HotTV
昨晚平安夜，一班藝人都有慶祝，日前獲封視后的胡定欣相約好姊妹「豹嫂」胡蓓蔚和李施嬅（Selena）開Party喪玩。
陳明道（左）跟胡定欣（左二）合照時站在「情侶位」，糖黐豆一樣甜密（圖：新浪微博）
胡定欣今早發布圖片，留言說：「Happy Happy Christmas!Thank you so much Selena!!!」相信昨晚一行人去了李施嬅家玩。
同場有豹哥單立文，更難得見到胡定欣和陳明道在同一照片中出現，似乎視后進一步認定了跟男友關係。
圖：新浪微博
另外胡定欣好姊妹胡杏兒就沒有現身，相信是忙於籌備28號跟男友李乘德（Philip）結婚。
希望有大團圓結局喇！
黎耀祥和胡定欣日前（11月12日）到新城廣播接受薛家燕、范振鋒及思敏主持的《開心大派對》之「開心家訪」訪問，宣傳熱播劇《巾幗梟雄之懸崖》，該劇下周五（22日）將迎來大結局，劇情亦開始進入高潮，祥仔和定欣在訪問中無意中劇透，但對於「七爺」（胡定欣飾）和「柴十七」（黎耀祥飾）能否開花結果則守口如瓶，並大賣關子表示：「大家睇啦！」
黎耀祥和胡定欣接受新城《開心大派對》節目訪問。
祥仔和定欣透露《巾幗梟雄之懸崖》在橫店拍攝了兩個半月，今次亦是兩人第8次合作，所以充滿默契。提到角色名字柴十七的由來，祥仔直言自己也有問過編劇張華標，「因為好多人對呢個問題好有興趣，我就問標哥點解係十七？唔係十五或者十六？標哥話佢查過《易經》，十七係代表堅定不移、勇往直前。」祥仔又認為柴十七的角色既寫實又充滿人性，「好多人都會問柴十七點解成日話辭職，但又要返去，其實我哋每日返工都唔想撈，最後總會有啲原因令到你又會返工。」
宣傳熱播劇《巾幗梟雄之懸崖》。
蕭正楠在劇中有3個角色，祥仔和定欣忍不住爆料，「大家眼見嘅有三個，佢用三個身份出現，但質實只係兩個人，我哋開頭拍都有啲亂，會問佢究竟係邊個，哈哈。」定欣又十分開心每日開工都有靚衫著，「一日十幾場戲，好彩劇組已經幫我安排好，唔需要我自己記住要著邊一套，我就好似個模特兒咁，換完就出嚟，好似fashion show，有成三十套靚衫。」
七爺和柴十七由最初的互不信任，到後來出生入死互相扶持，兩人內心都有對方，定欣續說：「之後柴十七去咗香港，我有時會去探佢，大家好似好掛住對方，但我又有大病，子彈碎片會影響記憶，自己唔想拖累佢。」祥仔更形容：「都幾夭心夭肺。」范振鋒問兩人最後是否走在一起？定欣和祥仔異口同聲表示：「大家睇啦！」
胡定欣大爆七爺同柴十七分隔兩地。
祥仔：「都幾夭心夭肺！」
詳細節目內容，請留意 11 月 16 日，3-4時，新城知訊台《開心大派對》節目，網址：
https://www.metroradio.com.hk/MetroInfo/
