有好有唔好。
疫情下市民長時間留在家中，但香港人居所淺窄，家人之間不時有摩擦及口角。近月不時都有網民呻有意搬出去，建立私人空間，引發網上熱議。
香港樓價及租金高企令市民難以負擔。資料圖片
有網民發文指，「真係唔明 過咗25歲仲可以點同屋企人住」，稱「都成年人啦，有自己想過嘅生活，係屋企做自己嘢又好奇怪咁，活係屋企人嘅眼光同壓力之下，變相做乜都就住就住，一係就無視目光但又有幾多人做到。有幾多人可以25歲後仲可以同屋企樂也融融咁先...重點係我屋企人完全唔想我搬」
不少市民希望自己有獨立居所。資料圖片
有網民亦有同感，「無空間真係好慘，個廳成日有人想出去活動下都唔得，做咩都俾屋企人望住哂問長問短，完全過唔到自己想要既生活方式，想搬但開支會好大」
有網民指，「身邊大部分朋友差唔多30歲都忍唔到搬出去住，有啲早嘅搵到女友25至26歲都有」。
不過有不少人認為同住有好處，可以節省租金、生活費，而且搬出去倍添煩惱。有網民稱，「同屋企人住係相處煩少少啫，慳埋嘅錢仲多。大把人有樓都同屋企人住，再租自己層樓出去。除非屋企環境好惡劣唔到你唔搬，唔係都會一齊住，諗住結婚前一兩年先走同女朋友出去同居住」。
香港樓價及租金高企令市民難以負擔。資料圖片
有人自言，「三十歲，做裙腳仔做得好開心，生活有老媽執頭執尾煮你飯不知幾爽」、「如果屋企環境好、屋企人對你又好，唔搬好過搬。唔單係錢，自己住多好多嘢煩。」、「搬出去，地方又細，又冇工人用，要自己執屋點搞？」
也有已經搬出去的過來人分享經歷，「我幾年前25歲買咗500呎樓，同老媽屋企距離10分鐘路程，但我屋企間隔舒服好多， 距離港鐵站近好多， 買野又方便好多， 而我又一直冇女友」。
資料圖片
他透露，「咁我老媽就基本上係一個星期有最少幾日喺度過夜， 照舊同我住， 煮飯清潔，鍾意就過返去佢自己度。有時我叫佢唔好上嚟佢就過返去佢自己度。雖然同老媽好close，但我買咗樓供緊樓，其實一直都感受唔到呢間係只屬於我嘅屋。」
