周汶錡（Kathy）為品牌拍攝秋冬新裝，透露早前帶同長子Jacques返法國逗留三星期，五個月大幼子Avner未有同行，其後她跟老公到峇里參與朋友的婚禮，享受幾日二人世界，笑謂當作放假不會太掛住兒子：「幼子依家肥嘟嘟好得意，之前幫他剃了頭，他開始有啲反應會幾開心嘅。」
Kathy指跟Jacques到法國後也不捨得返來，更考慮與老公商量留在當地，因為覺得法國環境適合小朋友成長：「大仔去到好開心，一出地係草地就可以踩單車，無拘無束，呢種感覺我都感受到。但都會考慮下，不過我會唔捨得香港，等他大個啲先。」
網上圖片
網上圖片
