藝人李施嬅親歷國泰客機事故 機上直擊驚魂一刻：成個人震晒

國泰航空 CX880 由香港飛往洛杉磯航班，24日凌晨約1時，因機組人員偵察到技術故障終止起飛，隨即疏散機上293名乘客，旁邊六個門逃生滑梯隨即展開，乘客要瀡逃生梯離開航機，場面驚險。藝人李施嬅原來就在肇事航機上，她事後在社交平台IG發帖，拍下當時機上及在機場等候的短片，並分享她當時的感受。她直指「今晚係好驚險」！

航機上乘客紛紛離開。李施嬅IG截圖

大批乘客獲救後在機場等候。李施嬅IG截圖

她表示，「我係第一次喺跑道飛機好高速時無端端dup brake停，啲嘢冧晒，個個都好驚，跟住空姐／captain(機長)話要evacuate(疏散)，大家都好緊張，大嗌好混亂，令我個人都震晒，其實都好驚嗰一刻，跟住瀡滑梯即刻彈出嚟，個個都要瀡落去，好多人都損晒，好感恩就係captain係我哋take off之前嗰刻發現有問題，即刻dup brake煞停，無起飛到，如果起飛咗仲麻煩。」

李施嬅直擊落機後在機場等候安排情況。李施嬅IG截圖

李施嬅在IG分享她的親身經歷,自言驚險又感恩。李施嬅IG截圖

她續說「所以好感恩，雖然係幾驚嘅一件事，但係大家都平安無事過咗呢件事，非常感恩，辛苦咗所有工作人員、空姐、機師，起碼大家都平安無事，唔飛住都唔緊要。」

藝人李施嬅直擊航機事故。李施嬅IG截圖

國泰航空表示，未來數月將增加更多航班及航線，以滿足外遊需求增長，對今年聖誕假期客運量保持樂觀，預期較去年同期更佳。集團今年以來已宣布新增17個新航點，當中8個已啟航。

國泰航空9月載客量約181.7萬人次，按年升近18%；首9個月升逾28%至1655.4萬人次，連同香港快運合計載客量突破2000萬人次，達到逾2100萬人次。

國泰9月貨物運載量13.3萬公噸，按年升約11%；首9個月升近10%至110.4萬公噸。集團指，9月踏入傳統旺季，需求增強。