15歲仔首去日本稱「打敗99.9%中學生」家長疑睇唔明潮語狂數仔女威水史

近日有一名15歲的中學生在網上發文，指「人生第一（次）去日本，打敗99.9%香港中學生」，但一句說話卻引來不少家長的誤會，以為他在炫耀自己年紀紀細細，就可以去日本旅行，紛紛留言嘲諷。

網上圖片

遭家長評擊並數列仔女威水史

該名中學生日前在Threads發文分享可以搭飛機去日本大阪旅行的喜悅，更附上登機前的照片，他在帖文寫到「15歲人生第一（次）去日本，打敗99.9%香港中學生」。沒想到這句說話竟然惹來不少家長網民的評擊，認為他在炫耀，又不知當下幾多人的仔女，年紀細細已周遊列國，紛紛數出自家仔女的「威水史」，「我個仔1歲生日嗰日起程同我哋一家去咗歐遊」、「我6歲已經去，你咩料」、「有幾勁？我個仔未滿月已經去咗15次日本，年輕人做人要謙虛啲」、「我9歲自己1個人搭飛機去台灣，咁樣可以打敗幾多人呀？當年係1989年」、「好明顯係99.9%香港中學生打敗你啦，睇你個樣應該人哋連快1個鐘都唔X知」。

threads 圖片

網民批評家長：好心連潮語都唔識

有網民睇不過眼出聲力撐中學生，「成班中年阿叔阿嬸喺度跑出嚟認叻認屁……打敗99.9%中學生一定係鬥早㗎咩？唔可以鬥遲嘅？人哋有講打敗邊方面咩？」、「成班人要贏一個15歲嘅細路做乜X？」、「見到嗰班香港80後70後家長喺度獻醜，好心連潮語都唔識」、「一句咁輕鬆嘅說話竟然演變成咁，亦好睇到成人好多時唔明白年青人嘅表達模式同真正諗法！」、「作為一個成年人，見到啲不知所謂冇教養嘅成年人嘅留言，實在令人慚愧」。

threads 圖片

樓主留言解釋：明白大家難免會get錯的

該名中學生落機後，驚見自己的帖文成為網上熱帖，更惹來各網友的爭議，他連忙留言解畫，指自己由細到大，身邊有很多朋友去過日本，但自己要等到15歲才第一次去，「所以先話自己係少數咁大個都未去過日本」。他表示「明白大家難免會get錯的」，並希望大家能夠冷靜，「和平相處，唔好嗌交」，「同時亦感謝所有明白同幫我解釋嘅朋友們」。 

大阪通天閣。資料圖片

網民大讚樓主EQ高夠成熟

其後不少網民都留言，叫該名中學生玩得開心點，「食多啲拉麵，玩得開心啲！」、「enjoy日本！試多啲便利店嘅嘢食」、「好好體驗自己獨特日本旅程」，更讚賞他「唔會逐個留言去反駁，又唔會因為有人幫佢講說話而得理不饒人，迅速收拾心情去enjoy個trip，EQ真係幾高同幾成熟」，「po主15歲EQ高過成串啲成年人」、「厲害，面對咁多toxic comment仲可以咁大方，家教同品格方面係真真正正打敗99.9%嘅人」。

在手機同網絡尚未普及的年代，寫信、郵寄明信片還是普遍且平常的事，戀人也好，老友也好，外出旅遊少不了要買一張當地的明信片，山長水遠穿越大半個地球，寄到令自己掛念的人手中。

網上圖片

近日，一封寄錯地址的明信片，輾轉13年後在網友的幫助下，竟然成功尋回原主人。明信片上記載的是本港3位中學女生的青春歲月，一封遲到的明信片，不僅讓幾位女生重拾青春回憶，也令一眾齊心協力尋人的網友感慨萬千。

有網友近日在社交平台Threads發文尋人，她表示，13年前家中收到一封寄錯的明信片，然而因為明信片上並無回郵地址，事主無法將其轉寄給收信人。該網友指，過去多年間，她嘗試在Facebook上尋找收件人，不過始終未能如願。近日她在家中整理雜物，再次發現這張明信片，抱著再試一試的態度，她希望能借著Threads的力量，幫明信片找回主人。

網上圖片

據網友分享的相片可見，這張明信片於13年前8月從美國加州卡斯特羅谷寄出，收信人是Jody，明信片的圖案是位於加州的Hearst Castle，而明信片的背面記載了三位中學女生暑假的點滴， 寄出明信片的女生寫到：「我都想試下成日去朋友屋企同佢做功課温書 ！咁會開心好多：）」該女生又與朋友分課自己的旅途見聞：「POSTCARD後面嗰個係Hearst Castle」，文字間一群學生好友的暑期生活畫面躍然紙上。

網上圖片

尋人啟事曝光後，網友群策群力發動各種力量開始尋人，令人意外的是，發文後不久，明信片失主的友人便見到貼文，並終於成功找到明信片的真正收件人Jody，而Jody亦現身並留言：「事主喺度，唔該晒，多謝你keep住啊樓主！」她有廣大網友一起回憶青春：當時應該是「中五升中六」的暑假，談到自己為何嚮往到同學家中做功課「暑假去人屋企抄功課是必須的」，Jody並在帖中標注了明信片中提到的另外幾位好友，大家一起在網上回憶往昔。

這段跨越13年的明信片奇緣引起網友熱議，不少人感歎：「Threads真係好勁，真係搵到事主，恭喜事主搵返一樣珍貴嘅回憶。」