父母的身教直接影響子女的行為及價值觀，但不時有網民分享「怪獸家長」的奇葩行為。有網民早前在facebook專頁「香港倉鼠交流區」投稿，指最近目睹一名女童「扭計」要求父母買倉鼠，當時女童的母親竟指着店內一個只有A4紙大小的手提籠，要求購買手提籠及倉鼠。店員解釋手提籠太細不適合倉鼠居住，推薦她們購買一個較大的，惟港媽拒絕並指「我哋覺得呢個太大啦，囡囡爸爸都唔同意買咁大。」
設計圖片
一名較資深的店員其後到場向港媽表示：「我哋係唔會賣畀你，除非你係買埋一個合適嘅籠畀隻倉鼠仔」，提醒港媽應以身作則，「倉鼠係一個生命來，你應該係好好哋教育你囡囡，等佢知道點樣尊重呢個生命」，惟港媽竟語出驚人指「咁我哋淨係買隻倉鼠唔買個籠囉！」，最後店員「企硬」拒絕出售倉鼠予港媽。
設計圖片
目睹事件的網民直指港媽「無得救」，又慨嘆身教很重要，「店員其實真係講得好清楚佢哋最基本嘅需求係乜，只係嗰兩個家長為咗氹掂扭計嘅囡囡，諗埋晒啲咁嘅行為，所以話身教真係好重要。」
設計圖片
事件引來多名網民討論，稱讚該位店員非常盡責及有原則，沒有因為倉鼠的價錢便宜而罔顧牠生存的應有權利，「真係唔應該為咗一個扭計嘅小朋友而去買隻鼠鼠返嚟害咗條生命」、「好嘅店員真係好少有，畀100個讚」、「畀個讚個店員好負責任」，另外亦有人批評港媽未有當倉鼠是一種生命，只當玩具，沒有在女兒面前做好身教。
來源：香港倉鼠交流區
有網民指最近目睹一名女童「扭計」要求父母買倉鼠，當時女童的母親竟指着店內一個只有A4紙大小的手提籠，要求購買手提籠及倉鼠。
人人都有個六合彩發達夢，香港打工仔一年數次的集體發白日夢機會又來了！
六合彩。示意圖片
上周全城關注的1億元六合彩「新年金多寶」未有幸運兒誕生，頭獎獎金高達1.28億的六合彩即將於晚上登場，此時此刻相信每一個港人都有一個一夜發達之夢，而上周因一個數字錯失一億彩金的三獎幸運兒近日亦現身，為大家揭開中獎之謎。
1月7日的六合彩頭獎彩金可達1.28億元。巴士的報記者攝
上周六合彩「新年金多寶」開彩，最中攪出9、23、42、44、45、46，特別號碼為22，頭獎無人中；二獎9.5注中，每注派逾98萬元；三獎309.5注中，每注派8萬元。近日就有幸運兒在「連登討論區」撰文，以「中咗三獎」為題分享中獎經歷。
網上圖片
事主分享了自己中5個字獲派彩80,400元的投注紀錄，並公開表示接受「一人一句祝福」，網民紛紛留言恭喜事主，並希望沾沾好運。據事主曬出截圖，他以10元一注「運財號碼」中三獎，當晚金多寶開出的號碼是9、17、42、44、45、46，而事主則中了9、42、44、45、46共5個字，獲派彩逾8萬元，不過亦意味著差1個字，事主便可捧走1億彩金。
網上圖片
網友們紛紛恭喜事主好運，有網友留言詢問「中咗有咩感覺」，事主指「8萬蚊有咩感覺？年輕真好」；被問及「有冇咩心頭好想買好耐？」，事主則表示「8萬蚊買唔到啲咩，淨係想去日本」。
對於網友們普遍關心的如何挑選中獎號碼，事主指自己中三獎的號碼是「自選」，不過不少網民認出事主曬出的派彩相中顯示的是「電腦飛」，指「運財號碼就係電腦飛」，相信事主是買「電腦飛」中三獎。而事主亦回應指，「買咗30條已經唔記得邊個係自選，我有幾條都係搭順number（號碼）」，故網友們總結，令幸運兒的中獎的號碼相信是來自「電腦飛」。
翻查過往資料，不少幸運兒都是購買電腦飛的隨機號碼中獎，也祝各位好運!
