很多情侶希望婚後與另一半有一個「安樂窩」，一名港女於討論區發文指，男友欲先買樓後結婚，要求她支付一成首期，惟女方已經持有物業，為慳稅故買樓不能加上她的名字，並認為現時付錢毫無保障，「好似我貼錢嫁，逼佢結婚咁」，故向網民求助到底應否幫忙支付首期。
資料圖片
該名港女於「香港討論區」發文指，自己已擁有一個物業，為避開支付額外稅項，「男朋友買樓唔可以加我名」。對方知道她有儲蓄後，要求她付一成首期，男友就支付三成首期，隨後的裝修及供樓支出則共同負擔。港女聞言心感猶豫，指男友至今未曾向她求婚，「佢想先買樓後結婚，而我有錢應該要一齊畀」，甚至不願簽紙後買樓，「話趕唔切同埋婚後財產要一半」。
資料圖片
港女透露，男友所持的可用現金較多，「原本話唔使我畀首期，但買完而家又要我拎一半身家夾首期」，令她覺得似貼錢逼婚。她又指與男友交往良久，已失去昔日的激情，「而家已經冇特別去氹我，平時冇乜傾計，只係放假出下街食飯咁」，但若拒絕夾錢付首期就會被對方埋怨，「雖然佢話係因為我所以去買樓，但係我完全冇保障咁」、「純粹搵人夾首期同供樓、結婚只係被迫」。面對兩難，她遂向網民詢問，「如果層樓冇落名，應該畀首期嗎？」。
港女其後補充指，不明為何男友堅持要求夾錢付首期，「層樓無我名，我又無同佢結婚，點解我一定要幫手畀錢？」，並稱後悔讓男友知道她有多少儲蓄，「我覺得佢而家係心理唔平衡、佢覺得佢就畀哂所有錢，我就不勞而獲」。
資料圖片
帖文引起網民的熱論，紛紛籲樓主不應強迫自己夾錢買樓，「你地未結婚，如果分手，點追返啲錢，擺明想分你啲錢多啲」、「信唔過咪唔好畀，你嗰層都無叫佢岀，佢買又叫你一齊畀」，亦有網民指樓主應重新考慮與男友的關係，「樓主男友計得好盡，好計較，你應諗諗呢個男人嫁唔嫁得過」。
資料來源：香港討論區
男友欲先買樓後結婚，要求港女幫助支付一成首期。《香港愛情故事》劇照
