市民現時進入食肆等表列處所，必須先使用「安心出行」手機流動應用程式掃瞄二維碼。有港女指，親戚原定安排下周二冬至（21日）當日到酒樓吃飯，但爺爺由於不肯在手機安裝「安心出行」，嫌棄該應用程式使用太麻煩，竟憤而表示不做冬，指「食嚟都冇意義」！
資料圖片
該名港女在「香港討論區」發文指，家中長輩一直認為「冬大過年」，故一家人多年都非常重視做冬，但爺爺最近突然發脾氣指「今年唔做冬」，着各人冬至當天不用到他家吃飯，亦毋須帶他外出用膳。她其後詢問父親，方得知原因，「原來阿爺話因為一定要（用）『安心出行』，搞到佢唔想出街食，又話而家出街食飯咁多限制，食嚟都冇意義」。她指，爺爺因未滿65歲，未獲豁免使用「安心出行」。
資料圖片
港女透露，去年限聚令下無法多人一枱，一家人只好買盆菜回家享用，但由於爺爺一向不喜歡一大班人到家中吃飯，故當時已表露不滿，「覺得係我哋唔搵間餐廳可以坐齊咁多個人食」。今年叔父找到一間酒樓，可讓他們坐房及分兩圍，但爺爺仍不滿意，「阿爺話：『而家一定要『安心出行』先可以入餐廳食飯，搞咁多嘢不如唔好食、唔好做節』，之後仲話唔好諗住又買盆菜做節，因為覺得盆菜撈埋一堆好似餸頭餸尾，所以佢唔鍾意喎」。
資料圖片
港女指，若一家人最終沒有回家做冬，爺爺定會指責他們沒有孝心，但認為「嘟一嘟就搞掂」，不理解爺爺為何如此抗拒，形容他要求多且不聽別人意見，「成日話麻煩，都唔知有咩咁麻煩」。
帖文引起網民討論，不少人認為樓主不應勉強爺爺，「佢都話咗唔食，咁咪由佢」、「怕麻煩唔出去都好嘅，要專重老人家意見」。亦有人認為老人家「好易𠱁」，着港女一家人替爺爺安裝「安心出行」，或買外賣回家做冬便可。
市民現時進入食肆等表列處所時，必須先使用「安心出行」手機流動應用程式掃瞄二維碼。資料圖片
