人妻想搵藉口搬開唔同老爺奶奶住 網民紛紛獻計

相見好同住難，做人新抱也甚艱難。有人妻不滿同住的老爺奶奶衛生習慣想搬開住，卻又得顧及兩老感受和家庭和諧，於是在facebook討論區發帖問「有咩藉口唔同老爺奶奶住，而佢哋唔會嬲」。網友的回應大概分兩類，一是諗計仔搬開，一是無奈接受共存。

樓主指「兩老衛生意識好低」。

樓主講述自身苦況時指「我哋一家四口同埋老爺奶奶住，其實佢兩位老人家人品唔太差，起碼都錫孫，又唔會成日講啲刻薄說話。但有一樣嘢就快到我臨界點！佢哋啲衛生意識好低，以前一向唔理，但自從一齊住就有好多嘢要睇唔過眼！

樓主指「自從與兩老一齊住就有好多嘢要睇唔過眼！」。

好似佢哋老人家對眼唔係幾好，食飯食到周地係！明明對拖鞋喺屋企著，就成日著埋出走廊掉垃圾，行出𨋢口之類，然後又踩返入屋！我要返工，日日收工返到嚟就覺得個地好污糟，已經好攰仲要抹地！

樓主呻要返工，而「日日收工返好攰仲要抹地！」。

之前疫情屋企大把口罩，又點都唔肯日日換，返到嚟就咁求其掛住，我日日就喺屋企清潔抹地，而家口罩令已無埋，佢哋唔知死出街口罩都唔戴，惹到通屋都係菌搞到我個仔，我真係會崩潰！」。

樓主想「唔同老爺奶奶住」。

樓主接著補充，「又唔係趕咁難聽嘅」、「我梗係知道，不過冇咗我哋，又驚佢兩個會好論盡，始終已經70幾，仲有每次同老公呻都唔會有咩答案，只係話既然住埋一齊張就下！我原生家庭嘅衛生好好，再係咁忍落去我真係擔心有日會爆佢哋一鑊」、「忍咗好耐，唔呻真係會痴線」。

有網民於是獻計，如何能和平地搬開：

•買間屋畀佢地住；

•最多你有錢咪搬出去住；

•咁自己要有能力搬先得㗎喎；

•無兩全其美，說想過二人世界；

•話你哋想小朋友有多啲空間搬出去；

•買層樓俾佢哋住，外加工人、看護；

•想有自己空間，佢地基本上會明白的；

•你話肺癆仲未搞掂依家醫生又話你好似麻瘋𠻹喎。

樓主發帖問「有咩藉口唔同老爺奶奶住，而佢哋唔會嬲」。網上截圖

不過，始終搬屋不同食生菜，有網友坦言「其實都幾難開口」、「樓主你呻完就算——＜完＞」、「有能力就緊係分開住；不然都要調節下自己心態，共存......」。

樓主稱「真係忍咗好耐，唔呻真係會痴線」。網上截圖

有人問「點樣唔同（一齊住）法......？自己一家四口搬走......話唔阻住佢地隨意嘅生活，相信佢地會理解的......叫佢兩個老人家搬走......想佢地唔嬲，好難囉......」。

網民獻計指「說想過二人世界」。網上截圖

另有人提醒「永遠同老爺奶奶住就係有問題㗎喇～唔係婆媳關係就係濕濕碎碎嘅嘢～有能力咪搬走～但你要諗個理由，千祈唔好講真話，始終老人家都要有返份尊嚴係度」。

點樣唔同(一齊住)法..........?

網民獻計指「想有自己空間，佢哋基本上會明白的」。網上截圖

還有人批評樓主的衛生論，指「其實如果你要返工，兩老唔使返工的話，你自己才是最大細菌源頭，反而兩老唔係」。

帖文來源：香港討論區

有網民上載照片至社交平台，指多架停在行車通道的九巴被抄牌，引起網民熱議。

美田邨巴士總站多架巴士被抄牌

從facebook群組「香港交通及突發事故報料區」照片可見，交通督導員在大圍美田邨巴士總站於停泊巴士前埋頭抄牌，並將告票放置於巴士的水撥位置。

FB圖片

FB圖片

對道路或行人造成不必要的障礙

告票違例事項編號為01，亦即違反了香港法例第237章 《定額罰款(交通違例事項)條例》第4條，停泊的方式相當可能對道路造成不必要的障礙， 或對其他使用該道路的人士造成不必要的危險。

有法必執 VS 走火入魔

有網民差重點笑「張告票可以攝到咁高，嗰下先係技巧」，但同時網上掀起依法執法或走火入魔的討論。有人批評該交通督導員執法過嚴「走火入魔」、「巴士總站唔俾泊巴士咁仲叫咩巴士總站？」、「巴士總站嚟，我話X知你打橫泊啦，唯一阻到嘅咪又係巴士」；但也有網民指出，巴士停泊在非指定月台或泊車位，理論上仍是行車通道，故屬違泊行為，「違泊就係違泊」，交通督導員的執法「屬合理」。

FB圖片

乘客埋單 VS 公司負責

有網民嘆氣「唔怪之得巴士要加價」、「最後都係乘客埋單」，調侃「發窮惡」、「係咪想重演埋正站先上落客」、「巴士集體返廠，到時睇下塞爆邊個」；但有人亦認為罰單應由巴士公司負責，車長毋須承擔個人責任「埋單」。亦有人估計是隔離小巴或的士司機投訴才會入去抄牌。

FB圖片

九巴強調需短暫停泊讓車長休息 要求運輸署跟進

九巴表示相關巴士停泊的位置屬巴士總站運作範圍，並無阻塞現場交通。巴士營運需於班次開出之間在巴士總站內短暫停泊巴士，讓車長休息或用膳，已就事件向運輸署反映意見，及要求署方跟進。

打擊交通違例事項行動 警已發8張「牛肉乾」

警方稱沙田警區人員26日約下午1時在香粉寮街一公共運輸交匯處進行打擊交通違例事項行動，向的士、小巴及專利巴士發出共8張定額罰款通知書。