曾有過大膽演出的郭奕芯（Ashina）於新戲中收起性感，她認為是次的演出很有挑戰性，並指：「至少做鬼后挑戰性大啲，女星只要有身材個個都脫得啦，唔會有難度喎！」
Ashina於新戲中收起性感
曾於電影《同班同學》中有裸露鏡頭的Ashina，於新片《鬼網》中收起性感，唔做艷星做鬼后，今次不再賣弄身材，反而要挑戰演技，對Ashina嚟講很有挑戰性：「唔係瞪大對眼，劈大個口就叫驚嚇，要喺面部微表情度畀觀眾睇到唔同層次嘅驚，先會令人感受到點恐怖。至少做鬼后挑戰性大啲，女星只要有身材個個都脫得啦，唔會有難度喎！」
點擊看圖輯
更多相片
Ashina於新戲中收起性感
Ashina於處女電影《壹獄壹世界：高登闊少踎監日記》中上就有牀戰戲
Ashina於《同班同學》中有裸露鏡頭
Ashina首次拍攝鬼片
Ashina認為拍鬼片好好玩，感覺新鮮啲
Ashina於處女電影《壹獄壹世界：高登闊少踎監日記》中上就有牀戰戲
Ashina於《同班同學》中有裸露鏡頭
Ashina於《鬼網》中飾演年輕網絡紅人，因為與家人關係不佳，所以搬去工廈獨居，為人熱心正直，無意中得知「好鄰居」鮑康兒被虐，出於善心所以收留了她成為好友引發連串驚嚇事。郭奕芯第一次演鬼片變得戰戰兢兢：「我本身驚鬼向來唔睇鬼戲，但做演員要試新嘢。印象最深刻有個搭出嚟嘅骨灰龕景做到好逼真，我feel到有寒意。我好記得喺馬來西亞取景時唔止驚，壓力仲好大，因為由朝拍到晚，每個表情都要做得好細緻，但因為積存咗好多負能量，個人變得好燥底，不停係咁食搞到肥咗好多，加上又水腫，塊面腫到包包咁，但都算係一個好好嘅學習機會，可以學到拍鬼片原來攞位角度同其他戲唔同，要從恐怖角度出發。」
Ashina首次拍攝鬼片
Ashina認為拍鬼片好好玩，感覺新鮮啲
Ashina認為拍鬼片好好玩，感覺新鮮啲，但否定日後會「封胸」：「睇劇本需要啦，如果有好劇本，演技得到欣賞都會做，當我決定做演員嗰刻開始就要放開，畀機會自己接受新事物，呢個叫藝術人生，唔好畀條界線限定自己。」
