金像獎2025丨蘇文濤先拔頭籌憑《爸爸》奪最佳新演員 梁朝偉手上領獎感意義非凡

第43屆香港電影金像獎於今日（4月27日）假尖沙咀文化中心舉行，由蘇文濤（Dylan）先拔頭籌，憑《爸爸》奪得最佳新演員，並由梁朝偉負責頒獎。

蘇文濤憑《爸爸》奪得最佳新演員。

最佳新演員由梁朝偉負責頒獎。

蘇文濤上台後表示對得獎感到好突然，「多謝梁朝偉先生頒獎畀我，多謝金像獎，多謝爹吔媽咪，我屋企人、我愛你哋，多謝翁子光導演，夠膽用一個無做過戲嘅素人，多謝監製同幕後工作人員，當我喺片場唔知自己做乜嘅時候， 撩我傾偈，同埋喺片場陪我玩，等我更加能夠融入其中，最後要多謝片入面嘅父母、妹妹，多謝戲入面嘅全家，多謝所有入圍最佳新演員嘅人，因為你哋令到個獎更加有價值。」

ViuTV截圖

在後台被英國觀眾問到希望下次希望飾演哪一類型的角色？蘇文濤表示：「我好想做一個好有校園生活嘅一個中學生，自己開心嘅一個校園生活嘅中學生，因為係我中學生涯入面，差唔多三年幾四年都係被疫情籠罩住，要戴著個口罩、返學返半日，有好多活動都cancel咗，六年得一次啲一啲訓練人都變咗做day camp，呢啲訓練其實最開心唔係玩、唔係日頭嘅活動，而係夜晚大家聚喺一齊，但就係連呢啲都冇咗，所以我覺得成個中學失去咗好多嘢，所以如果可以希望有個咁嘅角色畀我彌補返過去嘅人生經歷。」

本網記者攝

提到在梁朝偉手上領獎，蘇文濤直言：「超級意義非凡！超級沉重啊！因為佢播完首歌就無啦啦上咗嚟，即係我係成個人仲呆緊呢，跟住就成件事太快呀，消化唔切啊我到而家都，但就係好開心，喺佢手上面攞到，更加意義非凡，因為由細睇到大啊嘛梁朝偉。」

ViuTV截圖

本網記者攝

關注一下過去24小時娛圈事Top 5熱話。

金像獎2025丨完整得獎名單 《九龍城寨之圍城》成大贏 《爸爸》「一家三口」齊奪獎

第43屆香港電影金像獎於今日（4月27日）假尖沙咀文化中心舉行，完整提名名單已於2月中公布，當中《破．地獄》入圍18項提名成大贏家，許冠文和衛詩雅入圍爭影帝影后，可惜黃子華失落提名；而《九龍城寨之圍城》則有14項提名，林峯首次入圍角逐影帝，古天樂及伍允龍就入圍最男配角。

▼詳情點擊圖片查看或按連結

謝霆鋒演唱會2025｜第三場演出繼續「星光熠熠」 兩子首現身進化現場

謝霆鋒《進化》演唱會昨晚（4月26日）迎來第三場演出，現場不僅延續前兩日的超燃能量，更迎來最溫馨的「家庭應援團」！除母親狄波拉（拉姑）連續三晚坐鎮觀眾席，謝霆鋒與前妻張栢芝所生的兩位兒子Lucas與Quintus更首度公開現身支持爸爸！

▼詳情點擊圖片查看或按連結

金像獎2025丨盧慧敏透視大露背現身紅地氈 楊偲泳露腰谷祖琳低胸騷好身材

第43屆香港電影金像獎於今日（4月27日）假尖沙咀文化中心舉行，紅地氈環節於下午4時半開始，一眾出席的出席的影星先在紅地毯爭妍鬥麗一番，當中盧慧敏（Amy）以一身透視大露背搶鏡；楊偲泳則以啡色貼身露腰長裙上陣，大晒玲瓏浮凸好身材；而谷祖琳就低胸性感登場，非常吸睛！

▼詳情點擊圖片查看或按連結

金像獎2025丨衛詩雅憑《破．地獄》奪最佳女主角 劉青雲憑《爸爸》第四度榮獲影帝殊榮

第43屆香港電影金像獎於今日（4月27日）假尖沙咀文化中心舉行，最佳女主角由衛詩雅（Michelle）憑《破．地獄》奪得，而最佳男主角則由劉青雲憑《爸爸》奪得，今次是他第四次奪得影帝殊榮！至於最佳導演及最佳電影就由鄭保瑞及其執導的《九龍城寨之圍城》奪得！

▼詳情點擊圖片查看或按連結

金像獎2025丨孖Ian齊「低胸」現身紅地氈 許恩怡中門大開自爆冇問準爸爸

《第43屆香港電影金像獎於今日（4月27日）假尖沙咀文化中心舉行，紅地氈環節於下午4時半開始，MIRROR成員Ian陳卓賢及柏安妮女兒許恩怡（Natalie）齊齊以「低胸」現身紅地氈。

▼詳情點擊圖片查看或按連結