她澄清和阮兆祥「相依為命」。
梅小惠只會記得曾偉權的好，並相信會有更好的來，有機會仍想結婚。
梅小惠受訪電台節目《舊日的足跡》，自曾志偉重返TVB擔任高層後，有網民選出十大最想見的回巢藝人，小惠名列第8位。被問到志偉有否邀她回巢？她說：「總之大家係好朋友，知道理念係乜嘢，有需要幫手嘅話，一定一呼百應。」
小惠受訪電台節目。
談及舊友，TVB近日深夜重播小惠曾參演的電視劇《他來自江湖》，她的心裏卻感到無奈，說：「我寧願唔重播，我情願要返達哥（吳孟達）！之前，每朝早7點都會收到達哥早晨嘅微信，鬧鐘未響㗎！一年左右大家（訊息）都停咗，最後一次喺舊年10月，之後就冇晒信息，未知係咪因為佢身體唔舒服。」
吳孟達上月因病離世。資料圖片
去年底小惠的舊愛曾偉權離世，她心平氣和回應只會記得對方的好。「 我21歲見到筍嘢（曾偉權）就飛身過去，佢又高大又靚仔，第一日已經想（同佢）結婚，佢冇求過婚，因為我哋已經喺埋一齊。（大家）最後一次見係喺爸爸喪禮，我主動多謝佢……我冇乜嘢，我只會記得佢保護我，佢係好演員曾教導我，又會車出車入，我想食腸仔飽佢又周圍去搵畀我，呢啲就係美好嘅回憶！」
被問及阮兆祥在她心碎時搬到她家隔離居住，曾否想過跟對方發展？小惠坦言：「大家唔知其實佢（祥仔）當時都失戀，咪一齊相依為命囉！不過佢真係好錫我。（佢太太會唔會吃醋？）祥仔未結婚㗎！我再次澄清佢係單身嘅，有興趣可以致電營業部徐小姐，哈哈哈！我相信上天會畀一個更好嘅人我！我有機會都想結婚，但係依家已經係家庭主婦，我一個人住都要煮飯洗碗，不過係一個未結婚、就快55歲嘅家庭主婦！」
小惠沒回應有否想過跟阮兆祥發展，只澄清對方仍未結婚沒老婆。
因無綫節目《歡樂今宵》結緣眨眼40載的阮兆祥、梅小惠、江欣燕，早前合作拍攝節目《友乜唔講得》，今晚（5月4日）播出一集的嘉賓是被封為司儀界「神雕俠侶」的鄧梓峰與陳淽菁。
今集嘅嘉賓係鄧梓峰同陳淽菁。
雖說淽菁與梓峰（十郎）已是公認甚有默契的一對，但淽菁卻笑言每次遇上十郎都沒有好事發生：「我好驚見到佢，見到佢過到初一過唔到十五。」之後淽菁大爆十郎工作烏龍事，包括忘記拎咪就衝出錄影廠、以及經常忘記台詞卻不帶Cue Card：「我同佢做倒數節目，我係會攞Cue Card嘅，我覺得你揸住唔睇一件事，但以防萬一有咩事。佢仲叫我唔好成日驚驚青青，然後到正式倒數，佢又會突然問我：『一陣講咩？』然後我就話：『得喇，你睇啦！』所以我攞Cue Card唔係我睇，係畀佢睇嘅。」十郎聞言自辯謂：「我Balance番佢，我成日覺得佢做咩壓力咁大、咁辛苦啫，點解我可以又叫呢樣食又叫嗰樣食，但佢就茶都冇杯嘅…」
今集嘅嘉賓係鄧梓峰同陳淽菁。
今集嘅嘉賓係鄧梓峰同陳淽菁。
今集嘅嘉賓係鄧梓峰同陳淽菁。
今集嘅嘉賓係鄧梓峰同陳淽菁。
今集嘅嘉賓係鄧梓峰同陳淽菁。
二人續指最大鑊一次合作，是做倒數活動時誤信工作人員指示報錯倒數時間、差異長達50秒，令二人當時大為慌張；淽菁又指十郎比她更出事全因「太單純太易信人」，到底二人最終如何化解當晚危機？雖然合作驚險百出，但淽菁仍大讚十郎是極暖心拍檔：「我做騷係一定要個拍檔肯翹我出去，因為我有少少長短腳，而我行落樓梯時係真係會仆親，咁同鄧梓峰一齊我就會好安心架喇，佢呢啲位會好保護我。」二人又異口同聲指最怕合作的人是阮兆祥，十郎的原因是與祥仔合作「好易顯得自己好蠢」，淽菁的原因則是「真係冇辦法過到嗰一日」，到底祥仔有甚麼問題如此嚴重？密切留意本集節目。
欣欣話好難忘同黃霑霑叔合作《江山如此多Fun》。
淽菁原來同祥仔拍過電視劇，佢仲笑言見親祥仔，就會覺得自己「冇辦法過到嗰一日」。
祥仔話自己之前因為做音樂節目，同過好多港姐冠軍合作，李珊珊係其中一位。
鄧梓峰又大爆「十郎」名字的始作俑者是梅小惠，笑言這是二人埋了「30年的恩怨」，十郎說：「嗰時我啱啱91年加入TVB無耐就被安排去華東水災派發物資，咁我嗰時新加入，冇理由好多嘢講，咁佢（小惠）就話乜你成日十吓十吓咁架，就開始叫我十郎喇。佢返到香港後再將我呢個名發揚光大，咁就嗌咗三十年。」小惠聞言笑謂：「我冇諗過成為代表作。」
估唔到「十郎」呢個名嘅始作俑者係梅小惠。
估唔到「十郎」呢個名嘅始作俑者係梅小惠。
除了「十郎」，鄧梓峰另一知名花朵是「輕輕鬆鬆」鄧梓峰，對此欣欣追問十郎「輕輕鬆鬆」零壓力要訣，對此十郎說：「其實好多嘢都有壓力，只不過我可能用個笑容帶過咗佢。我成日覺得只要有樣嘢要我好專注咁做，做完我反而更加Relax。」席間，五人還大爆出騷怪癖，欣欣自爆每次扮嘢前都要「神打」上身，相當搞笑，欣欣說：「我會上身，Hey！我就係佢，去！」並笑言每次進行「神打」儀式時，都不希望被任何人看到。
欣欣嘅「神打」怪癖好笑。
欣欣嘅「神打」怪癖好笑。
