4月1日）一集「五大乾屍奇案」再有新進展，經過柏飛（陳山聰飾）及姜姐（劉佩玥飾）深入調查，五具乾屍分別來自三個家庭，每個家庭組合都有一名成員有患癌迹象，其中一名患癌死者與野人（關曜㒞飾）是夫妻關係。五名死者先後於五、六年前離世，並於死後被盜用身份開健康食品公司。由於事有蹺蹊，柏飛姜姐與俊朗（張振朗飾）嘉莉（劉穎鏇飾）兵分兩路潛入該公司做臥底，前者扮夫妻後者扮Sales，裏應外合。幾經波折，四人查得該公司設有靈修營及復生儀式，並由身份尊貴又神秘的「老師」主持，今晚播出的最新一集，山聰與Moon將出盡板斧爭取靈修營入場資格！

觀看相關影片按連結：https://youtu.be/ijRyYiZqdFA

昨晚一集完全是阿Moon晒冷演技之夜，皆因她在同一集中，先後演繹了「巴渣惡女」、「怨念呷醋」、「體弱氣虛」、「偽‧傷心」及「機警霸氣」等多重情緒；尤其因為要避過健康公司高層孟鏡波（林景程飾）的懷疑，阿Moon經常要展現「反差情緒」，呢頭對著山聰氣若游絲、喊苦喊忽玩自責，下一秒已切換至霸氣Tone以凌厲眼神掃射現場環境攞線索！

阿Moon「怨念式呷醋」。

阿Moon「怨念式呷醋」。

阿Moon「怨念式呷醋」。

再嚟係咆哮Moon。

迷茫Moon

虛弱Moon

機警Moon與機警聰

機警Moon與機警聰

呢幾格微表情變化，係咪得先？

呢幾格微表情變化，係咪得先？

呢幾格微表情變化，係咪得先？

呢幾格微表情變化，係咪得先？

呢幾格微表情變化，係咪得先？

由於受到孟鏡波監視，Moon需多次反覆轉換以上相關情緒，相當考演技。難得Moon不但自然地演繹及轉換表情反差萌，就連大細聲轉換亦遊刃有餘，配合已獲視帝認證的山聰的神配合，成功將劇情推向高潮，網民更留言大讚阿Moon微表情勁有戲：「Moon今集真係七情上面，好戲」、「Moon 好多微表情，跟山聰鬥戲。」

山聰好戲唔使講。

呢幕雖然係戲中戲嘅喊戲，但Moon依然認真對待，仲喊到楚楚可憐咁。

呢幕雖然係戲中戲嘅喊戲，但Moon依然認真對待，仲喊到楚楚可憐咁。

呢幕雖然係戲中戲嘅喊戲，但Moon依然認真對待，仲喊到楚楚可憐咁。

呢幕雖然係戲中戲嘅喊戲，但Moon依然認真對待，仲喊到楚楚可憐咁。

呢Pair CP網民都好支持。

呢Pair CP網民都好支持。

呢Pair CP網民都好支持。

呢Pair CP網民都好支持。

林景程個樣衰到哩！

林景程個樣衰到哩！

林景程個樣衰到哩！

由文偉鴻Jazz監製、梁恩東及湯健萍編審的動作懸疑劇《大灣區航空亞洲航線呈獻：奪命提示》，逢周一至周五晚八點半翡翠台播映。主要演員有陳山聰、張振朗、劉佩玥（Moon）、劉穎鏇（Tiffany）、丁子朗、郭柏妍、林子善、呂珊、樊奕敏、區明妙等。

昨晚（4月3日）一集，牽涉邪教的「五大乾屍奇案」正式落幕！經過一輪混戰，俊朗（張振朗飾）及嘉莉（劉穎鏇飾）將案件Big Boss、靈修營主腦「老師」卞經海（許俊豪飾）緝拿歸案。原來卞經海之所以如此嗜血兼殺人如麻，全因背後有段悲慘的成長故事。經海哥哥是嚴重地中海貧血症患者，經海父母不但長期要經海輸血救哥哥，甚至向他苛索腎臟…經海最終因長期飽受心靈創傷走火入魔…

是次許俊豪（Lincoln）的角色有三大記憶點，第一是帶點「冼樸」Feel的斯文敗類造型、第二是超長的海量對白、第三是昨晚口供房的超大情緒起伏場口。場口中，一直自視甚高的經海，原本還滔滔不絕發表「殺人偉論」，眼神滿是殺氣＋邪氣；但隨著俊朗將經海悲慘過去一一攤出，經海的情緒亦出現極大變化，先是生氣得咬牙切齒、不斷發抖，及後出現幻覺將俊朗及嘉莉當作是生父生母、歇斯底里對著二人指罵，更一度因太激動失禁...失禁過後，原本張牙舞爪的經海恍如洩了氣的汽球攤坐在椅子上，痛哭得像個無助的孩子…談到相關場口，Lincoln接受TVB.COM訪問時，坦言是演技上一大挑戰：「因為要同一時間演繹高傲失控，仲要一下子個勢要由盛轉衰，真係一個大挑戰嚟。」

除了情緒極速轉折，Lincoln指劇中海量的Solo講對白場口，也是極富挑戰性！「我第一次收到劇本時好激動、又有少少緊張，因為真係太多對白要講。我記得有一日同場有30-40個演員，大概拍咗6-7場戲左右，當時我一個大頭都未拍；去到臨收工凌晨四、五點，大家都收晒工，現場得番我同監製同埋一部Cam，我就要一輪嘴對住部Cam，講晒嗰6-7場嘅洗腦對白出嚟，嗰堆對白大概6-7頁紙度，好彩我最後15分鐘內完成咗所有大頭拍攝，真係好好玩，好大挑戰性！」

是次是Lincoln繼《愛上我的衰神》後，再度飾演變態殺人狂，但觀眾依然十分受落，並封Lincoln為顏值高企的「變態殺人狂」專業戶！談到再演變態佬，為了配合角色兼帶出新鮮感，Lincoln刻意在眼神及語氣設計上加了少許變化：「卞經海個角色係仇視一切嘅，所以講嘢語氣同眼神個殺氣都會勁啲。」為了增加記憶點，他還為角色加入了「撻手指」這個小動作。Lincoln又謂十分感激監製為他設計了這個相當有新鮮感的造型。「好多同事第一眼大家認唔出我，我差唔多十年冇剪過咁短頭髮，可以畀觀眾見到唔同形象，我係開心嘅。」Lincoln還指這次是他第一次開真槍！

另因澎湃胸肌備受關注的丁子朗，昨晚力抗壞人勇救商雙（郭柏妍飾）一幕，除了超凸出胸肌再次搶焦，條理分明的背肌、超級發達的麒麟臂，以及靈活敏捷的拳腳功夫，亦是一大亮點！其中一幕單靠腰力及臂力爬鐵鍊的動作，更是直達「體能之巔」。對此，丁丁接受TVB.COM訪問時，坦 言難度很高：「爬鐵鍊個位真係好難，情況類似手臂做緊引體上升，條腰就做緊凌空Sit Up，真係體能大挑戰。」丁丁又坦言事前有專誠為場口努力操肌：「嗰時嘅手臂都真係幾大隻吓。」