林夏薇與陳展鵬昨日為新劇《乘勝狙擊》試造型，提到有指獲老公莫贊生豪俾兩億家用，夏薇即笑言：「邊有咁誇張呀！」
林夏薇、陳展鵬、陳山聰及傅嘉莉等昨日為無線新劇《乘勝狙擊》試造型，劇中飾演老千的展鵬更戴上太陽眼鏡及以鬍鬚Look示人。
夏薇在劇中飾「雀后」，原來她完全不會打麻將，「新年前知道要拍呢套劇，所以即刻買咗兩副麻雀，老公係其中一個幫我練習嘅人。」夏薇又透露，展鵬首集就會跟她拍除衫戲。
問到老公可會呷醋時，她笑說：「佢都唔知，點會呷醋。」另外，提到早前有報道指她收老公兩億家用，夏薇澄清：「邊有咁誇張呀！我哋財政獨立，我仲好努力工作，要供樓呀！」
網上圖片
至於夏薇拍檔展鵬透露花了20日留鬍鬚，他笑說：「都係第一次留鬚，自己平時鍾意青靚白淨。」追問可會「擔心」愛上留鬚？展鵬表示：「我都驚呀！不過等我學識收剪先。」
