林盛斌（Bob）跟太太Bob嫂Pearl一直恩愛，對四名子女也疼愛有加，但近日他竟趁老婆跟子女外遊，竟有一個「大膽嘅想法」。
早前Bob嫂帶仔女去加拿大度假，Bob在社交平台說：「佢哋就去加拿大度假，我就留喺度繼續搵食……唉，點算呢，好掛住佢哋添，屋企有三個禮拜冇人嘈喧巴閉，冇人無啦啦六七點叫我起身，好唔慣添，點算好呢？」
Bob嫂Pearl一拖四女去加拿大度假。
怎料，Bob嫂離港不到4日，林盛斌就自爆跟另一女性共處一室，「呢個女人，入得廚房，出得廳堂，仲要識得整香煎雞扒太陽蛋蔥花印尼撈麵。而家成日同佢獨處一室，我老婆真係要快啲返嚟，如果唔係，我驚我會有大膽嘅想法………」
林盛斌（Bob）的家傭入得廚房，出得廳堂。
原來這個女人是他的家傭，網民見到他的帖文也馬上搞笑留言：「夜晚飲多兩杯更加唔夠膽諗」、「繼續發你嘅春秋大綺夢啦」、「有冇咁誇張呀，比個天你做膽你一定唔敢啫」、「會唔會出事㗎」。
林盛斌一向是顧家好男人。
林盛斌對Bob嫂寵愛有加。
Bob是愛吃之人，從不打算減肥。
Bob經常扮鬼扮馬，十分生鬼。
霍哥被網民封為本色演出變態殺手
網絡紅人霍哥（霍俊邦）早前於社交媒體上載新戲角色造型海報，為其主演的電影《雨夜屠夫》宣傳，惹來網民瘋狂洗版留言「霍哥飾演緊自己」、「頂，我打咗個冷震」、「起哂雞皮」，仲有網民林盛斌留言叫霍哥「做定出年西裝金像獎著啦」，一大堆流量密碼迅即成討論熱話。霍哥日前現身出席電影發佈會，即睇佢對網民反應點回應 ！
YouTuber霍哥首次擔正男一登大螢幕。
新戲《雨夜屠夫》演林過雲。
霍哥要摵甩個喜感：「我只係驚唔夠變態，要出盡力變態。」
YouTuber霍哥早前為新戲《雨夜屠夫》開鏡，宣佈將會主演由鄧東明執導的真實案件改篇電影《雨夜屠夫》，戲中飾上世紀80年代連環殺手林過雲。日前，男主角霍哥與女主角雪兒（Suet E）及音音姐（邵音音）一同出席電影發佈會， 霍哥於戲中與音音姐演嫲孫關係，當中兩人不乏對手戲，音音姐透露於劇內要不停鬧個孫（霍哥） 。早前開機，即要面對大量內臟拍攝， 霍哥表示：「真係本色演出呀呢次，呢套戲又內臟又同女角好多『肉』博戲，成個角色造型上更加唔駛講，同我嘅人設完美配合，導演見我嗰刻都話：『係你啦！』不過認真講係要摵甩平時拍片嗰種喜感，只怕唔夠力度變態，所以我叫自己乜都唔好理，要出盡力變態。」
被網民封為本色演出變態殺手。
網民林盛斌（Bob）留言：「做定出年西裝金像獎著啦」
霍哥現身回應。
發佈會當天適逢音音姐生日，劇組準備蛋糕與音音姐慶生，搞笑的音音姐更自備高踭鞋同「孫仔」霍哥影相，導演鄧東明亦上台指，希望藉著電影故事帶出女士要小心有保護自身的意識。
霍哥與女主角雪兒（Suet E）日前一同出席電影發佈會。
霍哥於戲中與音音姐演嫲孫關係。
命格本屬搞笑轉型認真演出 霍哥閉關半個月做功課
由霍哥飾演的林過雲是香港首名連環的士殺手，由於犯案日子都是下雨天的晚上，因有「雨夜屠夫」之稱。 由於霍哥以往一直於社交媒體主力拍攝喜感、搞笑片，當接下角色時即腎上腺急升，為求由搞笑轉認真mode演出角色，開機前閉關半個月不停睇有關殺人犯心理書籍和肢解片：「閉關半個月做功課連續係咁睇，夜麻麻仲要唔開燈睇好有『變態殺手』feel，睇到想嘔。」除咗日刨夜刨劇本，霍哥話音音姐現場教佢演戲，又謂：「見到網民話我『因為做返自己，唔屬於演技』，其實唔啱嘅，對我嚟講好色同變態都係兩種演技嚟嘅。」新電影公佈率先引來討論熱話，霍哥感到開心之餘，亦期待入場觀眾睇佢變態一面，又笑指希望到時「出街唔會畀人打」。
網民力讚。
霍哥：「我只係驚唔夠變態，要出盡力變態。」
