社會事
今日「雙11」，內地的網購平台都會有大量貨物促銷減價，不外乎衫褲鞋襪食品日用品等，不過有網民就買入一輛飛機餐車，可謂非常另類。
設計圖片
在facebook群組「淘寶開心share」有網民上載一張照片，可見飛機餐車停泊在一間住宅的門後方，旁邊是一堆雜物，稱「淘咗部2手餐車返嚟玩」。有網民好奇價錢及中重量，發文者指連運費不用2000元，一共24公斤重。
設計圖片
不過一眾網民不太理解做法，「點玩法？願聞其詳」、「有咩玩？ 有空姐係入面出嚟？」、「點玩？點解要買2手」。
設計圖片
也有人質疑，「你模仿得好似...條路同喺飛機入面一樣咁窄」、「空間咁細仲買啲咁嘅嘢玩。行都行唔到」、「屋企已經夠逼」、「嫌屋企唔夠亂？」、「如果屋企有1000尺2個人住嘅話，買嚟玩吓cosplay都無妨嘅。相反只會覺得好礙地方」
網民購入一輛二手飛機餐車。群組「淘寶開心share」網民Henry Leung圖片
圖片轉載自群組「淘寶開心share」
不少人可能都試過在巴士上睡着了以致過站都懵然不知，日前就有港男因在車上睡得太沉，直至巴士到了總站，全部乘客都已下車了才醒來，卻發現自己被鎖在車廂內！
影片截圖
醒返時車內空無一人車門被鎖
有港男早前在社交平台發文及影片，寫到「點解返工遲到？」由影片中所見，他人身處巴士的下層，車門已鎖，而車內空無一人連司機也不見，只有樓主無奈地坐在空車內。
港男表示因為在巴士上層睡得太熟，到了總站都不知，而司機也沒察覺直接鎖車走人，所以也成為了他當日返工遲到的原因。
影片截圖
網友同情：睇嚟你真係好眼瞓
不少網友睇帖文後留言「司機落車前要巡車架！！！」、「好慘，睇嚟你真係好眼瞓」、「呢鑊嘢你好可能一世都記得」。亦有網友則教樓主下次遇到類似情況應如何甩身「自己撳掣（太平門掣）離開巴士車廂」，「前門望下門框有個黃色邊紅色開門掣，開門在安全情況下離開，記得撳返車外面嘅綠色閂門掣閂門」。
網民分享類似經歷 竟然睡到巴士已改了路線
不過帖文亦引來不少網民分享類似的經歷「試過坐巴士，去到總站唔知醒，好在巴士司機叫我」、「我試過半夜飲醉咗瞓咗喺架巴士，但個司機收車冇鎖，直接行返出去」、「我試過瞓到，巴士已經返到車廠入油，落到下層時嚇死個司機」。
影片截圖
有網民甚至試過睡到巴士已改了路線，「我嗰次要搭269C返工，一上車肯定係瞓覺，醒嗰陣發現以下嘅事情，車長換咗人；架車轉咗牌變68X；行車方向係入新界方向（仲要已經行到青衣就到汀九橋）」。
城巴fb圖片
有人在車上睡了幾程車超誇張
最誇張的是竟然有網民在車上瞓了幾程車「之前坐89D返學，瞓覺瞓到藍田站嘅時候有少少醒，但係唔知點解繼續又瞓返，跟住返返去馬鞍山又係有少少半睡半醒但係唔知做乜嘢，我選擇繼續瞓（可能諗住瞓到返屋企落車唔返學掛），但係最後醒返已經差唔多準備又上公路出九龍，跟住第二次同樣又係瞓到去藍田站，但係又係半睡半醒之間唔知點解選擇繼續瞓，跟住期間又半睡半醒望到架車行緊觀塘道，但係架車好似冇着燈，後尾架車唔知做乜嘢去咗樂富之後俾個司機叫醒咗」。
