小齊真的是為藝術而犧牲！
任賢齊（小齊）為新戲角色增肥，體重本來只有74kg的他，由年初開始狂食至今半年，肥到100KG，腰圍40吋。日前到新加坡聖淘沙舉行個人演唱會，肥大叔小齊走進環球片場玩，竟然無人認出他。
小齊笑言：「今次為藝術犧牲認真大！因增肥已經被醫生驗出三高，高血壓，血糖還有脂肪肝！唯一好處就是大家開始認不得我了，所以進遊樂場玩也沒平日麻煩。回復做平凡人其實真係唔錯，只是孕婦不可玩過山車，我就唔玩啦，怕三高一陣心臟負荷不了。」
任賢齊。
小齊被導演說服特效化妝不及真人胖來得投入，開始放任狂食增肥近半年，他謂現在才知道肥人真的是非常辛苦、容易累。一向過度活躍症的他本來是每天運動的人，為增肥他也少了運動，所以常常覺得累，吃宵夜又導致胃酸倒流。
電影目前還未開拍，他已經肥到重新置裝，「本來著中碼，依家變了大碼、加大碼！來到新加場睇見自己張演唱會海報，張相係舊年影， 我個樣同張相已經唔同晒，擔心觀眾見到個任肥齊會不會叫回水。」台上小齊就跟觀眾說：「哎也，大家是不是有點認不出我來？」
Sammi笑小齊將「浪花」說成「老花」，廣東話有待進步。
天后鄭秀文（Sammi）昨晚（7月16日）在紅館舉行第四場「You & Mi 鄭秀文世界巡迴演唱會2023」（Rescheduled ），好友任賢齊（小齊）、蔡卓妍（阿Sa）、導演莊文強、蔡穎恩（Evelyn）與攝影師老公譚運佳、Vian@Me&、國內歌手蘇運瑩等捧場。Sammi換上Monica Ivena黑色水晶短裙與表演嘉賓陳凱詠（JACE）合唱《煞科》，觀眾勁High。全場高潮是encore時，Sammi即興邀請觀眾席上的小齊合唱《浪花一朵朵》，她還笑指小齊廣東話《「老花」一朵朵》，全場爆笑。
任賢齊
蔡卓妍
導演莊文強
蔡穎恩與攝影師老公譚運佳
Vian@Me&
Sammi換上Monica Ivena黑色水晶短裙。
昨晚表演嘉賓JACE出場前，Sammi稱：「今晚呢位嘉賓，我自己覺得好啱口味，唱快歌又得唱慢歌又得，充滿energy嘅新晉歌手。現場觀眾未必個個都認識佢，但我覺得呢個舞台，我好希望能夠分享俾啲新歌手。舞台我就分享咗啦，至於你嘅演出能唔能夠打動到觀眾？就要靠你自己啦！」然後音樂響起《煞科》，JACE毫無怯場，跟Sammi台上又唱又跳，還加入一段rap助興，全場High爆。期間JACE興奮高呼：「好夢幻呀，我同Sammi一齊唱歌呀！」
與嘉賓JACE合唱《煞科》。
全場High爆！
唱完二人擁抱，Sammi說：「每一個歌手都係由新人開始，當初好多前輩歌手俾咗好多機會我上舞台，我先至可以慢慢一步一步行到今天，我都希望今次演唱會，可以同啲比較新晉嘅歌手分享。」JACE表示第一次踏上紅館舞台，「感覺太神奇，好正呀，咁近距離感受Sammi嘅energy。你超好地鼓勵咗我好多，因為之前一段時間唔係好容易過，但Sammi超好，私下同我講咗啲說話，令我覺得我真係要加油。」全場掌聲。
唱完，Sammi和JACE擁抱。
Sammi說：「長路漫漫，前面嘅路係你哋架啦，你要加油呀！」然後JACE送上一個湯壼，說：「我本身諗住自己煲湯，但考慮Sammi健康，所以裏面係我寫嘅一張湯券，等你演唱會完成之後，可以隨時兌換我煲嘅湯。」Sammi笑說：「唔怪之得個壼輕飄飄啦！」她落台換衫，JACE與帶來的舞蹈員表演自己的新歌《百妖夜行的修行》。
演唱會尾聲，全場大叫encore，Sammi穿著Ground Zero 白色小背心、Meryll Rogge牛仔褲配搭Swarovski高級珠寶出場演唱新歌《盲盒》後，對觀眾說：「我知你哋好需要集體回憶，鍾意比較熟悉嘅歌，大家記唔記得幾廿年前（24年前）《夏日的麼麼茶》？『麼麼茶』今日嚟咗呀，小齊！『麼麼茶』今日好風騷喎，粉紅色tee、白色框眼鏡、仲有牛仔帽。」小齊拿起咪高峰跟觀眾打招呼，全場歡呼，小齊說：「『麼麼茶』一路喺馬來西亞嘅熱浪島等Sammi返嚟，等唔到，我就嚟香港搵你！點知我一返嚟香港，個個叫我『秋哥』，因為《九龍城寨之圍城》！」Sammi興奮地說：「恭喜你，過億票房！」
Sammi換上Ground Zero 白色小背心、Meryll Rogge牛仔褲配搭Swarovski高級珠寶出場演唱新歌《盲盒》。
呼喚觀眾席的小齊。
小齊跟觀眾打招呼。
小齊表示好期待再跟Sammi合作拍電影，「你攞獎嘅時候，我仲開心過自己攞，好感動！」Sammi說：「終於攞到啦，yeah！有夢想唔好放棄，70歲都係攞獎時，你加油，演技再進步啲呀！」然後小齊即興與Sammi唱了一段電影《夏日麼麼茶》主題曲《浪花一朵朵》，不過Sammi笑指他將「浪花」說成「老花」，廣東話有待進步，全場爆笑。
小齊表示好期待再與Sammi合作拍電影。
二人即興合唱電影《夏日麼麼茶》主題曲《浪花一朵朵》。
